نرخی نەوت Archives - تۆڕی میدیایی خەڵک

سەردێر

خەڵك- ئامارێكی نوێی تووشبوون بە ڤایرۆسی كۆرۆنا بڵاودەكرێتەوە، و بەپێی ئامارەكەش ژمارەی تووشبوون بە ڤایرۆسی كۆرۆنا لە جیهاندا 230 ملیۆن كەس تێدەپەڕێنێت. بەپێی دوایین ئاماری تایبەت بە پەتا جیهانییەكە كە ئەمڕۆ پێنج‌‌ شەممە لەلایەن زانكۆی (جۆنز هۆبكنز)ی ئەمریكاییەوە بڵاوكرایەوە، ژمارەی تووشبوانی كۆرۆنا بۆ 230 ملیۆن و 89 هەزار كەس بەرزبۆوە. هەر لەو چوارچێوەیەدا ژمارەی حاڵەتەكانی گیان لەدەستدا گەیشتنە 4 ملیۆن و 719 هەزار كەس. ئامارەكان ئاماژە بە دابەشكردنی 5 ملیار و 988 ملیۆن ڤاكسینی دژە كۆرۆناش دەكەن لە جیهاندا. لەو دەمەی بۆ یەكەمجار لە مانگی كانوونی یەكەمی 2019وە پەتاكە لە وڵاتی چینەوە دەركەوت، تووشبوون بە ڤایرۆسی كۆرۆنا لە زیاتر لە 210 وڵات و ناوچەی جیاجیای جیهاندا بڵاوبۆتەوە. ویلایەتە یەكگرتووەكان لە ڕیزبەندی یەكەمی جیهانە لەڕووی ژمارەی تووشبوون بە كۆرۆنا، پاشان هندستان و بەرازیل و فەرەنسا و ڕوسیا و توركیا و بەریتانیا و ئەرجەنتین و ئیتاڵیا ناوییان لە ڕیزبەندی تۆماركردنی زۆرترین ژمارەی تووشبوون بە پەتاكە، تۆماركراوە.
خەڵك- كەریم بنزیما، ئەستێرەی فەرەنسی و گۆڵكاری یانەی ڕیاڵ مەدریدی ئیسپانی، چووە ڕیزی ئەفسانەكانی خولی ئیسپانی "لالیگا"، دوای ئەوەی گەیشتە گۆڵی ژمارە 200 لەگەڵ یانەی شاهانە. كەریم بنزیما، بووە دەیەمین یاریزان لە پاڵەوانێتی خولی ئیسپانیا كە گەیشتوونەتە گۆڵی 200 لە مێژووی پاڵەوانێتییەكە، ئەمەش بەپێی تۆڕی "ئۆبتا" بۆ ئامارەكان. نەك هەر ئەمە، بەڵكو بنزیما توانی بەسەر دوو ژمارەی مێژوویی دوو ئەفسانەی پێشووی لالیگا زاڵ ببێت كە بریتین لە كریستیانۆ ڕۆناڵد و لێۆنێل مێسی، دوای ئەوەی هاوبەشی كرد لە دروستكردنی 15 گۆڵ لە لالیگا لە پاش تێپەڕینی 6 گەڕ لە دەستپێكردنی پاڵەوانێتی خولی ئیسپانیا. لە دوایین یاریی لەگەڵ ڕیاڵ مایۆركا كە ڕیاڵ مەدرید بە ئەنجامی 6 گۆڵ بەرامبەر بە گۆڵێك یارییەكەی بردەوە، بنزیما توانی دوو گۆڵ تۆماربكات و ماركۆ ئەسینسیۆی هاوڕێشی سێ‌ گۆڵ تۆماربكات. بەو دوو گۆڵە بنزیما گۆڵەكانی گەیاندە 8 گۆڵ، لەگەڵ ئەمەشدا 7 گۆڵی تری دروستكردووە لەو 15 گۆڵەی كە لە یەكەم 6 گەڕی یەكەمی خولی ئیسپانیا لەلایەن ڕیاڵ مەدریدەوە تۆماركراون، ئەمەش لەلایەن "ئۆبتا"وە ئاماژەی پێكراوە. ڕۆناڵدۆ یەكەم یاریزان بوو لە خولی ئیسپانیا لە سەدەی بیست و یەك كە بەشداریی لە 14 گۆڵدا كرد لە گەڕەكانی یەكەمی پاڵەوانێتییەكە و توانیبووی 13 گۆڵ تۆماربكات و گۆڵێكیش دروستبكات، ئەمەش لە وەرزی 2014- 2015، بەڵام بنزیما توانی ئەو ژمارەیەی ڕۆناڵدۆ بشكێنێت لەڕێی ئەو دوو گۆڵەی تۆماریی كرد لە یارییەكەیان لەگەڵ ڕیاڵ مایۆركا.
خەڵك- بانكی ناوەندی عیراق، زیاتر لە 188 ملیۆن دۆلاری ئەمریكایی دەخاتە بازاڕەوە كە بە بڕێكی كەمتر لە ڕۆژی پێشوو دادەنرێت. ئەمڕۆ پێنج شەممە، بانكی ناوەندی عیراق، بڕی 188 ملیۆن و 499 هەزار و 208 دۆلاری خستەبازاڕەوە، ئەمەش بە بڕێكی كەمتری ئەو دراوە دادەنرێت بەراورد بە ڕۆژی پێشوو كە 213 ملیۆن و 697 هەزار و 484 دۆلار بوو. بانكی ناوەندی دەڵێت: “لە كۆی گشتی پارەكە 17 ملیۆن و 30 هەزار دۆلاری بەشێوەی كاش فرۆشراوە و ئەوی تر كە171 ملیۆن و 469 هەزار و 208 دۆلار بوو بۆ پتەوكردنی ڕەسیدی بانكەكان بووە لە دەرەوەی وڵات”. هەر لە بەیاننامەكەی بانكی ناوەندیدا هاتووە”لە پرۆسەكەدا 34 باتك بۆ دابینكردنی داواكاریی پتەوكردنی ڕەسیدی دەرەوە و 5 بانك بۆ دابینكردنی داواكاریی نەختینە و كۆمپانیا بەشدارییان كردووە، هەر دۆلارێكیش بە 1460 دینار فرۆشراوە. بەهۆی زیادكردنی فرۆشتنی دۆلار لەلایەن بانكی ناوەندییەوە نرخی دۆلار كەمێك دابەزیوە لە بازاڕەكانی نێوخۆی عیراق و هەرێمی كوردستان، ئەمڕۆ نرخی 100 دۆلاری ئەمریكایی بە 147 هەزار 450 دینار مامەڵەی پێوەكرا.
خەڵك دەستەی گشتى گەشتوگوزاری هەرێمی كوردستان ڕایدەگەیەنێت، بەراود بە هەشت مانگی ساڵی ڕابردوو ، هاتنی گەشتیاران %31 زیادی كردووە. دەستەی گشتى گەشتوگوزاری هەرێمی كوردستان لە ڕاگەیەنراوێًكدا بڵاویكردەوە تێدا هاتووە، نزیكەی 2 ملیۆن و 500 هەزار گەشتیار، هاتوونەتە هەرێمی كوردستان، بەراود بە هەشت مانگی ساڵی رابردوو، هاتنی گەشتیاران %31 زیادیكردووە. ئەمە لەكاتێكدایە ، لەماوەی ساڵانی ڕابردوودا بەهۆی هاتنی شەپۆلی كۆرۆنا و خۆپاراستن لە بڵاوبوونەوەی ڤایرۆسەكە هاتووچۆی گەشتیاری لە هەموو جیهان كەمی كرد و هەرێمی كوردستانیش پابەندی بڕیارەكانی لیژنەی باڵای كۆرۆنا بووە، دەروازەكانی بەڕووی گەشتیارانی داخست، هاتنی گەشتیاران نزیك بووەوە لە سفر.
خەڵك- .وەزارەتی تەندروستی هەرێم ئاماریی تووشبوون و مردن بە كۆرۆنا و چاكبوونەوە لە پەتاكە لەماوەی 24 كاتژمێری ڕابردوودا ڕادەگەیەنێت بەپێی ئەمارێكی وەزارەتی تەندروستی هەرێم”لەماوەی 24 كاتژمێری ڕابردوودا 1236 حاڵەتی تووشبوون بە كۆرۆنا تۆماركراوە و 1063 كەسیش چاكبوونەتەوە و 19 حاڵەتی مردنیش هەبووە. وەزارەتی تەندروستی حكومەتی هەرێم دەڵێت” 8 هەزارو 449 پشكنین ئەنجامدراوە و دەركەوتووە لە هەولێر 286 كەس وسلێمانی 574 كەس و دهۆك 278 كەس و هەڵەبجە 30 كەس و لە گەرمیان 45 كەس و ڕاپەڕین 23 كەس تووشی كۆرۆنا بوون. هەر لە ئامارەكەی وەزارەتی تەندروستی هەرێمدا ئاماژە بە 19 حاڵەتی مردن كراوە بەهۆی كۆرۆناوە لەماوەی 24 كاتژمێری ڕابردوو كە 6 حاڵەتییان لە هەولێر و 8 حاڵەتیان لە سلێمانی و 4 حاڵەت لە دهۆك و 1 حاڵەت لە هەڵەبجە تۆماركراون.
خەڵك بەڕێوەبەرایەتی هاتووچۆی گەرمیان ڕایدەگەیەنێت ، لە ڕووداوێكی هاتووچۆدا لە سەر ڕێگەی پشتێنەی شاری كەلار بەهۆی پێكدادانی پێنج ئۆتۆمبێلەوە چوار كەس برینداربوون، بریندارەكانیش گەیەنراونەتە نەخۆشخانەی فریاكەوتنی شەهید هەژار لەكەلار. بەڕێوەبەرایەتی هاتووچۆی گەرمیان لە ڕاگەیەنراوێكدا بڵاویكردەوە ، ئێوارەی ئەمڕۆ پێنجشەممە لەسەر ڕێگەی پشتێنەی شاری كەلار (حەولی) بەهۆی پێكدادانی پێنج ئۆتۆمبێلەوە چوار كەس برینداربوون ئۆتۆمبێلەكان لەجۆری (مان تەنكەر+ دایو صاڵون+ مارسیدس بارهەڵگر+ نیسان سەنترا+ جێب چیرۆكی) بووە . ئاماژەبۆ ئەوەشكراوە ، ڕوداوەكە لە بەرامبەر مەزادخانەی كەلار بووە و ئەو چوار كەسانەی برینداربوون، شۆفێری ئۆتۆمبێلی دایو صالون و شۆفێری مان تەنكەر و سەرنشینێكی لەگەڵ شۆفێری نیسان سەنترا كە بوون. ئەوەشخراوەتەوەڕوو ، تیمەكانی هاتووچۆ گەشتونەتە سەر ڕووداوەكە و لێكۆڵینەوە لەڕووداوەكە دەستی پێكردوە، بریندارەكانیش گەیەنراونەتە نەخۆشخانەی فریاكەوتنی شەهید هەژار لەكەلار.
خەڵك- نرخی خەرجی لیرەی توركی لەبەرامبەر دۆلاردا بۆ نزمترین ئاست دابەزی، دوای ئەوەی بانكی ناوەندی توركیا بڕیاریدا نرخی سود داببەزێنێت. بەپێی زانیارییەكانی ماڵپەڕی (بلۆمبێرگ)، پاش نیوەڕۆی ئەمڕۆ پێنج شەممە، نرخی خەرجی دۆلار بەڕێژەی 1.07% و بۆ 8.74 لیرەی توركی بەرزبۆوە، بەر لەوەش دراوە توركییەكە 8.8017 لیرەی بۆ دۆلارێك تۆماركردبوو، ئەمەش بە نزمترین ئاستی دراوەكە لە مێژوودا دادەنرێت. بەمشێوەیە، دراوی توركی نزمترین ئاستی پێوانەیی تۆماركرد، دوای ئەوەی بانكی ناوەندی توركیا بەشێوەیەكی چاوەڕوان نەكراو نرخی سودی سەرەكی دابەزاند، وێڕای داڕمانی پێشبینییەكان بۆ هەڵاوسان. بانكی ناوەندی توركیا، بڕیاریدا نرخی سود 100 خاڵ داببەزێنێت، لەسەر بنەمای پرۆسەكانی سەرلەنوێ‌ كڕینەوەی (ئەلڕیبو)، لەپێناو هەفتەیەك، تا بگاتە 18%.
خەڵك وتەبێژی كۆمەڵی دادگەریی كوردستان ڕایدەگەیەنێت ، ئەو بازنانە دەدات كە كاندیدی حزبەكەی تێدا نیە دەنگەكانمان لەو بازنانە بە پێی بڕیار و رێنمایی حیزب دەبێت. موحەمەد حەكیم جەبار، سەبارەت بەو بازنانەی حزبەكە كاندیدی تێدا نیە بۆ هەڵبژاردنی ئەنجومەنی نوێنەرانی عێراق لە ڕوونكردنەوەیەكدا ڕایگەیاندووە، پاش خوێندنەوە و ھەڵسەنگاندمان بۆ یاسای ھەڵبژاردن و ڕێژەی دەنگمان لە بازنەكان لە دوا ھەڵبژاردن، گەیشتینە ئەوەی لەو پێنج بازنە كاندیدمان هەبێت. هەر لە ڕوونكردنەوەكەدا، وتەبێژی كۆمەڵی دادگەریی كوردستان ئاشكراشیكردووە، كە ئەو بازنانە دەدات كە كاندیدی حزبەكەی تێدا نیە دەنگەكانمان لەو بازنانە بە پێی بڕیار و رێنمایی حیزب دەبێت.
خەڵك- ڕاشد بن حەمید نعێمی، سەرۆكی یەكێتی تۆپی پێی ئیمارات ڕایدەگەیەنێت، وڵاتەكەی ئامادەی میوانیداریكردنی ڕووداوە گەورەكانە لەسایەی بوونی توانایەك كە دەیگەیەنێتە ئەو ئاستە. ڕۆژنامەی (البیان)ی ئیماراتی لە زاری نعێمییەوە، بوونی وتوێژ و هەماهەنگی لەنێوان یەكێتی تۆپی پێی وڵاتەكەی و ئەنجومەنی وەرزشی ئەبوزەبی و یەكێتی تۆپی پێی نێودەوڵەتی (فیفا) ئاشكرا كرد، سەبارەت بە میوانداریكردنی كۆپی داهاتووی پاڵەوانێتی جامی جیهانی یانەكان، لە پاش داوای لێبورنی ژاپۆن. بە وتەی نعێمی"تائێستا بڕیاری كۆتایی لەو بارەیەوە نەدراوە، بەڵام پێداگرن لەسەر میوانداریكردنی بۆنە گەورەكان". سەرۆكی یەكێتی تۆپی پێی ئیمارات، ستایشی میوانداریكردنی وڵاتەكەی كرد بۆ كۆپی دەیەمی پاڵەوانێتی خۆرئاوای ئاسیا كە وابڕیارە لە ساڵی 2023 بەڕێوەبچێت، ئاماژەی بە تواناكانی ئیماراتيش كرد لەڕووی پێشكەشكردنی كۆپییەكی ناوازەی پاڵەوانێتییەكە.
خەڵك- سوپای عێراق كوژرانی چوار چەكداری ڕێكخراوی داعش لە زنجیرە چیاكانی حەمرین ڕادەگەیەنێت. بەپێی بەیاننامەیەك كە لەلایەن لیوا یەحیا رەسوڵ وتەبێژی فەرماندەی گشتیی هێزە چەكدارەكانی عێراقەوە بڵاوكرایەوە" ئەمڕۆ پێنجشەممە، بەپشتبەستن بە زانیارییە هەواڵگرییەكان، فڕۆكە جەنگییەكانی عێراق حەشارگەیەكی داعشیان لە زنجیرە چیاكانی حەمرین بۆردومانكرد". هەر لە ڕاگەیەندراوەكەدا هاتووە" ئەو حەشارگەیەی بۆردومانكرا، لەلایەن تیرۆریستانی داعشەوە لە پەلامارەكانی ئەم دواییە بۆسەر هێزە ئەمنییەكان لە پارێزگای كەركووك بەكارهێنرابوو"، ئاماژەی بە ڕوودانی شەڕ و پێكدادانیش كرد لەنێوان هێزە ئەمنییەكان و تیرۆریستانی داعش لە ناوچەكەدا و وتی "لە ئاكامی بۆردومان و شەڕ و پێكدادانەكەدا، چوار تیرۆریستی داعش كوژراون و حەشارگەكەش خاپووركرا". وتەبێژی فەرماندەی گشتیی هێزە چەكدارەكانی عێراق دەڵێت"ئۆپەراسیۆنی هێزە ئەمنییەكان بۆ پشكنین و گەڕان بە دوای حەشارگەكانی داعش لەو ناوچەیە بەردەوامە".

نرخی نەوت لە بازارەكانی جیهان

نرخی نەوت لە بازارەكانی جیهان

سەرهەنگ خالید

ئه‌یلول 21, 2021

خەڵك- نرخی‌ نەوت لەبازاڕەكانی‌ جیهان بەراورد بە ڕۆژانی…

نرخی نەوت دابەزی

نرخی نەوت دابەزی

سەرهەنگ خالید

ئه‌یلول 20, 2021

خەڵك- نرخی‌ نەوت لەبازاڕەكانی‌ جیهان بەراورد بە ڕۆژانی…

كۆی نەوتی هەناردەكراوی عێراق و هەرێم ئاشكراكرا

كۆی نەوتی هەناردەكراوی عێراق و هەرێم ئاشكراكرا

ئومێد سیوەیلی

ئه‌یلول 19, 2021

خەڵك- وەزیری نەوتی عێراق كۆی بڕی هەناردەكراوی نەوتی عێراق…

نرخی نەوت بەرزە

نرخی نەوت بەرزە

سەرهەنگ خالید

ئه‌یلول 19, 2021

خەڵك- نرخی‌ نەوت لەبازاڕەكانی‌ جیهان بەراورد بە ڕۆژانی…

نرخی نەوت بەرزە

نرخی نەوت بەرزە

سەرهەنگ خالید

ئه‌یلول 18, 2021

خەڵك- نرخی‌ نەوت لەبازاڕەكانی‌ جیهان بەراورد بە ڕۆژانی…

نرخی نەوت بەرزە

نرخی نەوت بەرزە

سەرهەنگ خالید

ئه‌یلول 17, 2021

خەڵك- نرخی‌ نەوت لەبازاڕەكانی‌ جیهان بەراورد بە ڕۆژانی…

نرخی نەوتی بەرزبۆوە و ئاستێكی پێوانەیی تۆماركرد

نرخی نەوتی بەرزبۆوە و ئاستێكی پێوانەیی تۆماركرد

ئیدریس جەبار

ئه‌یلول 15, 2021

خەڵك- نرخی نەوتی خاو بەشێوەیەكی بەرچاو ڕووی لە بەرزبوونەوە…

نەوت، نرخێكی پێوانەیی تۆمار كرد

نەوت، نرخێكی پێوانەیی تۆمار كرد

سەرهەنگ خالید

ئه‌یلول 14, 2021

خەڵك- نرخی‌ نەوت لەبازاڕەكانی‌ جیهان بەراورد بە ڕۆژانی…

نرخی نەوت بەرز بووەوە

نرخی نەوت بەرز بووەوە

سەرهەنگ خالید

ئه‌یلول 13, 2021

خەڵك- نرخی‌ نەوت لەبازاڕەكانی‌ جیهان بەراورد بە ڕۆژانی…

نرخی نەوت بەرزە

نرخی نەوت بەرزە

سەرهەنگ خالید

ئه‌یلول 11, 2021

خەڵك- نرخی‌ نەوت لەبازاڕەكانی‌ جیهان بەراورد بە ڕۆژانی…