وه‌زاره‌تی خوێندنی باڵای هەرێمی کوردستان چەند بڕیارێکی بەهۆی ئەنجامدانی هەڵبژاردنی ئەنجومەنی پارێزگاکانی عێراق دەرکرد
بەهۆی ئەنجامدانی هەڵبژاردنی ئەنجومەنی پارێزگاکان لە شارەکانی ناوەڕاست و خوارووی عێراق لە ڕۆژی ١٨ کانوونی یەکەم، کە زیاتر لە ١٦ ملیۆن كه‌س مافی ده‌نگدانیان تێدا هەیە، وه‌زاره‌تی خوێندنی باڵای هه‌رێمیش چه‌ند بڕیارێكی له‌وباره‌یه‌وه ده‌ركرد.
دوێنێ سێشەممە، وەزارەتی خوێندن و باڵای حکومەتی هەرێمی کوردستان نوسراوێکی فەرمی بۆ تەواوی زانکۆکانی حکومی و تایبەتەکان و کۆلیژە زانکۆ و پەیمانگاکان ناردوه.
وەزارەتی خوێندنی باڵا لە نووسراوەکەدا ئاماژەی بەوەکردووە، لە پێناو بەشداریکردن لە هەڵبژاردنی ئەنجومەنی پارێزگاکان لە حکومەتی عێراقی، هەر وانەیەک یاخود تاقیکردنەوەیەک لە ڕۆژانی ( ١٧-١٨ ی کانوونی یەکەمی ٢٠٢٣) دوابخرێت و بخرێتە ڕۆژانی دواتر و قەرەبوو بکرێنەوە بۆ قوتابیان و خوێندکارانی دانیشتووی ناوچە کوردستانییەکانی دەرەوەی ئیدارەی هەرێمی کوردستان.
لە نووسراوەکەدا ئەوەشی ڕاگەیاندووە، لەو دوو رۆژەی هەڵبژاردن بەرێوەدەچێت، سەرجەم مامۆستا و فەرمانبەران و قوتابیان و خوێندکارانی کە دەنگیان دەکەوێتە ناوچە کوردستانییەکانی دەرەوەی ئیدارەی هەرێم، بە نەهاتوو هەژمار ناکرێن.
