وەزارەتی بەڕگری ڕوسیا ڕایدەگەیەنێت، وەزیرانی بەرگری هەر سێ وڵاتی ڕوسیا، توركیا و سوریا لە مۆسكۆ كۆبوونەوە، ڕێگاكانی چارەسەركردنی قەیرانی سوریا و كیشەی پەنابەران و هەوڵە هاوبەشەكان بۆ شەڕی دژ بە گروپە توندڕەوەكان لە سوریا، تاوتوێكراوە.
وەزارەتی بەڕگری ڕوسیا لە ڕاگەیەنراوێكدا بڵاویكردەوە، هەر یەك لە خولوسی ئاكار، وەزیری بەرگری توركیا و هاكان فیدان بەرپرسی دەزگای موخابەراتی توركیاو سێرگی شۆیگو، وەزیری بەرگری ڕووسیا و عەلی مەحمود عەباس، وەزیری بەرگری سوریا لەگەڵ بەرپرسە باڵاكانی موخابەرانی ڕووسیا و سوریا كۆبوونەوە.
ئاماژە بۆ ئەوەشكراوە، لە كۆبونەوەكەدا ڕێگاكانی چارەسەركردنی قەیرانی سوریا و كیشەی پەنابەران و هەوڵە هاوبەشەكان بۆ شەڕی دژ بە گروپە توندڕەوەكان لە سوریا تاوتوێكراوە و هەروەها هەوڵە هاوبەشەكان بۆ بەرەنگاربوونەوەی تەواوی ڕێكخراوەی تیرۆرستییەكان لە سوریا قسەی لەسەر كراوە .
