ئەمڕۆ لە عەلوەی سلێمانی دەستبەرسەر تۆنێک و ٢٥٠ کیلۆگرام میوەی خراپبوودا گیرا، کە بڕیاربووە بفرۆشرێت.
لیژنە هاوبەشەکانی قائیمقامیەتی سلێمانی بڵاویانکردەوە، ئەمڕۆ لە هەڵمەتێکدا بۆ عەلوەی سلێمانی دەستیان گرتووە بەسەر تۆنێک و ٢٥٠ کیلۆگرام میوەی خراپبوو.
میوەکان پێکاتوون لە ئەنەناس، سێو، لیمۆ وهەنگی دنیا، کە کەڕوویان کردووە، شیاوی خواردن نەبوون، بەڵام دانرابوون تا بفرۆشرێت.
هاوکات دوێنێش دەست بەسەر ٨٥٠ کیلۆگرام گێلاس و هەرمێی خراپبوودا گیرا، سەرجەم ئەو بڕەی دەستی بەسەرداگیرابوو لەناوبرا.
