ئێمە لە تۆرە کۆمەڵایەتیەکان
ریکلام

عێراق

پارتی داوای پۆستێكی گرنگ دەكات بەرامبەر پۆستی سەرۆك كۆمار

خەڵك- بەشی هەواڵ

بەرپرسی لقی دووی پارتی دیموكراتی كوردستان، لە كەركوك رایگەیاند، كە پێدانی پۆستی سەرۆك كۆمار بە یەكێتی بەرامبەرە بە پۆستی پارێزگاری كەركوك بۆ پارتی.

محەمەد خورشید بەرپرسی لقی كەركوكی پارتی، بە دەنگی ئەمەریكای وتووە”ئەگەر كورد بە دەرئەنجامی گفتوگۆكانی نێوان هەولێر و بەغدا لەسەر پێكهێنانی حكومەت رازی بوو، ئەوكات بەرنامەی گەڕانەوە بۆ كەركوك دادەڕێژین.”

وتیشی”دەبێت گفتوگۆ بكرێت لەسەر گەڕانەوەی سەربەرزانەی كورد بۆ كەركوك و پێدانەوەی هەندێك لەدەسەڵاتەكانی لەو شارە.”

لەئێستادا بارەگای سەرەكی پارتی لەكەركوك هێزەكانی دژەتیرۆری عێراقی تێدایە، ماوەیەك لەمەوبەر دەنگۆی چۆڵكردنی بارەگاكە و گەڕانەوەی پارتی لەنێو كەركوكدا بڵاو بووەوە، بەڵام بەرپرسەكەی پارتی رەتیدەكاتەوە.

وتیشی”هێزەكانی دژەتیرۆر ئاڵوگۆڕی هێزیان كردبوو، بۆیە وابڵاوبووەوە گوایە بارەگاكە چۆڵ دەكەن و پارتی دەگەڕێتەوە، ئەگینا مەسەلە بنەمای نەبوو.”

سەبارەت بەپۆستی پارێزگاری كەركوك كە لەلایەن یەكێتییەوە تۆمەتبار دەكرێن بە تێكدانی یەكڕیزی كورد و شكستپێهێنانی هەوڵەكان بۆ وەرگرتنەوەی ئەو پۆستە، بەرپرسی لقی كەركوكی پارتی ئاماژەی بەوەكرد، یەكێتی لە حیزبە كوردییەكان دوور كەوتووەتەوە، گرەوی لەگەڵ عەرەب و توركمان كردووە بۆ وەرگرتنەوەی پۆستی پارێزگار، بەڵام گرەوەكەی دۆڕاندوە و مایەپوچ دەرچووە، یەكێتی یەكڕیزی نیشتیمانی تێكداوە، بۆیە لایەنە كوردییەكان ئامادەنین لەگەڵی دابنیشن، ئەمەش وایكردووە هەنگاو نان بۆ وەرگرتنەوەی پۆستی پارێزگار تەنها لەراگەیاندنەوە بێت.”

دەربارەی ئەو زانیارییانەی كە هەن گوایە پارتی پۆستی پارێزگاری كەركوكی بە پۆستی سەرۆك كۆماری عێراقەوە بەستووەتەوە، بەوەی ئەو دوو پۆستە یەكیان بۆ پارتی و ئەویتریان بۆ یەكێتی بێت، بەرپرسی لقی كەركوكی پارتی روونیكردەوە گفتوگۆی لەو شێوەیە لە ئارادایە، هەرچەندە پارتی زۆر خۆی بەپۆستەوە پابەند ناكات، بەڵكو ئەوەی بەلاوە گرنگە ئەو كەسانەی پۆستەكان بەڕێوەدەبەن تاچەند كوردانە كاردەكەن.

هەروەها وتیشی”گفتوگۆی ئەوە هەیە گەر پۆستی سەرۆك كۆمار بۆ لایەنێك بێت، دەبێت پۆستی پارێزگاری كەركوك و پۆستەكانی تر بۆ لایەنەكانی تر بن.”

ریکلام

عێراق

عەبادی: دەستلەكارناكێشمەوە
“دەبێت كاندیدی سەرۆك كۆمار پابەندی یەكپارچەیی بێت”

خەڵك- بەشی هەواڵ
سەرۆك وەزیرانی كاربەڕێكەری عیراق ڕەتیدەكاتەوە دەستلەكاربكێشێتەوە و دەشڵێت: “دەبێت كاندیدی سەرۆك كۆمار پابەندی یەكپارچەیی خاكی عیراق بێت”.

حەیدەر عەبادی، سەرۆك وەزیرانی كاربەڕێكەری عیراق لە كۆنگرەی ڕۆژنامەوانی هەفتانەیدا دوای كۆبوونەوەی ئەنجومەنی وەزیران ڕایگەیاند، داواكارییەكان لەبارەی دەستلەكاركێشانەوەیان سیاسییە و پشت بە هیچ دەقێكی دەستووری نابەستێت.

وتیشی، “لە بەرپرسیاریەتی بەردەوام دەبم تاوەكو ئەمانەتەكە ڕادەستی حكومەتی نوێ دەكەم”.

سەبارەت بە پۆستی سەرۆك كۆمار جەختی كردەوە، هەر كاندیدێك بۆ سەرۆك كۆماری عیراق دەبێت پابەندی یەكپارچەیی خاكی عیراق و سەروەرییەكەی بێت.

عەبادی ئاشكراشی كرد، ئەنجوومەنی وەزیرانی عێراق، وەزارەتی پەروەردەی ڕاسپاردووە بۆ ئەوەی تاقیكردنەوەی خوولی سێیەم لە قۆناغەكانی 3ی ناوەندی و 6ی ئامادەیی ئەنجام بدرێت.

ئاماژەی بەوەشكرد، پێویستیان بە چاكسازیەكی ڕیشەیی هەیە لە دەسەلاتی دادوەری بۆئەوەی بەدواداچوون بۆ سەرمایەی بەرپرسان بكات و وتیشی، “هیچ دەستێكی سیاسی لەپشت پیسبوونی ئاوی بەسرە نییە”.

بەردەوام بە لە خوێندنەوە

عێراق

شێوازی هەڵبژاردنی سەرۆك كۆماری عیراق لەڕووی یاساییەوە

خەڵك- بەشی هەواڵ
شارەزایەكی یاسایی عیراقی شێوازی هەڵبژاردنی سەرۆك كۆماری عیراق لە ڕووە یاسایی و دەستورییەكانەوە ڕووندەكاتەوە و دەڵێت: “دەبێت لە دایك و باوكی عیراقی بێت”.

تارق حەرب، پسپۆڕی یاسایی و دەستوری بە ڕۆژنامەی (الصباح)ی نیمچە فەرمی عیراقی ڕاگەیاندووە، كە دەستور ئاسانكاری كردووە لە هەڵبژاردنی سەرۆك كۆمار بەو بەڵگەیەی دیاری كردووە لە كۆبوونەوەی یەكەم بە زۆرینەی دوو لەسەر سێ‌ دەنگ لەسەر سەرۆك كۆمار دەدرێت.

ڕوونیشی كردۆتەوە، ئەگەر ئەو ڕێژەیە بەدی نەیەت، واتە ئەگەر هیچ یەكێك لە كاندیدەكان زۆرینەی دوو لەسەر سێیان نەهێنا خولی دووەم ئەنجام دەدرێت لەنێوان ئەو كاندیدانەی زۆرترین دەنگیان هێناوە و بە زۆرینەی سادە (50+1) هەڵدەبژێردرێت.

ئاماژەی بەوەشكردووە، بەشێوەیەكی ئاسایی ئەو پۆستە بە یەك كۆبوونەوە یەكلایی دەكرێتەوە، بەڵام ئەوەی ئێستا ڕوودەدات ژمارەیەكی زۆر كاندید هەن، هەرچەندە ژمارەی كاندیدەكان كاریگەری لەسەر دەنگدان نابێت، بەڵكو كاریگەری لەسەر وردبینی كردنی ناوەكان دەبێت، كە دەبێت مەرجەكانیان تێدابێت.

سەبارەت بە مەرجەكان ئاشكرای كردووە، كاندیدی سەرۆك كۆمار دەبێت مەرجی نیشتەجێ‌ بوون لە وڵات و شارەزایی سیاسی تێدابێت و دەبێت ناسراوبێت بە كەسێكی دەستپاك و دادپەروەر و دڵسۆز بۆ ولات و دەبێت لە دایك و باوكێكی عیراقی بێت.

بەردەوام بە لە خوێندنەوە

عێراق

پەرلەمانی عیراق كاتی هەڵبژاردنی سەرۆك كۆماری گۆڕی

خەڵك- بەشی هەواڵ

هەرچەندە بڕیاربوو لە كۆبوونەوەی ئەمڕۆی پەرلەمانی عیراق، سەرۆك كۆمار هەڵببژێردرێت، بەڵام سەرۆكی پەرلەمانی عیراق ڕایگەیاند، ڕۆژی 2ی تشرینی یەكەم سەرۆك كۆمار هەڵدەبژێردرێت.

محەمەد حەلبوسی، سەرۆكی پەرلەمانی عیراق لە كۆبوونەوەی ئاسایی ئەمڕۆی پەرلەمان ڕایگەیاند، كە بریاریان داوە ڕۆژی 2-10-2018 سەرۆك كۆماری داهاتوی عێراق هەڵبژێردرێت.

ڕاشیگەیاند، بڕیاردرا لە ماوەی 15 ڕۆژدا لیژنەیەك بۆ هەمواركردنەوەی پەیڕەوی ناوخۆی پەرلەمانی عیراق پێكبهێنرێت.

بەهۆی ناكۆكیەكانی حزبە كوردیەكان لەسەر كاندیدی پۆستی سەرۆك كۆماری عیراق، كە یەكێتی، بەرهەم ساڵح و پارتی، فوئاد حسێن-یان كاندی كردووە، جگە لە چەند كاندیدێكی دیكە، بۆیە هەڵبژاردنی سەرۆك كۆماری عیراق دواخرا و ئەمڕۆ یەكلایی نەكرایەوە.

بەردەوام بە لە خوێندنەوە
ریکلام
ریکلام
ریکلام

کوردستان

دوایین