دەزگای ئاسایشی هەرێم دەستگیرکردنی باندێکی مەترسیداری دزیکردنی ئۆتۆمبێل ڕادەگەیەنێت.
بەڕێوەبەرایەتی گشتی ئاسایشی سلێمانی ڕایگەیاند، بە هاوکاری ئاسایشی ڕۆژئاوای سلێمانی و بەشی ئاسایشی قەزاو ناحیەکان، توانیان ٨ تۆمەتباری دزیکردنی ئۆتۆمبێل دەستگیربکەن و ٤ ئۆتۆمبێلیان بگەڕێنرێنەوە بۆ خاوەنەکانیان.
ئاماژەی بەوەکرد، پاش لێکۆڵینەوە و بەدواداچوونی هێزەکانی ئاسایش، بە بڕیاری دادوەر٨ تۆمەتبار لە ٢٠٢٤/٢/٢٩ دەستگیرکران، کە ٦ ئۆتۆمبێلیان دزیوە لە جۆرەکانی (مازدا،BMW) ویستویانە لە سنووری قەزای چەمچەماڵ ساغی بکەنەوە، ئافرەتێک سەرپەرشتی باندەکەی کردووە.
ڕاشیگەیاند، ئێستادا سەرجەم تۆمەتباران بە ماددەی ٤٤٣ لە یاسای سزادانی عێراقی ڕاگیراون و هەروەها بەپێی دەرئەنجامی لێکۆڵینەوە و پشکنینەکان دەرکەوت کە بەکارهێنەری ماددەی هۆشبەرن.
