وەزارەتی پەروەردەی حكومەتی هەرێمی كوردستان پرسیار و وەڵامی تاقیکردنەوەکانی بەرایی پۆلی 12ی ئامادەیی بڵاوكردەوە.
لیژنەی باڵای تاقیكردنەوە گشتییەكانی وەزارەتی پەروەردەی هەرێم لە ڕاگەیەنراوێكدا ئاماژەی بەوەكردووە، ڕۆژانە لە ڕێگەی ئەو لینکەی خوارەوە پرسیار و وەڵامی تاقیکردنەوە بەراییەکانی ساڵی خوێندنی (2023-2024) بۆ سەرجەم خوێندکارانی قۆناغی 12ی ئامادەیی بڵاودەکرێتەوە.
ڕاشیگەیاندووە، ڕۆژانی تاقیکردنەوەکان پرسیار و وەڵامی تاقیکردنەوەکان نوێدەکرێتەوە.
ڕوونیشی كردۆتەوە، تاقیکردنەوەی ئەمڕۆی بابەتی (بیرکاری زانستی وێژەیی) لە لینكەكە دانراوە.
