ئێمە لە تۆرە کۆمەڵایەتیەکان

کوردستان

وتەبێژی كەجەكە: هێزی ئەمریكا بۆ بەرژەوەندی خۆی چووەتە سوریا

سەرحەد ڤارتۆ وتەبێژی كۆما جڤاكێن كوردستانێ

خەڵك- ئامەد حەسەن

وتەبێژی كۆما جڤاكێن كوردستانێ كەجەكە رایگەیاند، هێزی ئەمریكا بۆ بەرژەوەندی خۆی چووەتە سوریا و پێكهاتەكانی باكوری سوریاش بۆ پاراستنی خۆیان پشت بەو هێزانە نابەستن.

سەرحەد ڤارتۆ وتەبێژی كۆما جڤاكێن كوردستانێ بە (خەڵك)ی راگەیاند “هێزی ئەمریكا بۆ بەرژەوەندی خۆیان و سیاسەتی خۆیان هاتبوون، كشانەوەشیان لەئەنجامی سیاسەت و بەرژەوەندی خۆیانە”.

ناوبراو دەشڵێت “گەلی كورد و باكوری سوریا تا ئێستا هەر بە هێزی خۆیان تێكۆشان دەكەن، هێزی خۆیان لەسەر ئەوە بە بنەما دەگرن، لێدوانی ئەوانیش لەو چوارچێوەیەدا”.

ڤارتۆ لە بارەی كاریگەری كشانەوەی هێزەكانی ئەمریكا لە باكوری سوریا و رۆژئاوای كوردستان ئاشكرایكرد “وەك دیاردەكرێت كشانەوەی ئەمریكا بۆ كوردان گرنگ نییە، توركیا بە هەبوونی ئەمریكا چووە ناو سوریا، ئەوە ئەمریكا رێگای دا توركیا بچێتە سوریا لە جەرابلووس و باب و عەفرین ‌و گەلی كورد و باكوری سوریاش بەپێی رەوشی دوایی ناوچە، بۆیان دەركەوتووە سیاسەتی خۆیان پێش دەخەن”.

کوردستان

لەسەر یەكلاییكردنەوەی كاندیدەكانی گۆڕان بۆ كابینەی داهاتووی حكومەت ڕوونكردنەوە دەدرێت

خەڵك-بەشی هەواڵ

سەرچاوەیەكی باڵای بزووتنەوەی گۆڕان ڕایدەگەیەنێت، تا ئێستا كاندیدەكان بۆ پۆستەكانی حكومەتی هەرێم یەكلایی نەكراونەتەوە.

سەرچاوەیەكی باڵای بزووتنەوەی گۆڕان كە نەیویست ناوی ئاشكرا بكرێت بە (خەڵك)ی ڕاگەیاند، تا ئێستا ناوی كاندیدەكان بۆ وەرگرتنی پۆستە حكومییەكان لە كابینەی داهاتوو یەكلایی نەكراونەتەوە.

وتیشی”لە ئێستادا گفتوگۆی چڕ و پڕ لەسەر ئالیەتی دیاریكردنی كاندیدەكان دەكرێت و تا ئێستاش كاتێك دیاری نەكراوە بۆ كۆتاییهێنان بە بابەتەكە.

ئەمەش لەكاتێكدایە بەرپرسانی پارتی ئاماژە بۆ ئەوە دەكەن، كۆتایی مانگی داهاتوو كابینەی داهاتووی حكومەت پێكدەهێنرێت و تا ئێستا لایەنەكان كاندیدەكانیان بۆ پۆستەكان یەكلایی نەكردوەتەوە.

بەردەوام بە لە خوێندنەوە

کوردستان

شەڕی پێشمەرگە و داعش لە سنوری دوزخورماتوو دەستی پێكرد

خەڵك- بەشی هەواڵ

بە هاوكاری هاوپەیمانان پێشمەرگە لە چەند قۆڵێكەوە هێرشی بۆ سەر بنكەی چەكدارانی داعش لە نزیك شارۆچكەی دوزخورماتوو دەستپێكرد و تائامادەكردنی ئەم هەواڵە شەڕ بەردەوامە.

عەلی حسێنی، وتەبێژی حەشدی شەعبی لە میحوەری باكور بە (خەڵك)ی ڕاگەیاند، هاوپەیمانان چەند بنكەیەكی داعشیان لە نێوان شارۆچكەكانی كفری و دوزخورماتوودا بۆردومانكردووە، كە داعش بەكاری هێناون و دواتر پێشمەرگە هێرشی كردوونەتەسەر.

وتیشی”هەماهەنگیمان لەگەڵ پێشمەرگە هەیە و ئاگاداری جوڵانە سەربازییەكەین، بەڵام سنورەكە لەژێر دەسەڵاتی پێشمەرگەدایە”.

سەبارەت بە قوربانییەكانی پێشمەرگە و كوژراوەكانی داعش تائێستا هیچ ئامارێك لەبەردەستدا نییە.

(خەڵك) بۆ وەرگرتنی زانیاری زیاتر پەیوەندی بە چەند فەرماندەیەكی سنورەكەوە كرد، بەڵام موبایلەكانیان داخرابوون.

بەردەوام بە لە خوێندنەوە

کوردستان

پۆلیسی پێنجوێن 17 تۆمەتباری دەستگیركرد

خەڵك- بەشی هەواڵ

لەماوەی هەفتەی ڕابردوودا هێزەكانی پۆلیسی پێنجوێن 17 تۆمەتباریان دەستگیركردووە بە چەند ماددەیەكی جۆراو جۆر لەیاسای سزادانی عیراقی.

پۆلیسی سلێمانی لە ڕاگەیەندراوێكدا، وردەكاری زیاتری خستوەتەڕوو و ئاشكرای كردووە، كە ئەو تۆمەتبارانە بەم ماددانە دەستگیركراون:

• تۆمەتبارێك دەستگیركراوە بەپێی ماددەی 446 لە یاسای سزادانی عیراقی كە تۆمەتبار هەستاوە بەدزیكردن .

• تۆمەتبارێك دەستگیركراوە بەپێی ماددەی 453 لەیاسای سزادانی عیراقی كە تۆمەتبار هەستاوە بەفێڵكردن لە هاوڵاتیان .

• تۆمەتبارێك دەستگیراوە بە تۆمەتی هەڵگرتنی چەكی بێ‌ مۆڵەت و دەستیش گیراوە بەسەر چەكەكەدا ، لەئێستادا تۆمەتبار بەندە بەپێی ماددەی 21ی چەك .

• شەش تۆمەتبار دەستگیركراون بەپێی ماددەی 194 لەیاسای گومرگ .

• هەشت تۆمەتبار دەستگیركراون بەپێی چەند ماددەیەكی تر لەیاسای سزادانی عیراقی .

دەستگیركردنی ئەو تۆمەتبارانە دوای ئەوەدێت، كە لە ماوەی ڕابردوودا دەیان داواكراو لە سلێمانی و ڕاپەڕین و گەرمیان دەستگیركران.

بەردەوام بە لە خوێندنەوە

کوردستان