ڤیزە لەنێوان عێراق و وڵاتێكی دیكە بۆ دوو توێژ لادەبرێت

  • 31,355 بینین

وتەبێژی وەزارەتی دەرەوەی عێراق ڕایدەگەیەنێت، ڕێككەوتنیان واژۆ كردووە لەگەڵ ڕوسیا بۆ بەخشینی ئەوانەی پاسپۆرتی دبلۆماسی و خزمەت و تایبەتیان هەیە لە ڤیزەی چوونە ناوەوەی وڵاتان.

ئەحمەد سەحاف، وتەبێژی وەزارەتی دەرەوەی عێراق بۆ ئاژانسی فەرمی (العراقیە) ڕایگەیاند، ئەمڕۆ لە بارەگای وەزارەتی دەرەوە، ڕەشنووسی ڕێکكەوتنێک واژۆ کرا بۆ بەخشینی خاوەن پاسپۆرتی دیپلۆماسی و خزمەتگوزاری و تایبەت لە ڤیزەی چوونە ژوورەوە لە نێوان حکومەتی کۆماری عێراق و حکومەتی ڕوسیای فیدڕاڵ.

ڕاشیگەیاند، عەبدولڕەحمان ئەلحوسێنی، جێگری سکرتێری وەزارەتی کاروباری کارگێڕی و تەکنیکی، لە لایەنی عێراقییەوە ڕێککەوتنەکەی واژۆکرد، هاوکات لە لایەنی ڕوسیاشەوە لەلایەن باڵیۆزی ڕوسیای فیدڕاڵ لە عێراق، ئەلیبروس کۆتراچۆڤ واژۆ کرا.

ئاماژەی بەوەشكرد، ئەم ڕێککەوتنە لە چوارچێوەی دیدگای وەزارەتی دەرەوەدایە بۆ بەرزکردنەوەی پێگەی پاسپۆرتی عێراق لە چوارچێوەی پرۆگرامی وزاری حکومەتی عێراقدا.

ئەمە لەكاتێكدایە، حكومەتی عێراق پێشتر ڕێكەوتنی لەگەڵ كۆماری ئێراندا كردووە بۆ لابردنی ڤیزەی هاتن و چوون بۆ هەڵگرانی پاسپۆرتی هەردوو وڵات.

image

وەزارەتی نەوتی عێراق لەسەر نەوتی هەرێم راگەیەندراوێكی بڵاوكردەوە
پێشت وەزارەتی نەوتی عێراق لەسەر نەوتی هەرێم راگەیەندراوێكی بڵاوكردەوە
منداڵانی ئۆتیزم دوای ١٢ ساڵی شوێنێک نییە هانای بۆ ببەن
دواتر منداڵانی ئۆتیزم دوای ١٢ ساڵی شوێنێک نییە هانای بۆ ببەن
پەیوەندیدار