لێدوانەکانی سەرۆکی بانکی فیدراڵی ئەمریکا دەربارەی ڕێژەی سوود بەهای دۆلاری دابەزاند و ئەوەش وایکرد جارێکی دیکە نرخی زێڕ لە بازاڕەکانی جیهاندا بەرزبێتەوە.
شەوی ڕابردوو جیرۆم پۆڵ، سەرۆکی بانکی فیدراڵی ئەمریکا ڕایگەیاند، بە هۆی بەردەوامبوونی دابەزینی ڕێژەی هەڵاوسان بەرەو ئامانجی 2٪، ئێستا سەرنجی بڕیاردەرانی سیاسەتی دارایی ئەمریکا لەسەر دیاریکردنی کاتێکە بۆ کەمکردنەوەی ڕێژەی سوود.
لێدوانەکەی پۆل بۆ کەمکردنەوەی ڕێژەی سوود بووە هۆی دابەزاندنی بەهای دۆلار لە جیهاندا و لە بەرامبەریشدا نرخی زێڕ هەڵکشا، بە جۆرێك نرخی یەك ئۆنسە لە هەزار و 972 دۆلارەوە گەیشتە دوو هەزار و 23 دۆلار.
ئەمڕۆش نرخی ئۆنسەیەك بۆ دوو هەزار و 37 دۆلار بەرزبووەوە.
