ئێمە لە تۆرە کۆمەڵایەتیەکان

کوردستان

گۆران: تەسلیمبوون و پاشكۆیەتی رەتدەكەینەوە

خەڵك – بەشی هەواڵ
جڤاتی نیشتمانی بزوتنەوەی گۆڕان رایدەگەیەنێت، دامەزراوەی سەركردایەتی بوارەكانی كاری سیاسی‌ و رێكخراوەیی‌ و كارگێڕیی‌ و دارایی‌ و میدیایی بزوتنەوەی گۆڕان رێكدەخرێنەوە، دەشڵێت:”بۆ دەرئەنجامەكانی هەڵبژاردنی ئەنجومەنی نوێنەرانی عێراق گۆڕان هەموو رێگا دیپلۆماسی‌و سیاسی ‌و یاساییەكانی گرتوەتە بەرو لە كاتی ئاشكراكردنی ئەنجامی كۆتایی هەڵوێستی خۆمان بۆ رای گشتی دەخەینەڕوو”.

جڤاتی نیشتمانی بزوتنەوەی گۆڕان لە دوای كۆبونەوەی ئێواەی ئەمڕۆی ڕاگەیەنراوێكی بڵاوكردوە، كە وێنەیەكی دەست (خەڵك) كەوتووە ڕایگەیاندووە، بزوتنەوەی گۆڕان بەوپەڕی ئیرادەوە لەبەردەم پیلان ‌و گوشاری هێزە خۆسەپێن‌ و تەزویرچییەكان دەوەستێتەوە، لە نێوان تەسلیم بوون ‌و قبوڵكردنی ستەم ‌و پاشكۆیەتی یان بەردەوامی لە خەبات‌ و تێكۆشان، گۆڕان هەمیشە رێگای دووەم هەڵدەبژێرێت.

دەشڵێت:”كۆنفرانسی پارێزگاكان بە ئامادەبوونی هەڵسوڕاوانی هەموو ناوچەكان لە هەولێر‌و سلێمانی‌و هەڵەبجە‌و دهۆك‌و كەركوك رێكدەخرێت”.

ڕاشیگەیاندووە، بەڵێن دەدەین وەك رۆژی یەكەم لە ئێستا و ئایندەدا لەسەر بنەمای بەرژەوەندی خەڵك و پرنسیپەكانی گۆڕان بەردەوام دەبین.

دەقی راگەیەندراوەكە:
هاونیشتیمانیانی بەرێز
دەنگدەران و هەڵسوڕاوانی بەڕێزی گۆڕان
ئەمڕۆ پێنجشەممە، ١٢ی ٧ی 2018 جڤاتی نیشتیمانی بزوتنەوەی گۆڕان كۆبونەوەی خۆی تایبەت بە دەرئەنجامەكانی هەڵبژاردنی ئەنجومەنی نوێنەرانی عێراق لە 12ی ئایاری 2018، ئامادەكارییەكان بۆ هەڵبژاردنی پەرلەمانی كوردستان و كاروباری رێكخراوەیی بزوتنەوە‌ی گۆڕان ئەنجامدا.

پەیوەست بە دەرئەنجامەكانی هەڵبژاردنی ئەنجومەنی نوێنەرانی عێراق، بزوتنەوەی گۆڕان لە ئێوارەی رۆژی دەنگدانەوە هاوڵاتیانی لە ئەنجامدانی تەزویر و دزینی رێكخراو و فراوانی دەنگی خەڵك ئاگادار كردەوە. بۆ گێڕانەوەی دەنگی هاوڵاتیان لەگەڵ حیزبە هاوپەیمانەكانمان لە كۆمیسیۆن و ئەنجومەنی نوێنەرانی عێراق و ئەنجومەنی وەزیرانی عێراق و دادگای فیدراڵی عێراق، بە رێگای دیپلۆماسی و سیاسی و یاسایی هەموو بژاردەكان گیرانە بەر و بەردەوامین. لەكاتی ئاشكراكردنی ئەنجامی كۆتایی هەڵوێستی خۆمان بۆ رای گشتی دەخەینەڕو.

بە راشكاوی دەڵێین: بۆچۆنیەتی هەڵسوكەوت لەگەڵ هێزەكانی ناوخۆكە دەیانەوێت ئیرادەی گەلەكەمان بشكێنن، دوو رێگامان لە بەردەمدایە: یان تەسلیمبون و قبوڵكردنی ستەم و پاشكۆیەتی یان بەردەوامی لە خەبات و تێكۆشان، بزوتنەوەی گۆڕان بە پشتیوانی گەلەكەمان هەمیشە رێگای دوەم هەڵدەبژێرێت. لەبەردەم پیلان و گوشاری هێزە خۆسەپێن و تەزویرچیەكان بەو پەڕی ئیرادەوە دەوەستێتەوە.

لەكۆبونەوەكەدابڕیار درا:
یەكەم:جڤاتی نیشتیمانی دامەزراوەی سەركردایەتی بوارەكانی كاری سیاسی، رێكخراوەیی، كارگێریی، دارایی و میدیایی بزوتنەوەی گۆڕانەو لە سەر ئەو بنەمایەو، لە رێگەی ئۆرگانە جیاجیاكانی بزوتنەوەی گۆڕانەوە كارو دەسەڵاتەكانی ناوخۆی گۆڕان رێك دەخاتەوە.

دوەم: بۆ وەرگرتنی راوو سەرنج و پێشنیازی هەڵسوڕاوانی گۆڕان لەسەر كۆی پرسەكان، لە زوترین كاتدا بەپێی دەستوری بزوتنەوەی گۆڕان، كۆنفرانسی پارێزگاكان بە ئامادەبونی هەڵسوڕاوانی هەموو ناوچەكان، لە هەولێرو سلێمانی وهەڵەبجەو دهۆك و كەركوك بەڕێوە دەچێت.

سێیەم: بەئامانجی نوێبونەوەو زیاتر رێكخستنەوەو تۆكمەكردنی پرۆسەی بڕیارو بەڕێوە بردن لەگۆڕاندا، راستەوخۆدوای هەڵبژاردنەكانی پەرلەمانیكوردستان و ئەنجومەنی پارێزگاكان، پرۆسەی هەڵبژاردنە ناوخۆییەكانی گۆڕان لە هەموو ئۆرگانەكاندا دەست پێدەكات و تەواوی پۆستەكان بۆ گۆڕانكاری كراوە دەبن. هەر پاش ئەوەش لە نزیكترین كاتدا دووەمین كۆنفرانسی نیشتیمانی گۆڕان ئەنجام دەدرێت.

چوارەم: پێكهێنانی لیژنەی باڵای هەڵبژاردنەكان بۆ ئامادەكاری هەردوو هەڵبژاردنی پەرلەمانی كوردستان و ئەنجومەنی پارێزگاكان.

پێنجەم: بزوتنەوەی گۆڕان لە چوارچێوەی پێشنیازێكی چڕوپڕدا درێژە بە هەنگاوەكانی دەدات، بۆ ئەنجامدانی هاوپەیمانێتیەكی فراوان تا دروستكردنی فراكسیۆنی یەكگرتو لە نێوان ئەو هێزانەدا كە لەبەرەی خەڵكن.

گۆڕانخوازان دڵنیا دەكەینەوە ئیرادەی تەواومان هەیە بۆ چارەسەری گرفتەكان و بەهیچ شێوەیەك و لە ژێر هیچ پاساوێكدا لێناگەڕێین بزوتنەوەی گۆڕان لە پرنسیپ و ئامانجە نەگۆڕەكانی لابدات و مافی ئەوەشمان نیە. هەروەها دەمانەوێت زۆر سوپاسی خەمخۆری یەك بە یەكی هەڵسوڕاوانی گۆڕان بۆ بزوتنەوەكەی خۆیان و رێبازی نەوشیروان مستەفا بكەین و وەك هەمیشە ئێوە كۆڵەكەی سەرەكی هێز و بەردەوامبوونی بزوتنەوەی گۆڕانن.

زۆرسوپاسی ئەو رۆشنیرو نوسەرو كەسانە دەكەین كە لەدڵسۆزیان بۆپرۆسەی دیموكراسی و ئەو پرنسیپانەی كە گۆڕانیان لەسەر بنیاتنراوە، رەخنەی جدی و بنیاتنەرمان لێدەگرن، ئێمە پشتیوانی رابردوی ئێوەمان لە بزوتنەوەی گۆڕان لەبەر چاوەو دڵنیاتان دەكەین رەخنەكانی ئێستاشتان بە هەند وەردەگرین.

هاوكات داوا لەهاوڵاتیانی كوردستان دەكەین، خۆیان بۆ هەڵبژاردنەكانی پەرلەمانی كوردستان و ئەنجومەنی پارێزگاكان ئامادە بكەن و، هەر لە ئێستاوە بڕۆن بۆ دۆزینەوەو نوێكردنەوەی ناوەكانیان. لەوە ئاگاداربن دەسەڵات و ناحەزانی ئەم گەل و نیشتیمانە بە هەموو جۆرێك كار دەكەن بۆ بێهیواكردنی خەڵك لە هەڵبژاردن، باشترین و بەهێزترین وەڵام بۆ بەتاڵكردنەوەی پیلانی بێهیواكردن و دەستەمۆكردنی گەلەكەمان، بەشداریی فراوانە لە هەڵبژاردنەكاندا. بە لە بەرچاوگرتنی ئەزمون و تاكتیكی هێزە تەزویرچیەكان، لەگەڵ هاوپەیمانەكانمان هەموو رێگایەك دەگرینە بەر بۆ رێگری لە ساختەكاری.

بەڵێن دەدەین وەك رۆژی یەكەم لە ئێستا و ئایندەدا لەسەر بنەمای بەرژەوەندی خەڵك و پرنسیپەكانی گۆڕان بەردەوام دەبین.

جڤاتی نیشتیمانی بزوتنەوەی گۆڕان
١٢ی ٧ی ٢٠١٨

کوردستان

فراكسیۆنی كۆمەڵ بۆردێكی یاسایی دروستدەكات

خەڵك – بەشی هەواڵ
فراكسیۆنی كۆمەڵ لە پەرلەمانی كوردستان ڕایدەگەیەنێت، چەند پرۆژە یاسایەكی گرنگ بۆ بەرژەوەندی خەڵكی كوردستان بە گشتی و موچەخۆران بەتایبەتی ئامادە دەكات و ئاراستەی دەستەی سەرۆكایەتی بكات تا بخرێتە بەرنامەی كارەوە، بڕیاری دروستكردنی بۆردێكی یاسایی دەدەن.

عەبدولستار مەجید، سەرۆكی فراكسیۆنی فراكسیۆنی كۆمەڵی ئیسلامی لە پەرلەمانی كوردستان لە هەژماری تایبەتی خۆی لە فەیسبوك ڕایگەیاندووە، فراكسیۆنی كۆمەڵ بڕیاری دروستكردنی بۆردێكی یاسایی دا بە مەبەستی ڕاوێژ و داڕشتنەوەی ئەو پرۆژە یاسایانەی فراكسیۆن پێشكەشی سەرۆكایەتی پەرلەمانی دەكات .

ئاماژەی بۆ ئەوەشكردووە، لە كۆبونەوەیەكدا لەگەڵ فراكسیۆنەكەی چەند پرسێكی تایبەت بە كاری فراكسیۆنیان تاوتوێكردووە.

ئاشكراشیكردووە، دوای هەڵبژاردنی دەستەی سەرۆكایەتیی پەرلەمان، فراكسیۆنی كۆمەڵ چەند پرۆژە یاسایەكی گرنگ بۆ بەرژەوەندی خەڵكی كوردستان بە گشتی و موچەخۆران بەتایبەتی ئامادە بكات و ئاراستەی دەستەی سەرۆكایەتی بكات تا بخرێتە بەرنامەی كارەوە .

بەردەوام بە لە خوێندنەوە

ژینگە

كەشناسی هەرێم ڕاگەیەنراوێكی بڵاوكردەوە

خەڵك – بەشی هەواڵ
كەشناسی هەرێم ڕێژەی بارانبارینی لە كاتژمێر 9ی بەیانی تا9ی شەو بڵاوكردەوە، كە زۆربەی ڕێژەی باران لە ناوچەی گەرمیان و پارێزگای سلێمانی بووە، دەشڵێت: ” لە سلێمانی 27.5 ملم و قەزایی دەربەندیخان زباریووە “.

بەرێوەبەرایەتی گشتی كەشناسی و بوومەلەرزەزانی هەرێمی كوردستان لە ڕاگەیەنراوێكدا، كە وێنەیەكی دەست (خەڵك) كەوتووە ڕایگەیاندووە، ڕێژەی بارانبارین لە كاتژمێر 9ی سەرلەبەیانیەوە تا 9ی شەو لە سلێمانی 27,5 ملم باریوە، قەزایی دەربەندیخان 48.4 ملم و كەلار 32.2 ملم باریووە.

دەشڵێت: “بارانبارین لە ناوچەكانی دیكە بە ڕێژەی جیاواز باریووە، بە جۆرێك لە پارێزگای هەولێر 13.5 ملم و دهۆك 5.7 و كەركوك 17ملم و هەڵەبجە 29.4 ملم بووە” .

بەپێی ئەو ڕێژەیەی كەشناسی بڵاویكردۆتەوە، بڕی باران لە ناوچە جیاجیاكان بەم شێوەیە بووە:

هەولێر 13.5 ملم
سلێمانی 27.5 ملم
كەركوك 17 ملم
دهۆك 5.7 ملم
هەلەبجە 29.4 ملم
پیرمام 17.6 ملم
خەبات 6.6 ملم
چۆمان 8.8 ملم
حاجی ئۆمەران 0.8 ملم
بارزان 8 ملم
سیدەكان 7 ملم
دوكان 21 ملم
هەڵشۆ 23.6 ملم
ماوەت 17.4 ملم
پێنجوین 29.6 ملم
چەمچەماڵ 26 ملم
دەربەندیخان 48.4
كەلار 32.2 ملم
خانەقین 24.8 ملم
مەیدان 37.6 ملم
خورماتوو 17 ملم
زاخۆ 2 ملم
ئاكرێ 9.6 ملم
ئامێدی 6.2 ملم
بامەڕنی 8.2 ملم
كانی ماسی 10.4 ملم
مانگێش 6.6 ملم
شاریا 3.4 ملم

بەردەوام بە لە خوێندنەوە

کوردستان

لە گەرمیان ماڵی ژنێك دەبێتە لانەی بەساڵاچوان

خەڵك – بەشی هەواڵ
بەمەبەستی دابینكردنی ماڵێكی گەرم و ئاوەدان بۆ بەساڵاچوانی بێ لانە ماڵی خانمێك دەبێتە لانەی ئەو توێژە و بەرێوەبەرایەتی گشتی چاودێڕی و گەشەپێدانی كۆمەڵایەتی گەرمیان-یش دەڵێت،”هەر بەساڵاچویەك جێگەی نییە بۆ مانەوە یاخود كەسوكاری نییە دەتوانێت لە ماڵی حاجی ئاهو بمێنێتەوە”.

بەرێوەبەرایەتی گشتی چاودێڕی و گەشەپێدانی كۆمەڵایەتی گەرمیان لە ئاگادارییەكدا، كە وێنەیەكی دەست (خەڵك) كەوتووە ڕایگەیاندووە، بەمەبەستی دابینكردنی ماڵێكی گەرم و ئاوەدان بۆ بەساڵاچوانی بێ لانە ماڵی حاجی ئاهو بۆ بەساڵاچووان لەلایەن هادی عەبدولڕەحمان-ەوە بونیادنراوە.

دەشڵێت ،”لە ئێستادا دەرگای ئەو ماڵە واڵایە بۆ لە خۆگرتنی هەر بەساڵاچویەك، كە جێگەی نییە بۆ مانەوە یاخود كەسوكاری نییە لەگەڵیان بمێنێتەوە”.

ڕاشیگەیاندووە، ئەم ماڵە لەژێر چاودێری بەرێوەبەرایەتیماندایە، ئیش و كارەكانی ڕۆژانەی بەڕێوە دەبرێت، ناونیشانی ماڵی حاجی ئاهو-ش دەكەوێتە نزیك دادگای بەرای كەلار، پشت گەراجی كەلار سلێمانی.

بەردەوام بە لە خوێندنەوە
کام لەم وەزارەتانەی کابینەی ٨ لە ئاست خزمەتکردن بە هاولاتیان جێدەستی دیار بووە؟

کوردستان

دوایین