پاش تەواوبوونی سەرجەم یارییەکانی گەڕی دووەمی قۆناغی کۆمەڵەکانی خولی چامپیۆنزلیگ (یانە پاڵەوانەکانی ئەوروپا)، ناوی یاریزانە پاڵێوراوەکان بۆ باشترین یاریزانی هەفتە دیاریکرا.
هەریەکە لە بێڵێنگهام لە یانەی ڕیاڵ مەدرید و مۆراتا لە یانەی ئەتلەتیکۆ مەدرید و برۆما لە یانەی براگا و هۆیلاند لە یانەی مانچستەر یونایتد پاڵێوراوی بردنەوەی خەڵاتی باشترین یاریزانی هەفتەن لە خولی چامپیۆنزلیگدا.
جگە لە هۆیلاند کە یانەکەی بە ٣ گۆڵ بەرامبەر بە دوو گۆڵ بەیانەی گەلاتەسەرای تورکی دۆڕا و یانەکەی توشی شکست هات، یاریزانەکانی دیکە ڕۆڵێکی گرنگیان هەبوو لە سەرکەوتنی یانەکانیان لەم هەفتەیەدا.
بڕیاڕە رۆژی هەینی ناوی براوەکە ئاشکرا بکرێت و چاوەڕوان دەکرێت جود بێڵینگهامی یاریزانی یانەی ڕیاڵ مەدریدی ئیسپانی زۆرترین دەنگ بەدەست بهێنێت و خەڵاتەکە وەربگرێت.
لەڕێگەی ئەم لینکەوە تۆش دەتوانیت دەنگ بە باشترین یاریزانی هەفتە بدەیت لە خولی چامپیۆنس لیگدا:
https://www.uefa.com/uefachampionsleague/player-of-the-week/
