بانكی ناوەندی عێراق ڕایگەیاند، زیاتر لە ١٩٥ ملیۆن دۆلاری خستوەتە بازاڕەكانی عێراقەوە، بەهای دۆلاریش بۆ ١٥٤ هەزار دیناری عێراقی بەرزبوەوە.
ئەمڕۆ بانكی ناوەندی لە ڕاگەیەنراوێكدا ڕایگەیاند، بڕی ١٩٥ ملیۆن و ٤٤٠ هەزار و ٨٠ دۆلاری خستوەتە بازاڕەوە، لەو بڕەش ١٧٠ ملیۆن و ٤١٠ هەزار و ٤٨٠ دۆلار بەشێوەی حەواڵە بووە، ٢٥ ملیۆن و ٣٠ هەزار دۆلاریش بەشێوەی نەقد بووە.
هاوکات بانکی ناوەندی عێراق دوێنێ بڕێکی زیاتر لە ١٩٨ ملیۆن دۆلاری بە شێوەی نەقد و حەواڵە خستە بازاڕەکانەوە.
دوێنێ بەهای ١٠٠ دۆلاری ئەمریکی بە ١٥٣ هەزار و ٤٥٠ دیناری عێراقی مامەڵەی پێوەكرا، ئەمڕۆ بۆ ١٥٤ هەزار دیناری عێراقی بەرزبوەوە.
