ئێمە لە تۆرە کۆمەڵایەتیەکان

کوردستان

خاوەن دوكانەكانی بازاڕی لەنگە داوای بەهاناوەچوون و قەرەبوو لە حكومەت دەكەن


خەڵك-ئارام سەردار

كاسبكارانی بازاڕی لەنگەی هەولێر داوا دەكەن حكومەت دوای پاككردنەوەی بازاڕەكە رێگایان پێبدات خۆیان دوكانەكان نۆژەن بكەنەوە، بەشێكیش لەكاسبكاران داوای قەربوو لەحكومەت دەكەن.
خالید كەریم، یەكێك لەكاسبكارانی بازاڕی لەنگەی هەولێر بە(خەڵك)ی رایگەیاند، بەداخەوە تاكو ئێستا كەس بەدەممانەوە نەهاتووە‌و هیچ بەرپرسێك قسەی لەگەڵ نەكردوین بۆ ئەوەی بزانین چارەنوسمان چی دەبێت لەم زیانە گەورەیەی پێمان گەیشتوە.

ناوبراو رەتیشی كردەوە ئەوان داوایان كردبێ لەمزگەوتەكانەوە هاوكاریان بۆ كۆبكرێتەوە، چونكە كێشەی ئەوان بەچەند ملیۆن دینارێك چارەسەر نابێت، بەڵكو بەدەیان ملیۆن دۆلار زیان بەرتەواوی كاسبكاران كەوتووە، لەگەڵ ئەوەشدا سوپاسی دڵسۆزی مامۆستایانی ئایینی دەكەین بۆ ئەو دڵسۆزیەیان كەهەوڵیانداوە كۆمەكمان بۆ كۆبكەنەوە.

بەشیر خەلیل پێشنوێژو وتارخوێنی مزگەوتی جەلیل خەیات لەهەولێر بە(خەڵك)ی رایگەیاند، كاسبكارانی بازاڕی لەنگە بەهیچ شێوەیەك داوایان نەكردوە لەمامۆستایانی ئاینی بۆ ئەوەی لەوتاری هەینی داواكاری ئەوەیان بۆ بكەین كۆمەكیان بۆ كۆبكەینەوە، بەڵكو وەك هەستكردن بەبەرپرسیارەتی و خەڵكی شارەكە مامۆستایانی ئاینی داوایان كردوە بۆ ئەوەی هاوكاری كاسبكاران بكرێ.
وتیشی”پێویستە سیستەمی كۆمپانیای بیمە دابنرێ بۆ ئەوەی لەكاتی رووداوی لەم شێوەیە هاوڵاتیان بەتەنها زیانیان بەرنەكەوێت.
داواشی لەحكومەت كرد، دەبێ سیستەمی ئاگركوژێنەوەی سەردەمیانە لەبازار و شوێنە گشتیەكان دابنرێ، بۆ ئەوەی لەكاتی رووداوی لەم شێوەیە خێراتر پێشی لێبگیرێ.
لای خۆشییەوە نەوزاد هادی پارێزگاری هەولێر بۆ دەزگاكانی راگەیاندنی ئاشكرا كرد، ئەمڕۆ سەردانی بازاری لەنگەمان كردوە و رێكارەكان بۆ پاككردنەوەی بازاڕەكە گیراونەتەبەر و كاسبكارانیش رێگایان پێدەدەرێت خۆیان دوكانەكان چاك بكەنەوە، خزمەتگوزاریەكانی تریش لەئاو و كارەبا و بەرگری شارستانی وەك حكومەت چاكی دەكەینەوە.
وتیشی”بۆ قەرەبووكردنەوەش، خاوەن دوكان و كرێچی و عارەبانچی هەیە بۆیە بابەتەكە جیاوازە بەپێی لێكۆڵینەوەكان بڕیار لەسەر شێوازی قەرەبووكردنەوەیان دەدرێت كە سەرۆكی حكومەت بڕیاری لەسەر دەدات، بەڵام ئەوەی ئێستا هەیە بەشێوازێكی خێرا سەرجەم خزمەتگوزاریەكانیان بۆ دابین دەكرێ و سبەی یەك شەممە لەگەڵ حكومەت كۆدەبینەوە لەسەر كارەكان”.
ناوبراو رەتیشی كردەوە، بازارێكی تر لەشوێنەكە دروست بكرێ، بەڵكو ئەوە موڵكی كاسبكارانی شارەكەیە و بەشێوازێكی زۆر باشتر كاری تێدا دەكرێ.

کوردستان

چەند تووشبوویەكی كۆرۆنا لە هەولێر چاكبوونەوە


خەڵك- بەشی هەواڵ
بەڕێوەبەرایەتی گشتی تەندروستی هەولێر ئاشكرای دەكات، كە چوار تووشبووی كۆرۆنا چاكبوونەوە و دەشڵێت: “كۆی گشتی چاكبووەوەكان گەیشتۆتە 215 كەس”.

د. دلۆڤان محەمەد، بەڕێوەبەری گشتی تەندروستی هەولێر لە ڕاگەیەنراوێكدا ئاماژەی بەوەكرد، كە (4) نەخۆشی تووشبوو بە ڤایرۆسی كۆڕۆنا COVID – 19 دوای وەرگرتنی چارەسەری پزیشكی بەتەواوی چاكبوونەوە و باری تەندروستیان تەواو جێگیر بۆتەوە و پشكنینی تایبەتی یەك لەدوای یەكیان بۆ كرایەوە و نێگەتیڤ بوو، بۆیە بڕیاردرا بنێردرێنەوە ماڵەوە.

ڕاشیگەیاندووە، كۆی گشتی چابووەوەكان گەیشتە (215) كەس.

د. دلۆڤان دەشڵێت: “سوپاسی پابەندبوونتان دەكەین بۆ ڕێنماییە خۆپارێزییەكان، جێبەجێكردنی ڕێنماییەكان زامنی زاڵبوونمانە بەسەر ئەم پەتا جیهانیە”.

بەڕێوەبەری گشتی تەندروستی هەولێر، سوپاسی ماندووبوونی تەواوی پزیشكان و كارمەندانی تەندروستی و تەواوی هێزەكانی ناوخۆ دەكات، كە پارێزگاری لە تەندروستی هاووڵاتیان دەكەن.

بەردەوام بە لە خوێندنەوە

کوردستان

دوای 6 ڕۆژ تەرمی گەنجەكەی قەڵادزێ‌ دۆزرایەوە


خەڵك- بەشی هەواڵ
دوای 6 ڕۆژ لە دیارنەمانی گەنجێكی قەڵادزێ، بەكوژراوی دۆزرایەوە و هێزەكانی پۆلیسی ناوچەكەش ڕایدەگەیەنن، كە بە فەرمانی دادوەر 2 كەس لەسەر ڕووداوەكە دەستگیر كراون.

بەڕێوەبەرایەتی پۆلیسی ڕاپەڕین لە ڕاگەیەنراوێكدا ئاماژەی بەوەكردووە، ئێوارەی ئەمڕۆ تەرمی گەنجێك بەناوی ( ڕ . م . ئـ ) لەدایكبووی ساڵی 1993 پیشەی كاسب، دانیشتووی قەڵادزێ (گەڕەكی كارەبا) گەیەندرایە نەخۆشخانەی گشتی قەڵادزێ، كە ئاسەواری گولـلـەیەك بەسەر جەستەیەوە هەیە.

ڕاشیگەیاندووە، بەگوێرەی زانیاریە سەرەتایەكانیش كوژراوە، دوای توێكاری بۆ لاشەكەی بەڕێكرا بۆ پەیمانگای پزیشكی دادوەری سلێمانی.

ئاشكراشی كردووە، دۆسیەی لێكۆڵینەوە بۆ ڕووداوەكە بە ماددەی 406 ڕێكخراوە و بە فەرمانی دادوەریش 2 كەس لەسەر ڕووداوەكە دەستگیر كراون و لێكۆڵینەوەش لەگەڵیاندا بەردەوامە.

بەردەوام بە لە خوێندنەوە

کوردستان

(خەڵك) وردەكارییەكان ئاشكرادەكات
كەركوك، ئەو ژنەی پۆلیسەكەی كوشت دەستگیركرا


خەڵك-بەشی هەواڵ
سەرچاوەیەكی ئەمنی بەرپرس لە پارێزگەی كەركوك ڕایدەگەیەنێت، ئەو ژنەی دەستی لە تاوانی كوشتنی پۆلیسێكدا هەبوو لە پارێزگەكە، دەستگیركرا.

ئەمڕۆ چوار شەممە، سەرچاوەیەكی ئەمنی بەرپرس لە كەركوك بە (خەڵك)ی ڕاگەیاند:”لەدوای ئەنجامدانی لێكۆڵینەوەی ورد و بەدواداچوون، هێزە ئەمنییەكان توانیان سەرەداوی تاوانی كوشتنی پۆلیس (بەهجەت ئەنوەر) بدۆزنەوە كە يە چەقۆ سەربڕدراوە و تەرمەكەشی لەنێو ئۆتۆمبێلەكەیدا بەجێهێڵدراوە”.

بە وتەی سەرچاوەكە:”هێزە ئەمنییەكان توانیان ژنێك بە ناوی (م.ح.ف)وە دەستگیربكەن كە بەشداربووە لە كوشتنی پۆلیسەكە، لە كاتی لێكۆڵینەوەشدا دانی بەوەدا ناوە كە لەگەڵ سێ كەسی تردا دەستییان لە تاوانەكەدا هەبووە”.

ئەو سەرچاوەیە دەڵێت”سێ‌ كەسەكە بەرەو شوێنێكی نادیار هەڵاتوون و پۆلیس لەئێستادا بەدوایاندا دەگەڕێت”، ڕەتیشكردەوە تائێستا هۆكاریی تاوانەكە زانرابێت.

لە یەكەم ڕۆژی جەژندا سەرچاوەیەكی ئەمنی ئاماژەی بە دۆزینەوەی تەرمی پۆلیسێك كردبوو لەنێو ئۆتۆمبێلەكەی لە گەڕەكی عەسكەری، ئەمەش دوای ڕۆژێك لە ڕفاندنی لە شاری كەركوك.

بەردەوام بە لە خوێندنەوە

کوردستان