سەرۆكی دیوانی ئەنجوومەنی وەزیرانی هەرێم ڕایگەیاند دەبێت لەسێ ڕۆژی داهاتوودا بەغدا مووچەی مانگی ٦ بنێرێت.
ئومێد سەباح لەلێدوانێکیدا بۆ میدیاکان ڕایگەیاند، هەوڵەکانمان بۆ ناردنی مووچەی مانگی شەش بەردەوامە و سبەی دەچینە بەغدا ، پێویستە حکومەتی ناوەند لەماوەی سێ ڕۆدا پارەی مووچەی مانگی شەش بنێرێت بۆئەوەی حکومەتی هەرێم دەست بەدابەشکردنی مووچە بکات.
ئەمێد سەباح ئەوەشی ڕوونکردەوە ، ئێمە دەسەڵاتی بڕیاردان و جێبەجێکردنمان هەیە، بەفایلێکی گەورەوە دەچینە بەغدا ، پێویستە بەبەردەوام تیمەکان لێرە و لە بەغدا کاربکەن ، تەجروبەمان زۆرە و ناکرێ دەقی بڕگەکان بۆ ڕۆتینی وەزارەتەکان جێبهێڵرێت، دەبێ تیمەکان دەسەڵاتیان هەبێت .
ئومێد سەباح ئەوەشی ئاشکراکرد ، لەمەودوا تانها داوای مووچە ناکەین لەبەغدا، بەڵکو کۆی شایستەی داراییەکانی هەرێم داوادەکەین ،ئێمە پابەندی ڕێککەوتنەکانین و سەرجەم بڕگەکانی جێبەجێ دەکەین ،تەنها ئەوانە نەبن کە نادەستورین و تانەشمان لێداوە.
