چەند كەسێك لە هەرێمی كوردستان تووشی نەخۆشییەكی قورس و دەگمەن بوون و پەرلەمانتارێكی كورد دەڵێت: “ئەو كەسانە پێویستە لە دەرەوەی وڵات پشكنینیان بۆ بكرێت، چونكە لەهەرێمی كوردستان دەرمان و خۆراك و پشكنین بۆیان زەحمەتە و نیە”.
سۆران عومەر، ئەندامی پەرلەمانی عێراق بۆ (خەڵك) ڕایگەیاند، “نەخۆشییەكی دەگمەن لە هەرێمی كوردستان هەیە، كە پێی دەگوترێت تایرۆسینیمیا و تووشبووانی ئەمانە دەرمان و خۆراك و پشكنینیان لە هەرێمی كوردستان نییە و پێویستیان بە دەرەوەی وڵاتە”.
ڕاشیگەیاند، لەهەوڵەكان بەردەوامم بۆ وەرگرتنی دەرمان و چارەسەری ئەو منداڵە نەخۆشانەی هەرێمی كوردستان، كە نەخۆشی درێژخایەنیان هەیە وەك تایرۆسینیرمیا و شەكرە، بۆیە نووسراویان بۆ وەزیری تەندروستی عێراق كردووە بۆ دابینكردنی دەرمان و چارەسەركردنیان. وەزارەتی تەندروستیش نووسراوی كردووە بۆ كۆمپانیای گشتی بەبازاڕكردنی دەرمان بۆ ئەوەی دەرمان و چارەسەرەیان بۆ دابین بكات.
وتیشی، “نەخۆشی تایرۆسینیرمیا، لەهەرێمی كوردستان دەرمان و خۆراك و پشكنین بۆیان زەحمەتە و نیە”.
تائێستا لە هەرێمی كوردستان نەخۆشیی تایرۆسینیمیا 9 تووشبووی هەن؛ 2 لە هەولێر، 1 لە كۆیە، 1 لە سلێمانی، 2 لە قەڵادزێ و كەسەكەی دیكەش لە كفرییە.
