مامۆستایان و فەرمانبەرانی ناڕازی ڕایانگەیاند، لە درێژەی نارەزایەتییەکان و لە چوارچێوەی گۆڕینی میکانیزمی داواکردنی مافەکانیان ڕۆژی یەکشەممە 26/11 دەچنە بەغدا و لە مەیدانی تەحریر خۆپیشاندان دەکەن.
مامۆستایانی ناڕازی لە ڕاگەیەندراوێکدا ئاماژەیان بەوەداوە، سەرجەم مامۆستایان و فەرمانبەرانی مافخوراو، ئاگاداردەکەین، لەسەر پێشنیازی زۆرێک لە دڵسۆزان، کە داوای گۆڕینی میکانیزمی چالاکییەکانیان دەکرد، ڕۆژی یەکشەممەی داهاتوو 26/ 11/ 2023 چالاکییەکانمان دەبەینە بەغدادی پایتەخت، لە مەیدانی (تەحریر)ەوە پەیامەکانمان ئاڕاستەی دەسەڵاتداران و میدیا ناوخۆیی و جیهانییەکان دەکەین.
ڕوونیشیان کردۆتەوە، هەر بەڕێزێک ئارەزوو دەکات، بەشداربێت لەو چالاکییە کەموێنەیەدا، با لە ڕێی نوێنەرەکانمان لە سەرجەم شارو شارۆچکەکاندا، خۆی ناونووس بکات.
دەقی بەیاننامەکەی مامۆستایان و فەرمانبەرانی ناڕازیی:
ئامادەکاری بەرەو بەغدا.
سەرجەم مامۆستایان و فەرمانبەرانی مافخوراو، ئاگاداردەکەین، لەسەر پێشنیازی زۆرێک لە دڵسۆزان، کە داوای گۆڕینی میکانیزمی چالاکییەکانیان دەکرد، ڕۆژی یەکشەممەی داهاتوو 26/ 11/ 2023 چالاکییەکانمان دەبەینە بەغدادی پایتەخت، لە مەیدانی (تەحریر)ەوە پەیامەکانمان ئاڕاستەی دەسەڵاتداران و میدیا ناوخۆیی و جیهانییەکان دەکەین.
بۆ ئەم مەبەستە هەر بەڕێزێک ئارەزوو دەکات، بەشداربێت لەو چالاکییە کەموێنەیەدا، با لە ڕێی نوێنەرەکانمان لە سەرجەم شارو شارۆچکەکاندا، خۆی ناونووس بکات.
تێبینی/
1ـ ناونوسین بۆ هەردوو ڕەگەزه و تا ڕۆژی پێنجشەممە بەردەوام دەبێت.
2ـ تێچووی هاتن و چوون لەسەر خۆتان دەبێت، کە بڕەکەی لەنێوان (20 – 25) هەزار دینارە.
مامۆستایان و فەرمانبەرانی ناڕازیی
:::::::::::::::
لە سلێمانی
#بۆ_ناونووسین_پەیوەندی_بکەن_بەم_ژمارانە:
07725234004
07512178307
07701444198
07725418911
07501428594
