سوپای عێراق بە پاڵپشتی سوپای فەڕەنسا یەكەم هێزی سەربازی بۆ پارێزگاری لە ناوچە بیابانییەكانی ئەنبار پێكدەهێنێت و دواتریش 4 فەوجی دیكە پێكدەهێنرێن.
فەریق ڕوکن قەیس محەمەداوی، جێگری فەرماندەی ئۆپەراسیۆنە هاوبەشەکانی عێراق بە میدیای فەرمیی عێراقی ڕاگەیاندووە، ئەو فەوجە بەشێکە لەو پێنج فەوجەی بیابانی سوپا، کە بڕیارە پێکبهێندرێن و لەسەر کارکردن لە بیاباندا ڕادەهێندرێن.
ڕاشیگەیاندووە، فەوجەکانی دیکەش لە نەینەوا، سەڵاحەدین، ئەنبار و کەربەلا جێگیر دەکرێن.
میدیا عێراقییەكان بڵاویانكردۆتەوە، ئەوە یەکەم فەوجی بیابانی سوپای عێراقە، کە لە چوارچێوەی فەرماندەیی ئۆپەراسیۆنەکانی جەزیرە پێکبهێندرێت و سەربازانی فەوجەکە لەلایەن مەشقپێکەرانی سوپای فەرەنساوە مەشقیان پێکراوە و هەر فەرەنساس، سەرپەرشتیی پێکهێنانی کردووە.
