ئێمە لە تۆرە کۆمەڵایەتیەکان

جیهانی

زلاتان: بۆ مۆندیال سوید فشاری له‌سه‌ر نییه‌ و ده‌بمه‌ هانده‌ری به‌رازیل

خه‌ڵک سپۆرت

زلاتان ئیبراهیمۆڤیچی سویدی ئه‌ستێره‌ی یانه‌ی لۆس ئه‌نجلس گالاکسی، بۆ مۆندیالی ٢٠١٨ی ڕوسیا له‌بری هه‌ڵبژارده‌ی وڵاته‌که‌ی ده‌بێته‌ هانده‌ری هه‌ڵبژارده‌ی به‌رازیل !

“سوڵتانی تۆپی پێ” له‌چاوپێکه‌وتنێکدا به‌ “ده‌یلی مه‌یڵ”ی ڕاگه‌یاندووه‌ :” هه‌ڵبژارده‌ی سوید بۆ مۆندیالی ٢٠١٨ هیچ فشارێکی له‌سه‌ر نابێت، چونکه‌ منیان له‌گه‌ڵدا نیم، هه‌رکاتێک منان له‌گه‌ڵدا بوایه‌ هه‌مووان چاوه‌ڕوانی بردنه‌وه‌یان لێده‌کردن، بێگومان ئه‌وه‌ش فشاره‌کان به‌هێزتر ده‌کات”.

هه‌روه‌ها ده‌ڵێت :” من ئێستا ته‌نها کاته‌ خۆشه‌کان به‌ڕێده‌که‌م، هیچ فشارێکم له‌سه‌ر نییه‌، له‌به‌رئه‌وه‌ی له‌ روسیا نیم”.

پاشان له‌باره‌ی باشترینه‌کانی مۆندیاله‌وه‌ ده‌ڵێت :” ئه‌ڵمانیا مه‌کینه‌یه‌، هه‌مووان ده‌زانن ئه‌وان چه‌ند باشن، هه‌میشه‌ به‌باشی ده‌رده‌که‌ون، باشترین تیمه‌کان ئه‌وانه‌ن که‌ خاوه‌نی زیاتر له‌ ١١ یاریزانی به‌توانان، ئه‌ڵمانیا خاوه‌نی ٢٢ ئه‌ستێره‌ی ناوازه‌یه‌، ئه‌وه‌ وه‌ک هه‌ڵبژارده‌یه‌ک نییه‌ که‌ ته‌نها پشتی به‌ یاریزانێکی به‌توانا به‌ستبێت، به‌ڵکو تیمه‌که به‌گشتی‌ ئه‌ستێره‌یه‌، به‌ڕای من به‌رازیل ئه‌نجامه‌کانی زۆر باش ده‌بێت و نه‌هامه‌تیه‌کانی ٢٠١٤ تێده‌په‌ڕێنێت، به‌ش به‌حاڵی خۆم هانده‌ری سوید نابم، به‌ڵکو پاڵپشتی به‌رازیل ده‌که‌م”.

زلاتان له‌ماوه‌ی ڕابردودا ڕه‌زامه‌ندی نیشاندا بگه‌ڕێته‌وه‌ بۆ پێکهاته‌ی سوید و به‌شداری مۆندیال بکات، به‌ڵام یان ئه‌ندێرسۆنی ڕاهێنه‌ر به‌هه‌موو شێوه‌یه‌ک ڕه‌تیکرده‌وه‌ بانگهێشتی بکات.

جیهانی

 (کاردانه‌وه‌ی دۆڕاندنه‌که‌ی سسکا) پێرێز سێ گواستنه‌وه‌ی داخستووه‌ و په‌یوه‌ندی به‌ “خامێس”ه‌وه‌ کردووه‌ !

خه‌ڵک سپۆرت

فلۆرنتینۆ پێریزی سه‌رۆکی یانه‌ی ڕیاڵ مه‌درید چیتر چاوه‌ڕوانی سانتیاگۆ سۆلاری و پێیه‌کانی یاریزانانی یانه‌ی ڕیاڵ مه‌درید ناکات، به‌ڵکو له‌گواستنه‌وه‌کانی زستانه‌ی ٢٠١٩وه‌ چه‌ندین بۆندی به‌هێز ئیمزا ده‌کات.

پۆرتاڵی “دۆن بالۆن”ی ئیسپانی ئاشکرای کردووه‌، له‌دوای شکستی یانه‌ی ڕیاڵ مه‌درید به‌رامبه‌ر سسکا مۆسکۆ چیتر فلۆرنتینۆ پێرێزی سه‌رۆک  و ئیداره‌ی یانه‌ی شاهانه‌ گه‌یشتونه‌ته‌ ئه‌و بۆچونه‌ی که‌ ده‌بێت گۆڕانکاری گه‌وره‌ له‌سه‌ر ئاستی یاریزانان ڕووبدات، بۆ ئه‌و مه‌به‌سته‌ش بڕیاردراوه‌ پلانی پێشوه‌خته‌ی گواستنه‌وه‌ی چه‌ند یاریزانێک خێراتر بکه‌ن.

هه‌وڵه‌کان سه‌ره‌تا بۆ گواستنه‌وه‌ی ماریۆ هێرمۆسۆی به‌رگریکاری یانه‌ی ئیسپانیۆل ده‌بێت له‌پاڵ گواستنه‌وه‌کانی ئیزیکوێل پالاسیۆس له‌ یانه‌ی ڕیڤه‌رپله‌یته‌وه‌، به‌ڵام ئه‌وه‌ی سه‌ری پیرێز و هاوه‌ڵانی قاڵ کردووه‌ پێگه‌ی هێرشبه‌رێکی سه‌ره‌ڕمی به‌توانایه‌ و بۆ ئه‌و مه‌به‌سته‌ش ناوی دوو قه‌ناسی لاتینیان دیاری کردووه‌، یه‌که‌میان ئیدینسۆن کاڤانی هێرشبه‌ری یانه‌ی پاریس سانت جێرمانه‌ و دووه‌میشیان ماورۆ ئیکاردی ئه‌رجه‌نتینی هێرشبه‌ری یانه‌ی ئینته‌رمیلانه‌.

سه‌رچاوه‌که‌ دووپاتیده‌کاته‌وه‌، پێرێز ناوی چواره‌میشی یه‌کلایی کردۆته‌وه‌ که‌ ئه‌ویش جه‌یمس ڕۆدریگێزی کۆڵۆمبی ئه‌ستێره‌ی یانه‌که‌یه‌ که‌ به‌شێوه‌ی خواستن ڕووی له‌یانه‌ی بایرن میونشن کردووه‌، هه‌موو هه‌وڵه‌کان به‌و ئاڕاسته‌یه‌ ده‌بن له‌ زستانه‌وه‌ بیگه‌ڕێننه‌وه‌ و له‌به‌رامبه‌ر ئه‌م جوڵه‌یه‌شدا یه‌کێک له‌ ئیسکۆ ئالارکۆن، یاخود مارکۆ ئاسینسیۆ ڕه‌وانه‌ی یانه‌یه‌کی تر ده‌کرێت تا “خامێس” چانسی یاریی کردن به‌ده‌ست بهێنێت، ته‌نانه‌ت سه‌رچاوه‌که‌ ئاماژه‌ی به‌ په‌یوه‌ندیه‌کی ته‌له‌فونی نێوان پێرێز و خامێس کردووه‌ بۆ ئه‌و مه‌به‌سته‌.

ناوی چواره‌میش که‌ له‌لایه‌ن میدیاکانه‌وه‌ ماوه‌یه‌که‌ به‌به‌رده‌وامی باس ده‌کرێت براهیم دیازی مه‌غریبی – ئیسپانییه‌ و له‌ڕیزه‌کانی یانه‌ی مانچسته‌ر سیتی یاریی ده‌کات، ده‌نگۆکان ئاماژه‌ به‌ بۆندی سه‌ره‌تایی پێشکه‌شکراوی یانه‌ی شاهانه‌ ده‌که‌ن که‌ نزیکی ٢٠ ملیۆن یورۆیه‌، له‌به‌رامبه‌ردا گواردیۆلا و مان سیتی داوای زیاتر له‌ ٣٠ ملیۆن ده‌که‌ن، دۆن بالۆن جه‌خت ده‌کاته‌وه‌، ئه‌گه‌ر ئه‌م گواستنه‌وه‌یه‌ بگاته‌ ئه‌نجامی کۆتایی ئه‌گه‌رێکی زۆره‌ بکه‌وێته‌ پێش بۆنده‌کانی تر، له‌هه‌مان کاتدا ئه‌گه‌ر سیتی له‌سه‌ر ئه‌و نرخه‌ سوربێت ئه‌وا ئه‌ویش له‌ هاوین یه‌کلایی ده‌بێته‌وه‌.

بەردەوام بە لە خوێندنەوە

جیهانی

(گاتوسۆ ده‌یه‌وێت)‌ میلان بۆ گواستنه‌وه‌ی “بۆسکێتسی نوێ” ڕووبه‌ڕوی مان سیتی ده‌بێته‌وه‌ !

خه‌ڵک سپۆرت

جینارۆ گاتوسۆی ئیتاڵی ڕاهێنه‌ری یانه‌ی ئه‌ی سی میلان داوای هه‌مان ئه‌و یاریزانه ده‌کات که‌ پێشتر پیپ گواردیۆلا و مانچسته‌ر سیتی پلانیان بۆ گواستنه‌وه‌ی داڕشتووه‌.

ماڵپه‌ڕی “کالچیۆ میریکاتۆ”ی ئیتاڵی له‌زاری سه‌رچاوه‌کانیه‌وه‌ ئاشکرای کردووه‌، جینارۆ گاتوسۆی ڕاهێنه‌ری یانه‌ی ئه‌ی سی میلان هیچ هیوایه‌کی به‌گواستنه‌وه‌ی سیسک فابریگاسی ئیسپانی نه‌ماوه‌، هۆکاره‌که‌ش ئه‌وه‌یه‌ که‌ ئیداره‌ی یانه‌ی چێڵسی داوای نرخێکی به‌رز له‌ یاریزانه‌که‌ی ده‌کات و ئه‌و نرخه‌ش له‌م بارودۆخه‌دا بۆ “ڕۆسۆنێری” گونجاو نییه‌.

لێره‌وه‌ ڕاهێنه‌ره‌ سه‌رکێشه‌که‌ی لۆمپاردی بڕیاریداوه‌ به‌ ئاڕاسته‌ی جولیان ڤایگلی ئه‌ڵمانی ئه‌ستێره‌ی لاوی یانه‌ی بوروسیا دۆرتمۆند هه‌نگاو بنێت، به‌وپێیه‌ی ڤایگڵ له‌سه‌رده‌می لوسیان فاڤه‌ردا هاوشێوه‌ی سه‌رده‌می تۆماس توخێل گرنگی پێنه‌دراوه ‌و زۆرینه‌ی سه‌رچاوه‌کان پێیان وایه‌ گواستنه‌وه‌ی نزیکه‌.

کێشه‌ی میلانیه‌کان ئه‌وه‌یه‌ که‌ هه‌مان یاریزان له‌لایه‌ن یانه‌ی مانچسته‌ر سیتی ئینگلیزیه‌وه‌ داواکراوه‌ و ماوه‌ی دوو وه‌رزه‌ گوادیۆلا پلان بۆ گواستنه‌وه‌ی داده‌رێژێت، به‌تایبه‌ت که‌ هێشتا ته‌مه‌نی ٢٣ ساڵه‌ و هیواکانیان به‌وه‌دا هه‌ڵواسیوه‌ له‌ داهاتودا جێگه‌ی فێرناندینیۆی به‌رازیلی پێبگرنه‌وه‌، واتا ئه‌م پڕۆسه‌یه‌ به‌نسبه‌ت گواردیۆلاوه‌ هاوشێوه‌ی پڕۆسه‌ی سێرجیۆ بۆسکێتسه‌ له‌سه‌رده‌می به‌رشلۆنه‌.

ئایا میلان توانای هه‌یه‌ گره‌وه‌که‌ له‌ مان سیتی بباته‌وه‌؟

بەردەوام بە لە خوێندنەوە

جیهانی

دیل بۆسکی بۆ به‌رشلۆنه‌: پێشنیار ده‌که‌م به‌م شێوه‌یه‌ کێشه‌ی دیمبیلی چاره‌سه‌ر بکه‌ن، نه‌ک سزادان

خه‌ڵک سپۆرت

ڤیسینتی دیل بۆسکی ڕاهێنه‌ری پێشوی هه‌ڵبژارده‌ی ئیسپانیا داوا له‌ به‌رپرسانی یانه‌ی به‌رشلۆنه‌ ده‌کات، له‌ بری سزادان زمانی گفتوگۆ به‌رامبه‌ر عوسمان دیمبیلی به‌کاربهێنن.

دیل بۆسکی له‌چاوپێکه‌وتنێکدا به‌ ماڵپه‌ڕی “موندۆ دیپۆرتیڤۆ”ی که‌ته‌لۆنی ڕاگه‌یاندووه‌ :” پێویسته‌ ئیداره‌ی به‌رشلۆنه‌ له‌ڕێگه‌ی گفتوگۆوه‌ کێشه‌کانی عوسمان دیمبیلی چاره‌سه‌ر بکات، من باوه‌ڕم به‌ سزادانی یاریزانان نییه‌، له‌ماوه‌ی کارکردنم وه‌ک ڕاهێنه‌ر هه‌رگیز ڕووینه‌داوه‌ یاریزانێک سزا بده‌م”.

هه‌روه‌ها ده‌ڵێت :” پێموابێت تاکه‌ چاره‌سه‌ر ئه‌وه‌یه‌ قه‌ناعه‌تی پێبکه‌ن، چه‌ندین ڕێگه‌ی تر بۆ ڕاستکردنه‌وه‌ی بارودۆخه‌که‌ بونی هه‌یه‌، پێویسته‌ ئه‌وه‌ی تێبگه‌یه‌نن که‌ ئه‌و له‌نێو پێکهاته‌یه‌کدا یاریی ده‌کات و پێویسته‌ ڕێساکان به‌سه‌ر هه‌موواندا جێبه‌جێ بکرێت، ئه‌گه‌ر به‌وشێوه‌یه‌ش نه‌که‌ن ئه‌وا له‌ مه‌بده‌ئی ژیان و خۆشگوزه‌رانی ژووری خۆگۆڕینه‌کان دوورده‌که‌ونه‌وه‌ و چیتر یاریزانه‌که‌ ناتوانێت له‌و یانه‌یه‌ بژی، به‌رشلۆنه‌ خاوه‌نی هه‌موو ئه‌و خه‌سڵه‌تانه‌یه‌ یاریزانێکی وه‌ک دیمبیلی بخاته‌ سه‌ر ڕێگه‌ی ڕاست، کێشه‌کانیش له‌ ڕاستیدا نه‌ده‌بوو بونیان هه‌بێت”.

له‌ماوه‌ی ڕابردودا عوسمان دیمبیلی فه‌ره‌نسی چه‌ند جارێک له‌ مه‌شقه‌ ئاماده‌کاریه‌کانی یانه‌ی به‌رشلۆنه‌ دواکه‌وت و میدیاکان دووپاتیان کرده‌وه‌، که‌ ناوبراو پابه‌ندی ڕێسا ناوخۆییه‌کان نابێت و کشسه‌ی زۆره‌، ئه‌م بابه‌ته‌ بووه‌ بابه‌تێکی ئاشکرا و له‌ئێستادا ده‌نگۆی ئه‌وه‌ هه‌یه‌ ئیداره‌ی یانه‌ یاریزانه‌که‌یان به‌بڕی ٢٠٠ هه‌زار یورۆ سزای دارایی دابێت.

بەردەوام بە لە خوێندنەوە
کام لەم وەزارەتانەی کابینەی ٨ لە ئاست خزمەتکردن بە هاولاتیان جێدەستی دیار بووە؟

کوردستان

دوایین