جێگری سەرۆك وەزیرانی هەرێم ڕایدەگەیەنێت، لەمانگی ڕەمەزانی پیرۆزدا پێویستە ئیلهام لە ماناكانی ئارامی و دان بەخۆداگرتن و برایەتی و پابەندی وەرگرین بۆ سەرجەم كایەكانی تری ژیان.
قوباد تاڵەبانی، جێگری سەرۆك وەزیرانی هەرێم لە پەیامێكدا بە بۆنەی هاتنەوەی مانگی پیرۆزی ڕەمەزان ڕایگەیاندووە، هاتنی مانگی ڕەمەزان لە گشت موسوڵمانانی دونیا بەگشتی و كوردستان بە تایبەت پیرۆز دەكەم.
ڕاشیگەیاندووە، كە لەم مانگە پیرۆزەدا پێویستە ئیلهام لە ماناكانی ئارامی و دان بەخۆداگرتن و برایەتی و پابەندی وەرگرین بۆ سەرجەم كایەكانی تری ژیان.
ئاماژەی بۆ ئەوەشكردووە، كە دەسپێكی ئەم مانگە بە دەرفەت دەزانم بۆ جەختكردنەوە لە ئەركی حكومەت بە چاودێری كردنی نرخی كاڵاو بازاڕەكان و تەندروستی خۆراك، لە پێناو بەرژەوەندی هاووڵاتیان، بەهیواین ئەم ڕەمەزانە لە كەشێكی پڕ لە خێر و خۆشی و ئاشتەوایی و تەبایی دا بگەڕێتەوە بۆ كوردستان.
