ئەندامێكی لیژنەی دارایی لە ئەنجومەنی نوێنەرانی عێراق ڕایگەیاند، سەرجەم کێشەکانی نێوان هەرێم و بەغدا تەنها بە هەموارکردنەوەی یاسای بودجە چارەسەر ناکرێت.
جەمال كۆچەر، ئەندامی لیژنەی دارایی لە ئەنجومەنی نوێنەرانی عێراق ڕایگەیاند، هەمواركردنەوەی یاسای بودجە سەرجەم كێشەكانی نێوان هەولێر و بەغدا چارەسەر ناکرێت، بە تایبەت پرسی هەناردکردنەوەی نەوت پێویستی بە رێككەوتنی نێوان هەردوو حكومەتی عێراق و هەرێم هەیە.
ئاماژەی بەوەشکرد، “پابەندبوونی هەرێم بەو رێككەوتنەی كە لەگەڵ حكومەتی عێراقدا دەیكات، كلیلی چارەسەری بەشێكی زۆری كێشەكانە، چونكە پرسی نەوت دۆسییەیەكی گرنگە و پێویستی بە رێككەوتن و پابەندبوونی هەردوو حكومەت هەیە”.
