ئەندامێكی ئەنجومەنی نوێنەرانی عێراق زانیاری نوێ لەبارەی مووچەوە ئاشکرادەکات و دەڵێت:”چاودێریی دارایی عێراق داوایكردووە مووچەی مامۆستایان و كارمەندانی خوێندنی كوردی لە هەرێمەوە بگوازرێتەوە سەر عێراق”.
سۆران عومەر، ئەندامی ئەنجومەنی نوێنەرانی عێراق لە هەژماری تایبەتی خۆی لە تۆڕی کۆمەڵایەتی فەیسبووک نووسیویەتی: مامۆستایان و كارمەندانی خوێندنی كوردی لە كەركوك مووچەكەیان لەسەر هەرێمە، مووچەكانیان نەبڕاوە، بەڵكو چاودێریی دارایی عێراق داوایكردووە بگوازرێنەوە سەر عێراق.
ئەو ئەندامەی ئەنجوومەنی نوێنەرانی عێراق دەشڵێت:”بودجەی ئەو مامۆستایانە مانگانە بڕەكەی 29 ملیار دینارە”.
