It seems we can’t find what you’re looking for. Perhaps searching can help.
سەردێر
-
وتەبێژی پۆلیسی هەولێر، دەستگیركردنی بەرگدورێك ڕادەگەیەنێت كە كامێرای بۆ وێنەگرتنی مشتەرییەكانی لە شوێنی خۆگۆڕین دانابوو، ئەمەش كاردانەوەی زۆری لێكەوتەوە و داواكرا بەتوندترین شێوە تۆمەتبارەكە سزا بدرێت. هۆگر عەزیز وتەبێژی پۆلیسی هەولێر بە (خەڵك)ی ڕاگەیاند"كچێك سكاڵای لەسەر بەرگدورێك بەرزكردەوە كە كامێرای مۆبایلەكەی لە شوێنی خۆگۆڕین دانابوو، لە كاتی ئاشكراكردنی مۆبایلەكەش، سكاڵای لەسەر تۆمەتبارەكە تۆماركرد، بۆیە ئەو كەسە لەلایەن پۆلیسەوە دەستگیركرا و پەڕاوی لێكۆڵینەوەی بۆ كرایەوە". بەپێی زانیارییەكان، تۆمەتبارە دەستگیركراوەكە بە ڕەچەڵەك سوریە و لەپاش دەستگرتن بەسەر مۆبایلەكەی، خرایە زیندانەوە و دواتر بۆ بەردەم دادگا ڕاپێچ دەكرێت. ئەو ڕووداوە، كاردانەوەی زۆری لێكەوتەوە و داواكرا بە توندترین شێوە بەرگدورەكە سزا بدرێت، بەو پێیەی كارەكەی قێزەونە و لەگەڵ هیچ ئاین و نەریتێكی كۆمەڵایەتیدا یەكناگرێتەوە. خەڵك- بەشی هەواڵ
-
جێگری سەرۆكی ئەركان بۆ مەشق و ئۆپراسیۆنەكانی پێشمەرگە ڕایدەگەیەنێت ، بەردەوام گۆڕانكاری لە پۆستەكاندا كراوە بۆیە لە ئێستاشدا دەنگۆی ئەوە هەیە پارتی گۆڕانكاری گەروە لە پۆستەكاندا بكات، ئومێدمان وایە یەكێتیش هەمان ڕێگەبگرێتەبەر. لیوا قارەمان شێخ كەمال، جێگری سەرۆكی ئەركان بۆ مەشق و ئۆپراسیۆنەكانی پێشمەرگە بە (خەڵك) ی ڕاگەیاند ، پێشتر هەردوو لایەنی یەكێتی و پارتی گۆڕانكارییان لە پۆستەكانی ناو وەزارەت كردووە، لە پۆستە باڵاكان و لە پۆستەكانی دیكەشدا، ئەمە بەردەوامە . وتیشی ،" لە ئێستادا دەنگۆیەك هەیە، كە برادەرانی پارتی جارێكی دیكە گۆڕانكاری گەورە لە پۆستەكانی ناو وەزارەتی پێشمەرگە بكەن، بەڵام هێشتا دیار نیە كەی دەست بەو گۆڕانكارییە دەكرێت". ڕاشیگەیاند، یەكێتیش لە بەرنامەیدا هەیە ، گۆڕانكاری بكات و پێشتریش ئەو گۆڕانكاریەی كردووە، بۆیە ئومێد دەكەم یەكێتیش گۆڕانكاری گەورە لە پۆستەكانی خۆی لەناو وەزارەتی پێشمەرگەدا بكات.
-
ئەمشەو لە كاتژمێر 8 شاندی دانوستانكاری هەرێم بە سەرۆكایەتی قوباد تاڵەبانی كۆبونەوەیەكی یەكلاكەرەوە لەسەر پشكی هەرێم دەكەن، پەڕلەمنتارێكی یەكێتیش دەڵێت ،" هەرێم و بەغدا وەك حكومەت رێككەوتوون، حكومەتی هەرێم ئامادەیە نەوت رادەست بكات". بە پێی زانیارییەكانی تۆڕی میدیایی (خەڵك) ، كە لە سەرچاوەیەكی پەڕلەمانی عیراقەوە دەستی كەوتووە بڕیارە ئێوارەی ئەمڕۆ لە كاتژمێر 8 كۆبونەوەیەكی یەكلاكەرەوە لەسەر جێگیر كردنی پشكی هەرێم لە بودجەی 2021 ئەنجام بدرێت و قوباد تاڵەبانی سەرۆكایەتی دەكات . هەر بە پێی زانیارییەكان ، حكومەتی عیراق و هەرێم بە جۆرێك ڕێكەوتنیان كردووە و هەرێمیش ڕازی بووە نەوت ڕادەستی سۆمۆبكات ، ئەوە دەمێنێت لە پەڕلەمانی عیراق قسەی سەر بكرێت و هەموو ئەندامانی كورد لە بەغداش ڕازین بەوەی لە پرۆژەیاسای بودجەدا هاتووە. تا مەرجی حكومەتی هەرێم بە ڕادەستكردنی نەوت بە سۆمۆ ئەوەیە ، كە حكومەتی ناوەند پابەند بێت بە دابینكردنی شایستە داراییەكانیەوە، هەرێمیش لە رێگەی كۆمپانیای سۆمۆوە ڕۆژانە بڕی ٢٥٠ هەزار بەرمیل نەوت رادەست بكات .
-
وەزارەتی تەندروستی ئیسرائیل دەستی كردووە، بە كوتانی خوێندكارانی پۆلی 12ی ئامادەیی تاوەكو بتوانن بەشداری لە تاقیكردنەوەكاندا بكەن. وەزارەتی تەندروستی ئیسرائیل بڵاویكردەوە، كە لە ئێستادا دەستیكردووە بە كوتانی خوێندكارانی قۆناغی ئامادەیی بە ڤاكسینی دژی ڤایرۆسی كۆرۆنا تا بتوانن خوێندكاران بەشداری لە تاقیكردنەوەكانی كۆتایی بكەن. ئاماژەبۆ ئەوەشكراوە، كە تا ئێستا زیاتر لە 2.5 ملیۆن كەس لە ئیسرائیل دەرزی یەكەمی ڤاكسینی دژی كۆرۆنایان لێدراوە و نزیكەی یەك ملیۆن كەسیش دەرزی دووهەمیان وەرگرتووە. كوتانی خوێندكارانی پۆلی 12ی ئامادەیی بە ڤیدیۆ : لينك
-
ژمارەی تووشبوانی ڤایرۆسی كۆرۆنا لە جیهاندا لە 100 ملیۆن كەس نزیكدەبێتەوە ،حاڵەتەكانی گیانلەدەستدانیش دوو ملیۆن تێدەپەڕێنن. بەپێی ماڵپەڕی وۆرڵد میتەر " (worldmeter)، ژمارەی تووشبوون بە ڤایرۆسی كۆرۆنا لە جیهاندا گەیشتە 99 ملیۆن و 520 هەزار و 105 كەس. ئەمەش لەكاتێكدایە كە ژمارەی حاڵەتەكانی گیانلەدەستدان بەهۆی پەتاكەوە، گەیشتە دوو ملیۆن و 134 هەزار كەس. (worldmeter)، ئاماژەی بە 71 ملیۆن و 534 هەزار و 866 حاڵەتی چاكبوونەوەش كردووە لە جیهاندا. ڤایرۆسی كۆرۆنا لە سەرەتاوە لە مانگی كانوونی یەكەمی 2019 لە وڵاتی چینەوە سەریهەڵدا و دواتر بە هەموو جیهاندا بڵاوبۆوە، لە مانگی ئاداری ڕابردووش ڕێكخراوی تەندروستی جیهانی، كۆرۆنای وەك پەتایەكی جیهانی پۆلێن كرد. خەڵك- بەشی هەواڵ
-
شاندی پەرلەمانی كوردستان لەگەڵً وەزیری پێشمەرگەدا كۆبووەوە و لە كۆبوونەوەكەدا باس لە پتەوكردنی پەیوەندی نێوان هەردوو دەسەڵاتی یاسادانان و ڕاپەڕاندن كرا، ئاماژە بەو هەوڵانەش كرا كە بۆ یەكخستنی هێزەكانی پێشمەرگە بەردەوامن. بەپێی ڕاگەیەندراوێك كە لەلایەن وەزارەتی پێشمەرگەی حكومەتی هەرێمی كوردستانەوە بڵاوكرایەوە، "ئەمڕۆ دوو شەممە، شاندی باڵای پەرلەمانی كوردستان و وەزارەتی پێشمەرگە كۆبوونەوە لەكۆبوونەوەی شاندی باڵای پەرلەمانی كوردستان لەگەڵ وەزارەتی پێشمەرگە جەخت لەسەر پتەوكردنی پەیوەندیی و هەماهەنگییە هاوبەشەكانی نێوان هەردوو دەسەڵاتی یاسادانان و جێبەجێكردن كرایەوە، هەروەك دواین هەنگاوەكانی پڕۆسەی چاكسازی لەوەزارەتی پێشمەرگە لەژێر رۆشنایی یاسای ژمارە 2ی ساڵی 2020 ی چاكسازی حكومەت و پەسندكراوی پەرلەمان تاوتوێیكرا". هەر لە بەیاننامەكەدا هاتووە"شۆڕش ئیسماعیل، وەزیری پێشمەرگەی حكومەتی هەرێمی كوردستان، پێشوازی لە د.هێمن هەورامی جێگری سەرۆكی پەرلەمانی كوردستان و سەرۆك و جێگرو ئەندامانی لیژنەی كاروباری پێشمەرگەی پەرلەمان كرد، لەكۆبونەوەیەكیشدا، كە سەربەست لەزگین، بریكاری وەزارەت و ئەمینداری گشتیی و سەرۆكی ئەركان و ئەفسەرانی باڵا ئامادەیبوون، گفتوگۆكرا لەبارەی جێبەجێكردنی یاسا پەسندكراوەكان و هەنگاوەكانی پڕۆسەی چاكسازی و پرسی چاودێری پەرلەمانی بۆ خێراتركردنی ئەو پڕۆسەیە. لەدەستپێكی كۆبونەوەكەدا، جێگری سەرۆكی پەرلەمانی كوردستان، بەناوی سەرۆكایەتی پەرلەمان و پەرلەمانی كوردستان، ستایشی رۆڵ و قارەمانێتی هێزی پێشمەرگەی كرد لە بەردەوامی پاراستنی خاك و خەڵكی كوردستان، وتیشی: ئێمە لەپەرلەمانی كوردستان تەواوی هەوڵەكانمان لەپرسی چاودێری و بەدواداچوونی كاری پەرلەمانی خستۆتە گەڕ، كە دواجار بەقازانجی باشكردنی ژیان و گوزەرانی پێشمەرگە كۆتایی بێت لەرێگەی ئەو یاسایانەی كە پەرلەمان پەسندیكردوون. لەبەشێكی تری وتەیەكیدا، جێگری سەرۆكی پەرلەمان داوای بەرچاوروونی كرد". وەك لە بەیاننامەكەدا ئاماژەی پێكراوە"لەپرسی جێبەجێكردنی پڕۆسەی چاكسازی حكومەت و پێداچوونەوەی لیستی مووچەو یەكخستن و رێكخستنەوەی هێزەكاندا. وەزیری پێشمەرگە روونی كردەوە: لەپڕۆسەی چاكسازی وەزارەتدا هەنگاوی باش چووینەتە پێشەوەو لەرێگەی پێنج لیژنەی سەرەكییەوە ئاراستەی چاكسازی بەهاوكاری هاوپەیمانان بەردەوامی هەیەو، سەڕەرای لەمپەرو ئاستەنگەكان، بەڵام ئیرادەیەكی بەهێز هەیە بۆ گەیشتن بەدوا دەرئەنجامی چاكسازی، كە دروستكردنی هێزێكی نیشتمانی سەربازی سەردەمییانەیە. لەبارەی یەكخستنەوەی هێزەكان، وەزیری پێشمەرگە ئاماژەی بۆ ئەوەكرد، لەئێستادا تەواوی لیوا هاوبەشەكانی پێشمەرگە لەرێگەی پرۆژە یاسای چاكسازی وەزارەت بەهەماهەنگی و راوێژی راستەوخۆی هاوپەیمانان لەرووی تەشكیلات و میلاكاتی سەربازی رێكخراونەتەوە و هەر لەلایەن هاوپەیمانانیشەوە بۆ لەمەودا هاوكاری ماددی و لۆجیستی و سەربازی دەكرێن". بە وتەی وەزیری پێشمەرگە"قەبارەی هاوكارییەكانی هاوپەیمانان بۆ هێزی پێشمەرگە، كەوتۆتە سەر ئاستی بەرفراوانی پرۆسەی چاكسازی لەسەرجەم سێكتەرەكاندا، بۆ ئەوەش ئاشكرایكرد: كە یەكگرتنەوەی تەواوەتی هێزەكان پێویستی بەتەوافوقی سیاسیی هەیەو لەرێگەی هاوپەیمانانیشەوە ئەو مەسەلەیە بەهێزو لایەنە سیاسییەكان گەێیندراوە ، كە دەبێت هەمووان لەژێر چەتری وەزارەتی پێشمەرگەدا كۆببنەوە". لەبەشێكی تری ووتەكانیدا: وەزیری پێشمەرگە روونی كردەوە"كارو ئەركی پەرلەمانی گرنگ و كاریگەرە لەسەر پرسی هەماهەنگی و هاوكاری وەزارەتی پێشمەرگە بۆ سەرخستن و سەركەوتنی ئەو كارانەی لەوەزارەت دەستمان داوەتێ. بۆئەمەش پێویستیمان بە راوێژو هاوكارییەكانی پەرلەمانتاران و پەرلەمان هەیە لەدیاریكردن و چاودێریكردنی خاڵە ئەرێنی و نەرێنیەكانی پڕۆسەی ریفۆرمی سەربازی لەوەزارەتی پێشمەرگەدا. هەر لەوكۆبونەوەیەدا سەرۆك وئەندامانی لیژنەی كاروباری پێشمەرگە سەرنج و پێشنیارەكانیان خستەڕوو، لەلایەن تیمی باڵای وەزارەتی پێشمەرگە وەڵامی پێویست و روون درانەوە. لەسەر پێشنیازی لیژنەی پێشمەرگەی پەرلەمانیش پێشنیاركرا كۆبونەوەیەكی پەرلەمانی لە پەرلەمانی كوردستان بۆ هەماهەنگی زیاتری نێوان هەردولا لەگەڵ وەزارەتی پێشمەرگە رێكبخرێت". خەڵك- بەشی هەواڵ
-
جێگری سەرۆكی ئەنجومەنی وە‌زیران سەرۆكی وە‌فدی دانوستاندكارلە گەڵ بەغدا، ئێوارەی ئەمڕۆ دووشە‌ممە بە‌رە‌و بەغدا بە‌ڕێكە‌وت قوباد تاڵەبانی ، جێگری سەرۆكی ئەنجومەنی وە‌زیران، سەرۆكی وە‌فدی دانوستاندكار، ئێوارەی ئەمڕۆ دووشە‌ممە بە‌رە‌و بەغدا بە‌ڕێكە‌وت، كە مە‌بە‌ستی سە‌ردانەكەی، چە‌سپاندنی رێككە‌وتنی مانگی ١٢ی ٢٠٢٠ی نێوان حكومەتی ھەرێمی كوردستان و حكومەتی فیدڕاڵە لەسەر پڕۆژە یاسای بودجەی ٢٠٢١ كە‌تێیدا پشكی ھەرێم بە ١٢،٦٧٪ دیاری كراوە. لەئێستادا لیژنەی دارایی ئامادە‌كاری دەكات بۆ ئە‌وە‌ی ئەو پڕۆژە‌یە یاسایە لە ئەنجومەنی نوێنەران بخرێتە دەنگدانەوە بەمەبەستی پەسەندكردن.
-
وەزارەتی تەندروستی هەرێم ئاشكرای دەكات، كە لە 24 كاتژمێری ڕابردوودا 94 حاڵەتی تووشبوون بە كۆرۆنا تۆماركراوە و 1 كەسیش گیانیان لەدەستداوە و 937 كەسیش چاكبوونەتەوە. وەزارەتی تەندروستی حكومەتی هەرێم لە ڕاگەیەنراوێكدا ئاماژەی بەوەكردووە ، 4611 پشكنین ئەنجام دراوە و دەركەوتووە لە هەولێر 15 كەس و سلێمانی 26 كەس و لە گەرمیان 5 كەس و دهۆك 48 كەس تووشی كۆرۆنا بوون. ئاشكراشی كردووە، كە 937 كەس چاكبوونەوە و 1 كەسیش گیانیان لەدەستداوە كۆی گشتی مردن بە كۆرۆنا گەیشتە 3457 كەس .
-
دەستەی نەزاهەی عیراقی سەپاندنی پێنج ساڵ زیندانی بەسەر حەمدیە جاف بەڕێوەبەری پێشووی بانكی بازرگانی عێراقی بە تۆمەتی بەهەدەردانی 40 ملیۆن دۆلار، ڕادەگەیەنێت. بەپێی بەیاننامەیەك كە لەلایەن دەستەی نەزاهەی عێراقەوە بڵاوكرایەوە"دادگای كەرخی تایبەت بە پرسەكانی نەزاهە، بە تۆمەتی زیان گەیاندن بە سامانی گشتی و بەهەدەردانی 40 ملیۆن دۆلار، سزای پێنج ساڵ زیندانی بەسەر حەمدییە جاف بەڕێوەبەری پێشووی بانكی بازرگانی عێراقی سەپاند". هەر لە بەیاننامەكەدا هاتووە" ئەو سزایەی بەسەر حەمدیە جافدا سەپێنرا، بەراییە و دەكرێت لە ڕۆژی دەرچوونییەوە تا ماوەی یەك مانگ، لە بەردەم دادگای تێهەڵچوونەوەی فیدراڵ تانەی لێبدرێت". خەڵك- بەشی هەواڵ
-
هاوسەرۆكی یەكێتیی نیشتمانیی كوردستان ڕایدەگەیەنێت، جێبەجێكردنی سیستمی لامەركەزی لە ھەرێمی كوردستان فاكتەری بەھێزتركردنی قەوارەی ھەرێم و زیاتر خزمەتكردنی كۆمەڵانی خەڵكە، یەكێتیش بۆ چارەسەری سەرجەم كێشەكان دیالۆگی نیشتمانیی بە پێویست دەزانێت. ئەمڕۆ دوو شەممە، بافڵ تاڵەبانی، ھاوسەرۆكی یەكێتیی نیشتمانیی كوردستان لە دەباشان لەگەڵ ئاشلی دوریك، لێپرسراوی نوسینگەی باڵیۆزخانەی كەنەدا لە ھەرێمی كوردستان كۆبوەوە و لە كۆبوونەوەكەدا ڕایگەیاند:"جەخت لە فراوانكردنی ھاریكاری و ھاوكارییەكانی كەنەدا دەكەنەوە بەتایبەت لە خستنەگەڕی زیاتری ھەوڵەكانیان بۆ مەشقپێكردنی ھێزی پێشمەرگە و رێكخستنەوەی یەكە سەربازییەكان لەچوارچێوەی پشتیوانییەكانی ھاوپەیمانی نێودەوڵەتی بۆ روبەڕوبونەوەی تیرۆر". بە وتەی بافڵ تاڵەبانی:"یەكێتی بنیادنانی دیالۆگی نیشتمانیی لەنێوان ھێزەكانی ھەرێم و عێراق بە پێویست دەزانێت و داوا دەكەن نوێنەری وڵاتان پشتگیری ئەم ھەوڵانە بكەن و ھاوكاربن بۆ تێپەڕاندنی ئەم قۆناغە. هەروەها ھەنگاوەكانی جێبەجێكردنی سیستمی لامەركەزی لە ھەرێم بە فاكتەری بەھێزتركردنی قەوارەی ھەرێم و زیاتر خزمەتكردنی كۆمەڵانی خەڵك دەبینن". لەبارەی ھەڵبژاردنەكانی داھاتوی عیراق هاوسەرۆكی یەكێتیی نیشتمانیی كوردستان وتی:" یەكێتی پشتیوانی لەئەنجامدانی ھەڵبژاردنێكی پاك و بێگەرد لەوادەی خۆیدا دەكات و دەمانەوێت لە ناوچە دابڕێندراوەكانیش وەك كورد بە یەكدەنگی و یەكهەڵوێستی بەشداریبكەین و یەكڕیزی نیشتمانی بپارێزین". خەڵک – بەشی هەواڵ