ئێمە لە تۆرە کۆمەڵایەتیەکان
ریکلام

کوردستان

پۆلیسی هەولێر پلانی ئەمنی ڕۆژانی جەژن ڕادەگەیەنێت

خەڵك- ئارام سەردار
بەرێوەبەری پۆلیسی هەولێر لەكۆنگرەیەكی ڕۆژنامەوانیدا ڕایگەیاند، لەمانگی ڕەمەزان و مانگی ڕابردوو واتە ماوەی دوو مانگ لەسەر ٤١ تاوان ٦١ كەس دەستگیركراون.

عەبدولخالق تەڵعەت، بەرێوەبەری پۆلیسی هەولێر لەكۆنگرەیەكی ڕۆژنامەوانیدا رایگەیاند، پلانی مانگی ڕەمەزانیان سەركەوتوو بووە و بۆ جەژنیش بەهاوكاری هێزە هاوبەشەكان پلانێكی تۆكمەیان دراشتوە، چونكە چاوەڕوان دەكرێ گەشتیارێكی زۆر ڕوو لەهەولێر بكەن لەناو عێراق و وڵاتانی دراوسێ بەتایبەت كۆماری ئیسلامی ئێران، لەروی ئەمنیەوەش كارئاسانیان بۆكردون، ٢٤ كاتژمێریش هێزەكانیان لەئەركدا دەبن.

وتیشی، “لەماوەی دوو مانگ لەهەولێر ٤١ تاوانی كوشتن و دزی و جۆراوجۆر ئەنجامدراون و بەهۆی ئەو تاوانانەوە ٦١ تاوانباریان دەستگیركردوە ، ٩ تاوانبار لەسەر ٧ تاوانی كوشتن دەستگیركراون تاوانبارەكانیی تریش لەسەر ژمارەیەك دزی لەهەولێر دەستگیركراون پەرواوی لێكۆڵینەوەیان بۆكراوەتەوە.

کوردستان

عومەر سەید عەلی: گۆڕان تەسلیمی پارتی و یەكێتی نەبوو

خەڵك- بەشی هەواڵ

ڕێكخەری گشتی بزوتنەوەی گۆڕان ڕایدەگەیەنێت، بزوتنەوەكەیان هەڵەی ستراتیژی نەكردوە و تەنازولی لەبنەما سەرەكیەكانی خۆی نەكردوە نە بۆ پارتی و نە بۆ یەكێتی-ش و دەشڵێت: “دوای هەڵبژاردنی پەرلەمان گۆڕان خۆی ڕێكدەخاتەوە و هەڵبژاردنە ناوخۆییەكانی دەست پێدەكات”.

عومەر سەید عەلی، ڕێكخەری گشتی بزوتنەوەی گۆڕان لە چاوپێكەوتنێكی لەگەڵ كەناڵی (كەی ئێن ئێن) ڕایگەیاندووە، بزوتنەوەی گۆڕان لەواقعێكدا كاردەكات و خەبات دەكات، كەواقیعێكی تاڵە و دوو حزب هەموو جومگەكانی ژیانیان بەدەستەوەیە، بەڵام بزوتنەوەی گۆڕان تەنازولی لەبنەما سەرەكیەكانی خۆی نەكردووە و بەرژەوەندی خۆی نەخوێندۆتەوە جگە لەبەرژەوەندی میللەتەكەی خۆی و وتیشی، “گۆڕان تەسلیمی پارتی و یەكێتی نەبوە و هیچ تەنازولی نەكردووە و هەڵەی ستراتیژی نەكردووە”.

ڕاشیگەیاندووە، لە سیاسەتدا هەیە دەكەوێتە دوای بەرژەوەندی خۆی و لەسەر مەبدەئ و بیروباوەڕەكانی نامێنێتەوە، ئێمە لەسەر باوەڕە سیاسیەكانی خۆمان ماوینەتەوە.

رێكخەری گشتی گۆڕان جەخت لەوەدەكاتەوە، دوای هەڵبژاردنەكانی پەرلەمان، بزوتنەوەی گۆڕان خۆی ڕێكدەخاتەوە و هەڵبژاردنە ناوخۆییەكانی دەستپێدەكات.

بەردەوام بە لە خوێندنەوە

کوردستان

پەرلەمانتارێكی پارتی: كار بۆ وەرگرتنی پۆستی سەرۆك كۆمار دەكەین

خەڵك- بەشی هەواڵ
پەرلەمانتارێكی پارتی دیموكراتی كوردستان دەڵێت، حزبەكەی بەشێوەیەكی جددی كار بۆ دەستبەركردنی پۆستی سەرۆك كۆمار دەكات، هەنگاوەكەی یەكێتیی نیشتمانیی كوردستانیش سەبارەت بە كاندیدكردنی بەرهەم ساڵح بۆ ئەو پۆستە، بە “هەنگاوێكی تاكلایەنە و لەناكاو” وەسف دەكات.

بەشار كیكی، پەرلەمانتاری پارتی دیموكراتی كوردستان لە لێدوانێكیدا بۆ ماڵپەڕی (سۆمەریە نیوز) ڕایگەیاندبووە، “پارتی پێشتر بە یەكێتی ڕاگەیاندووە، كە خواستی لە وەرگرتنی پۆستی سەرۆك كۆمار هەیە لەم خولەدا، ئەمەش بەر لەوەی بەرهەم ساڵح بۆ ئەو پۆستە كاندید بكات”، ئاماژەی بە دیدیدی پارتی دیموكراتی كوردستانیش سەبارەت بە پێویستی بوونی هێزە دیموكراتییەكان لە بەغدا، كە بە وتەی ئەو، “پڕۆسەی سیاسی و دەستوری پتەوتر دەكەن”.

بە وتەی كیكی، “پارتی دیموكراتی كوردستان، چاوەڕوانی وەڵامی یەكێتییە بۆ لێكگەیشتن و دانانی یەك كاندید بۆ ئەو پۆستە، بەڵام لە هەنگاوێكی لە ناكاودا یەكێتی بەبێ‌ وتوێژ لەگەڵ ئەوان، كاندیدكردنی بەرهەم ساڵحی بۆ پۆستە سەرۆك كۆمار ڕاگەیاند، كاتێكیش پارتی ناوی فوئاد حسێن-ی بۆ وەرگرتنی پۆستەكە خستەڕوو، مانای ئەوەیە بە جددی دەیەوێت ئەو پۆستە دەستەبەر بكات”.

لە درێژەی قسەكانیدا، پەرلەمانتارەكەی پارتی دەڵێت: “پۆستەكە پشتی پێكهاتەی كوردە، نەك حزبێكی دیاریكراو، بەڵگەش لەسەر ئەوە بوونی ژمارەیەكی زۆری كاندیدەكانە لە دەرەوەی هەردوو حزبی سەرەكییەكەی هەرێم”.

یەكێتی نیشتمانیی كوردستان، بەرهەم ساڵحی وەك تاكە كاندید بۆ وەرگرتنی پۆستی سەرۆك كۆمار پێشكەش كرد، لە هەمان كاتدا پارتی دیموكراتی كوردستانیش، فوئاد حسێن-ی وەك كاندید بۆ پۆستەكە ڕاگەیاند، ئەمەش لەكاتێكدایە، كە ژمارەیەك كوردی تر لە حزبە سیاسییەكان و سەربەخۆكان خۆیان بۆ كێبڕكێ‌ بۆ دەستخستنی پۆستەكە، كاندید كردووە.

بەردەوام بە لە خوێندنەوە

کوردستان

كاندیدی لیستێك چووە ناو یەكێتی

خەڵك- بەشی هەواڵ

كاندیدێكی لیستی سەردەم لە سنووری كۆیە كشانەوەی لە لیستەكەی ڕاگەیاند و بڕیاریداوە بچێتە ناو یەكێتی نیشتیمانی كوردستاندا و لەو حزبەدا درێژە بەخەبات بدات.

كەناڵی (گەلی كوردستان)ی زمانحاڵی یەكێتی لە زاری بورهان سەعید سۆفی، لێپرسراوی مەڵبەندی ڕێكخستنی كۆیەی یەكێتی بڵاویكردەوە، پێشوازی لە كاروان شەریف عەزیز، كاندیدی لیستی سەردەم لە قەزای كۆیە لەگەڵ ژمارەیەك لە لایەنگرانی كرد، كە بڕیاڕیان داوە لە ڕیزەكانی یەكێتی نیشتیمانی كوردستان درێژە بەخەبات بدەن.

بورهان سەعید سۆفی ڕاشیگەیاند، یەكێتی ماڵە گەورەكەی هەموانە و بۆ هەموانە.

لای خۆشیەوە، كاروان شەریف عەزیز، كاندیدی پێشووی حزبی سۆسیالیست دیموكراتی كوردستان لە لیستی سەردەم ڕایگەیاند، پێشتر لە ریزەكانی حزبی سۆسیالیست كاریان كردووە و بۆ لەمەودوا رێبازی مام جەلال دەگرنە بەر و پاڵپشتی یەكێتی دەكەن و كاردەكەن بۆ سەرخستنی لیستی یەكێتی نیشتیمانی كوردستان.

بەردەوام بە لە خوێندنەوە
ریکلام
ریکلام
ریکلام

کوردستان

دوایین