ئاگادارییەک لە هەردوو وەزارەتی کارەبا و سامانە سرووشتییەکانەوە بۆ هاوبەشانی کارەبا لە هەرێم.
لە بڵاوکراوەیەکدا وەزارەتی کارەبا ئاگاداری هاوبەشانی كارەبا دەکاتەوە، بەهۆی هێرشێکی درۆنی بۆ سەر کێڵگەی کۆرمۆر، ناردنی گاز بۆ وێستگەكانی بەرهەمهێنانی کارەبا راوەستاوە و بەهۆیەوە نزیکەی 2500 مێگاوات کارەبا کەم بووەتەوە.
ئاماژەی بەوەشداوە، ستافی هەردوو وەزارەتی کارەبا و سامانە سروشتییەکان لەگەڵ لایەنە هاوبەشەکانیان لە هەوڵدان بۆ ئاساییکردنەوەی دۆخەکە و دووبارە دەستپێکردنەوەی گاز بۆ وێستگەکانی کارەبا.
شایەنی باسە ئێوارەی ئەمڕۆ لەڕێگەی درۆنەوە هێرشکرایە سەر کێڵگەی غازی کۆرمۆر لە چەمچەماڵ، هاوکات بەێی سەرچاوەکانی هەواڵ دوو کەس برینداربوون.
