جێبەجێکردنی یاسای بودجە دەستیپێکرد
یاسای بودجە لە ڕۆژنامەی وەقایعی عێراق بڵاوکرایەوە و لەمڕۆوە دەست بە جێبەجێکردنی دەکرێت.
ئەمڕۆ دووشەممە، یاسای بودجەی عێراق لە ڕۆژنامەی فەرمی عێراق (وەقائعی عێراق)دا بڵاوکرایەوە و بەوەش جێبەجێکردنی یاساکە دەستپێدەکات.
وەك لە یاساکەدا ڕوونکراوەتەوە، بودجەی ئەمساڵ ١٣٤ ترلیۆن و ٥٥٢ ملیار و ٩١٩ ملیۆن دینارە.
بودجەکە لەسەر بنەمای هەناردەکردنی سێ ملیۆن و ٥٠٠ هەزار بەرمیل نەوتی ڕۆژانە داڕێژراوە بە ٤٠٠ هەزار بەرمیلەکەی هەرێمی کوردستانەوە و نرخی بەرمیلێك نەوتیش بە ٧٠ دۆلار دانراوە.
هاوکات لە بودجەکەدا نرخی ١٠٠ دۆلار بە ١٣٠ هەزار دینار دەستنیشانکراوە.
یاسای بودجە جیاواز لەوانەی پێشوو، یاسای بودجە بۆ ساڵەکانی ٢٠٢٣ و ٢٠٢٤و ٢٠٢٥ دەبێت.
دوێنێش وەزارەتی دادی عێراق ڕایگەیاند، یاسای بودجە لە ١/١/٢٠٢٣-وە هەژماردەکرێت.
