بەیانی ئەمڕۆ لە ڕووداوێکی هاتووچۆدا کە لەنێوان ئۆتۆمبێلێکی بارهەڵگرو تایبەتدا ڕوویدا پێنج کەس گیانیان لەدەستدا.
بەپێی ئەو زانیاریانەی بڵاوکراونەتەوە، ڕووداوەکە لەجۆری پێکدادان لەنێوان ئۆتۆمبێلێکی تایبەت و بارهەڵگرێکدا لە وڵاتی ئێران لە ڕێگای نێوان دێهلوران و میهرانی سەر بە پارێزگای ئیلام ڕوویداوە.
ئاماژە بەوەکراوە، سەرجەمی ئەوانەی گیانیان لەدەستداوە سەرنشینی ئۆتۆمبێلە تایبەتەکەبوون، قەربانییەکان خەڵکی پارێزگای ئەسفەهان بوون و بەمەبەستی بەشداریکدرن لەچلەی ئیمام حسێن ویستوویانە سەردانی شاری کەربەلا لە عێراق بکەن.
