نێچیرڤان بارزانی و ماكفارلان نیگەرانن لە گرفتەکانی بەردەم یەکخستنەوەی هیزەکانی پێشمەرگە

نێچیرڤان بارزانی و ماتیۆ ماكفارلان نیگەرانن لە گرفتەکانی بەردەم یەکخستنەوەی پێشمەرگە و دەشڵێن: داعش ھێشتا مەترسییە لەسەر عێراق و ھەرێمی کوردستان.

لە کۆبوونەوەی نێچیرڤان بارزانی، سەرۆکی ھەرێمی کوردستان، جەنەرال ماتیۆ ماکفارلان فەرماندەی پێشوو ھێزەکانی ھاوپەیمانان، دوایین پێشھات و ھەنگاوەکانی پرۆسەی چاکسازی لە وەزارەتی پێشمەرگە و یەکخستنەوەی پێشمەرگە و کێشەکانی تاوتوێ کرا. له‌مباره‌یه‌وه هه‌ردوولا نیگه‌رانیی خۆیان به‌رامبه‌ر گرفت و له‌مپه‌ره‌کانی به‌رده‌م پرۆسه‌که‌‌ ده‌ربڕی.

ماڵپەڕی سەرۆکایەتی ھەرێمی کوردستان بڵاویکردەوە، لە کۆبوونەوەکەدا بارزانی ھیوای سەرکەوتنی لە ئەرکی تازەدا بۆ جەنەرال ماکفارلان خواست و بەخێرھاتنی جەنەرال ڤاول فەرماندەی نوێی ھێزەکانی ھاوپەیمانان لە عێراق و سووریا کرد، ھەروەھا ئامادەییی ھەرێمی کوردستانی بۆ بەردەوامیی ھاریکاریی ھاوبەش و سەرخستنی ئەرکی ھاوپەیمانیی نێودەوڵەتی بۆ لەناوبردنی یەکجارەکیی داعش دەربڕی.

بە گوێرەی راگەیەندراوەکە لە کۆبوونەوەکەدا دوایین پێشھات و ھەنگاوەکانی پرۆسەی چاکسازی لە وەزارەتی پێشمەرگە و یەکخستنەوەی پێشمەرگە و کێشەکانی تاوتوێ کرا. لەمبارەیەوە ھەردوولا نیگەرانیی خۆیان بەرامبەر گرفت و لەمپەرەکانی بەردەم پرۆسەکە دەربڕی.

لە تەوەرێکی دیکەی کۆبوونەوەکەدا دەربارەی دوایین پێشھاتەکانی شەڕی دژی تیرۆر‌ و مەترسییەکانی داعش لە عێراق و سووریا و ئەرکی ھاوپەیمانیی نێودەوڵەتی، بیروڕا ئاڵوگۆڕ کران. ھەردوولا ھاوڕا بوون کە داعش ھێشتا مەترسییە و عێراق و ھەرێمی کوردستان ھێشتا پێویستییان بە بەردەوامیی پشتگیریی ھاوپەیمانیی نێودەوڵەتی ھەیە.