عەزیزی: ئێرانی یەك نەتەوە شكستیهێناوە

  • 71 بینین

خالید عەزیزی وتەبێژی حیزبی دیموكراتی كوردستانی ئێران لە كۆڕێكدا لە پەرلەمانی بەریتانیا ڕایگەیاند، پرۆژەی ئێرانی یەكنەتەوە شكستیهێناوە و ئێرانی نوێ لەسەر بنەمای فرەنەتەوەیی ڕێكدەخرێتەوە.

خالید عەزیزی لە كۆڕێكی هاوبەشدا لەگەڵ میری گلیندۆن ئەندامی پەرلەمانی بەریتانیا لە پەرلەمانی ئەو وڵاتە، ڕایگەیاند، پرۆژەی ئێرانی یەكنەتەوە شكستیهێناوە و ئێرانی نوێ لەسەر بنەمای فرەنەتەوەیی ڕێكدەخرێتەوە.

ناوبراو داواشی لە پەرلەمانی بەریتانیا و دەوڵەتی بەریتانیا كرد، هاوكار بن بۆ پێكهێنان و هاتنەسەر كاری دەسەڵاتێكی دێموكرات و ئازادیخواز لە ئێران.

عەزیزی ئاماژەی بە ئەوەشكرد، چیدیكە ئێرانی ئەمڕۆ ئێرانی چەند دەیەی پێشتر نییە و گەلانی دیكەی ئێرانیش ئەو گەلانەی ڕابردوو نین و هەموو ئەوروپا و كۆمەڵگەی جیهانی دەبێت، ئەوە بزانن ئێران وڵاتێكی فرە نەتەوەیە.

ماوەی سێ مانگ زیاترە شەپۆلی ناڕەزایەتی و خۆپیشاندان لەسەرتاسەری ئێراندا سەریهەڵداوە بەهۆی كوژرانی ژینا ئەمینی كچە كوردی شاری سەقزەوە دوای دەستگیركرانی لەلایەن پۆلیسی ئادابەوە.

 

كەسێك لە ئیلام لە سێدارە درا
پێشتر كەسێك لە ئیلام لە سێدارە درا
نرخی دۆلار بەرزتر بووەوە
دواتر نرخی دۆلار بەرزتر بووەوە
پەیوەندیدار