بانكی ناوەندی عێراق دووەم پاكێجی ئاسانكاری بۆ بەدەستهێنانی دراوی بیانی و بەرزكردنەوەی بەهای دینار و دابەزاندنی بەهای دۆلار راگەیاند.
پاكێجەكەی ناوەندی عێراق چەند خاڵێكی لەخۆی گرتووە كە كارئاسانی بۆ دەستكەوتنی دراوی بیانی دەكات.
كارئاسانییەكانی بانكی ناوەندی
1- پارەداركردنی بازرگانی دەرەكی ڕاستەوخۆ لە چینەوە و بە دراوی یوانی چینی ڕێكدەخرێت، لە ڕێگەی دوو بژاردەوە:
یەكەم: بەهێزكردنی باڵانسی ئەو بانكە عێراقیانەی حسابیان لەگەڵ بانكە چینییەكان هەیە بە دراوی یوانی چینی.
دووەم: بەهێزكردنی باڵانسی بانكەكانی عێراق لەڕێگەی هەژماری بانكی ناوەندییەوە بۆ سودمەندی كۆتایی بە دراوی یوانی چینی لەڕێگەی هەژمارەكانمان لەگەڵ بانكی (JP Morgan) و بانكی گەشەپێدان لە سەنگافورە.
2- ئاسانكاری بۆ گواستنەوەی دارایی بۆ ئەمریكا و ئەوروپا بەهەمان میكانیزم دواتر دابین دەكرێت.
3- ئەو بەڵگەنامانەی پێویستن بۆ پێشكەشكردن بۆ ئەو حەواڵە دەرەكیانەی پێشتر باسكراون بریتی دەبن لە: لیستی بازرگانی (فاكتۆر) تەنها، یان نامەی قەرز، بەمەرجێك دواتر كڕیار بەڵگەی هاتنە ژوورەوەی كاڵاكان بۆ بانكەكە دابین بكات.
4- ڕێنمایی ورد دەردەچێت كە ئەوانەی پێشتر باسكراون لەخۆ دەگرێت.
5- ڕێكخستنی یەكلاكردنەوەی دارایی بۆ بریكاری كۆمپانیاكانی گواستنەوەی پارە ( وێستەرن یونیون و مۆنیگرام ) لە ڕێگەی كۆمپانیاكانی ئاڵوگۆڕی كلاس A لە ڕێگەی بانكێكی عێراقی بە یەك حسابی یەكلاكردنەوە بۆ سەرجەم ئەو كۆمپانیایانە.
6- هاووڵاتیان دەتوانن ئەو بڕە پارانەی ڕێگەیان پێدراوە بگوازرێنەوە تا زۆرترین بڕی (7500) دۆلار لە مانگێكدا، لە ڕێگەی بریكاری كۆمپانیاكانی گواستنەوەی پارە ( وێستەرن یونیون و مۆنی گرام) بە ڕێژەی فەرمی (1320) دینار/دۆلار، و بانك لە ڕێگەی پەنجەرەیەكەوە هەژماری ئەم بریكارانە بەهێز دەكات.
7- خشتەیەك بڵاودەكرێتەوە كە ناوی بریكارە ڕێگەپێدراوەكان و شوێنەكانیان لەخۆدەگرێت، هەروەها ئەو هاووڵاتیانەی دەیانەوێت بڕە پارەی شەخسی بۆ بەكارهێنانی جۆراوجۆر (وەك یارمەتی خێزانی، یان بەكارهێنانی سادەی بازرگانی) بگوازنەوە، دەتوانن ڕاستەوخۆ بچنە ئەو بریكارانە (بانكەكان). ، كۆمپانیاكانی ئاڵوگۆڕكردن، یان هەر لایەنێكی دیكە كە مۆڵەتی بانكی ناوەندی یان دواتر مۆڵەتی پێدەدرێت، بۆ گواستنەوە بە نرخی ئاڵوگۆڕی (1320) دینار/دۆلار.
8- بەكارهێنانی نوێ زیاد دەكرێت بۆ فرۆشتنی دۆلاری نەختینەیی، ئەمەش بەشدارە لە فراوانكردنی بنكەی فرۆشتن بۆ هاووڵاتیان بۆ ئاسانكاری لە پێدانی پابەندبوونەكانیان بە دۆلاری ئەمریكی، و بە شێوەیەك كە پێچەوانەی گشتاندنەكانی ئێمە نەبێت، هەروەها ئەو ڕێنمایانەی پێشتر دەرچوون لەلایەن حكومەتەوە لەم ڕووەوە.
9- ڕێگەدان بە بانكە حكومی و ئەهلیەكان و كۆمپانیاكانی ئاڵوگۆڕكردن لە پۆلەكانی A و B بۆ فراوانكردنی فرۆشگاكانی فرۆشتنی كاش دۆلار لە هەریەكێك لە لقەكانیان، بەمەرجێك كە ئەمە تەنها لە ڕێگەی پلاتفۆرمی FITR بێت، هاوكات ئاگادارمان دەكاتەوە لە پێویستی زیادكردن و هەمەچەشنكردنی جوگرافی دابەشكردنی ئەم فرۆشگایانە.
