ئێمە لە تۆرە کۆمەڵایەتیەکان

کوردستان

گۆران: تەسلیمبوون و پاشكۆیەتی رەتدەكەینەوە

خەڵك – بەشی هەواڵ
جڤاتی نیشتمانی بزوتنەوەی گۆڕان رایدەگەیەنێت، دامەزراوەی سەركردایەتی بوارەكانی كاری سیاسی‌ و رێكخراوەیی‌ و كارگێڕیی‌ و دارایی‌ و میدیایی بزوتنەوەی گۆڕان رێكدەخرێنەوە، دەشڵێت:”بۆ دەرئەنجامەكانی هەڵبژاردنی ئەنجومەنی نوێنەرانی عێراق گۆڕان هەموو رێگا دیپلۆماسی‌و سیاسی ‌و یاساییەكانی گرتوەتە بەرو لە كاتی ئاشكراكردنی ئەنجامی كۆتایی هەڵوێستی خۆمان بۆ رای گشتی دەخەینەڕوو”.

جڤاتی نیشتمانی بزوتنەوەی گۆڕان لە دوای كۆبونەوەی ئێواەی ئەمڕۆی ڕاگەیەنراوێكی بڵاوكردوە، كە وێنەیەكی دەست (خەڵك) كەوتووە ڕایگەیاندووە، بزوتنەوەی گۆڕان بەوپەڕی ئیرادەوە لەبەردەم پیلان ‌و گوشاری هێزە خۆسەپێن‌ و تەزویرچییەكان دەوەستێتەوە، لە نێوان تەسلیم بوون ‌و قبوڵكردنی ستەم ‌و پاشكۆیەتی یان بەردەوامی لە خەبات‌ و تێكۆشان، گۆڕان هەمیشە رێگای دووەم هەڵدەبژێرێت.

دەشڵێت:”كۆنفرانسی پارێزگاكان بە ئامادەبوونی هەڵسوڕاوانی هەموو ناوچەكان لە هەولێر‌و سلێمانی‌و هەڵەبجە‌و دهۆك‌و كەركوك رێكدەخرێت”.

ڕاشیگەیاندووە، بەڵێن دەدەین وەك رۆژی یەكەم لە ئێستا و ئایندەدا لەسەر بنەمای بەرژەوەندی خەڵك و پرنسیپەكانی گۆڕان بەردەوام دەبین.

دەقی راگەیەندراوەكە:
هاونیشتیمانیانی بەرێز
دەنگدەران و هەڵسوڕاوانی بەڕێزی گۆڕان
ئەمڕۆ پێنجشەممە، ١٢ی ٧ی 2018 جڤاتی نیشتیمانی بزوتنەوەی گۆڕان كۆبونەوەی خۆی تایبەت بە دەرئەنجامەكانی هەڵبژاردنی ئەنجومەنی نوێنەرانی عێراق لە 12ی ئایاری 2018، ئامادەكارییەكان بۆ هەڵبژاردنی پەرلەمانی كوردستان و كاروباری رێكخراوەیی بزوتنەوە‌ی گۆڕان ئەنجامدا.

پەیوەست بە دەرئەنجامەكانی هەڵبژاردنی ئەنجومەنی نوێنەرانی عێراق، بزوتنەوەی گۆڕان لە ئێوارەی رۆژی دەنگدانەوە هاوڵاتیانی لە ئەنجامدانی تەزویر و دزینی رێكخراو و فراوانی دەنگی خەڵك ئاگادار كردەوە. بۆ گێڕانەوەی دەنگی هاوڵاتیان لەگەڵ حیزبە هاوپەیمانەكانمان لە كۆمیسیۆن و ئەنجومەنی نوێنەرانی عێراق و ئەنجومەنی وەزیرانی عێراق و دادگای فیدراڵی عێراق، بە رێگای دیپلۆماسی و سیاسی و یاسایی هەموو بژاردەكان گیرانە بەر و بەردەوامین. لەكاتی ئاشكراكردنی ئەنجامی كۆتایی هەڵوێستی خۆمان بۆ رای گشتی دەخەینەڕو.

بە راشكاوی دەڵێین: بۆچۆنیەتی هەڵسوكەوت لەگەڵ هێزەكانی ناوخۆكە دەیانەوێت ئیرادەی گەلەكەمان بشكێنن، دوو رێگامان لە بەردەمدایە: یان تەسلیمبون و قبوڵكردنی ستەم و پاشكۆیەتی یان بەردەوامی لە خەبات و تێكۆشان، بزوتنەوەی گۆڕان بە پشتیوانی گەلەكەمان هەمیشە رێگای دوەم هەڵدەبژێرێت. لەبەردەم پیلان و گوشاری هێزە خۆسەپێن و تەزویرچیەكان بەو پەڕی ئیرادەوە دەوەستێتەوە.

لەكۆبونەوەكەدابڕیار درا:
یەكەم:جڤاتی نیشتیمانی دامەزراوەی سەركردایەتی بوارەكانی كاری سیاسی، رێكخراوەیی، كارگێریی، دارایی و میدیایی بزوتنەوەی گۆڕانەو لە سەر ئەو بنەمایەو، لە رێگەی ئۆرگانە جیاجیاكانی بزوتنەوەی گۆڕانەوە كارو دەسەڵاتەكانی ناوخۆی گۆڕان رێك دەخاتەوە.

دوەم: بۆ وەرگرتنی راوو سەرنج و پێشنیازی هەڵسوڕاوانی گۆڕان لەسەر كۆی پرسەكان، لە زوترین كاتدا بەپێی دەستوری بزوتنەوەی گۆڕان، كۆنفرانسی پارێزگاكان بە ئامادەبونی هەڵسوڕاوانی هەموو ناوچەكان، لە هەولێرو سلێمانی وهەڵەبجەو دهۆك و كەركوك بەڕێوە دەچێت.

سێیەم: بەئامانجی نوێبونەوەو زیاتر رێكخستنەوەو تۆكمەكردنی پرۆسەی بڕیارو بەڕێوە بردن لەگۆڕاندا، راستەوخۆدوای هەڵبژاردنەكانی پەرلەمانیكوردستان و ئەنجومەنی پارێزگاكان، پرۆسەی هەڵبژاردنە ناوخۆییەكانی گۆڕان لە هەموو ئۆرگانەكاندا دەست پێدەكات و تەواوی پۆستەكان بۆ گۆڕانكاری كراوە دەبن. هەر پاش ئەوەش لە نزیكترین كاتدا دووەمین كۆنفرانسی نیشتیمانی گۆڕان ئەنجام دەدرێت.

چوارەم: پێكهێنانی لیژنەی باڵای هەڵبژاردنەكان بۆ ئامادەكاری هەردوو هەڵبژاردنی پەرلەمانی كوردستان و ئەنجومەنی پارێزگاكان.

پێنجەم: بزوتنەوەی گۆڕان لە چوارچێوەی پێشنیازێكی چڕوپڕدا درێژە بە هەنگاوەكانی دەدات، بۆ ئەنجامدانی هاوپەیمانێتیەكی فراوان تا دروستكردنی فراكسیۆنی یەكگرتو لە نێوان ئەو هێزانەدا كە لەبەرەی خەڵكن.

گۆڕانخوازان دڵنیا دەكەینەوە ئیرادەی تەواومان هەیە بۆ چارەسەری گرفتەكان و بەهیچ شێوەیەك و لە ژێر هیچ پاساوێكدا لێناگەڕێین بزوتنەوەی گۆڕان لە پرنسیپ و ئامانجە نەگۆڕەكانی لابدات و مافی ئەوەشمان نیە. هەروەها دەمانەوێت زۆر سوپاسی خەمخۆری یەك بە یەكی هەڵسوڕاوانی گۆڕان بۆ بزوتنەوەكەی خۆیان و رێبازی نەوشیروان مستەفا بكەین و وەك هەمیشە ئێوە كۆڵەكەی سەرەكی هێز و بەردەوامبوونی بزوتنەوەی گۆڕانن.

زۆرسوپاسی ئەو رۆشنیرو نوسەرو كەسانە دەكەین كە لەدڵسۆزیان بۆپرۆسەی دیموكراسی و ئەو پرنسیپانەی كە گۆڕانیان لەسەر بنیاتنراوە، رەخنەی جدی و بنیاتنەرمان لێدەگرن، ئێمە پشتیوانی رابردوی ئێوەمان لە بزوتنەوەی گۆڕان لەبەر چاوەو دڵنیاتان دەكەین رەخنەكانی ئێستاشتان بە هەند وەردەگرین.

هاوكات داوا لەهاوڵاتیانی كوردستان دەكەین، خۆیان بۆ هەڵبژاردنەكانی پەرلەمانی كوردستان و ئەنجومەنی پارێزگاكان ئامادە بكەن و، هەر لە ئێستاوە بڕۆن بۆ دۆزینەوەو نوێكردنەوەی ناوەكانیان. لەوە ئاگاداربن دەسەڵات و ناحەزانی ئەم گەل و نیشتیمانە بە هەموو جۆرێك كار دەكەن بۆ بێهیواكردنی خەڵك لە هەڵبژاردن، باشترین و بەهێزترین وەڵام بۆ بەتاڵكردنەوەی پیلانی بێهیواكردن و دەستەمۆكردنی گەلەكەمان، بەشداریی فراوانە لە هەڵبژاردنەكاندا. بە لە بەرچاوگرتنی ئەزمون و تاكتیكی هێزە تەزویرچیەكان، لەگەڵ هاوپەیمانەكانمان هەموو رێگایەك دەگرینە بەر بۆ رێگری لە ساختەكاری.

بەڵێن دەدەین وەك رۆژی یەكەم لە ئێستا و ئایندەدا لەسەر بنەمای بەرژەوەندی خەڵك و پرنسیپەكانی گۆڕان بەردەوام دەبین.

جڤاتی نیشتیمانی بزوتنەوەی گۆڕان
١٢ی ٧ی ٢٠١٨

ریکلام

کوردستان

لە پێنجوێن ئەندامێكی كۆمەڵەی مافی مرۆڤی كوردستان كوژرا

خەڵك- بەشی هەواڵ

لەشاری پێنجوێنی باشوری كوردستان ئەندامێكی كۆمەڵەی مافی مرۆڤی كوردستان كوژرا.

كۆمەڵەی مافی مرۆڤی كوردستان لە راگەیەندراوێكدا كە وێنەیەكی بۆ (خەڵك) نێردراوە، ئاشكرای كرد “ئیقباڵ مورادی، چالاكی ناسراوی كورد، باوكی بەندكراوی سیاسی كورد مەحكوم بە سێدارە ” زانیار مرادی ” و ئەندامی ڕێوەبەری كۆمەڵەی مافی مرۆڤی كوردستان KMMK لەشاری پێنجوێن لە باشوری كوردستان بووە ئامانجی كردەوەی تیرۆریستی و لە ئاكامدا گیانی لەدەست دا”.

كۆمەڵەی مافی مرۆڤی كوردستان راشیگەیاندووە “تەرمی بێگیانی ئیقباڵ مورادی لە دەوری كاتژمێر ۲۳:۳۰ سێ شەممە لە نزیك چەمی پێنجوێن ناسراوەتەوە. بە پێی شاهێدان تەرمی كاك ئیقباڵ جێگای حەوت فیشەكی پێوە بینراوە”.

ئیقباڵ مورادیان چالاكی سیاسی پێشوو، چالاكی بواری مافی مرۆڤ و ئەندامی بەڕێوەبەری كۆمەڵەی مافی مرۆڤی كوردستان، باوكی بەندكراوی سیاسی مەحكوم بە سێدارە ” زانیار مورادی” و مامی ” لوقمان مورادی ” بەندكراوی دیكەی مەحكوم بە سێدارە بوو كە لە تەمەنی لاویەتیەوە لە شۆڕشی حزبە سیاسیەیكانی كوردستان بەشدار بوو و ژیانی خۆی لەسەر خزمەت بە داهاتی گەلی كورد بەخت كرد.

بەپێی راگەیەندراوەكە “ئیقباڵ مورادی پێشتر لە ساڵی ۱۳۸۷ لە نزیك شاری پێنجوێن كرایە ئامانجی كردەوی تیرۆریستی و باش بریندار بون و گەیاندنی بۆ نەخۆشخانە لە مردن رزگاری بوو”.

كۆمەڵەی مافی مرۆڤی كوردستان، سەرخۆشی و پەژارەی خۆی لەسەر تیرۆر و گیان لەدەستدانی ئەم چالاكە ناسراوەی كورد بۆ بنەماڵە و كۆمەڵگای كوردستان رادەگەیەنێت.

كۆمەڵەی مافی مرۆڤی كوردستان تیرۆری ئەم ئەندامەی خۆی بە توندی ئیدانە دەكات و داوا لە حكومەتی هەرێمی كوردستان دەكات بە زوترین كات دەست و پەیوەندییەكانی ئەم تاوانە بدۆزێتەوە و لە دادگەیەكی بەرابەردا موحاكمە بكرێن.

بەردەوام بە لە خوێندنەوە

کوردستان

لە باشوری كوردستان گرووپێكی دیكەی چەكدار شەڕی لە دژی توركیا راگەیاند

خەڵك- بەشی هەواڵ
گروپێكی دیكەی چەكداری نزیك لە پەكەكە چووە مەیدانی جەنگ لە دژی سوپای توركیا لە باشوری كوردستان و بە گوتەی خۆیان باشوری كوردستان لە هێرشی توركیا دەپارێزن.

گرووپە چەكدارەكە وەك خۆیان دەڵێن سەر بە “پارتی ماركسیست لینینیست كۆمۆنیست، مەلەكەپە فەسك (MLKP- FESK)”ن و راگەیەندراوێكیان بڵاوكردووەتەوە.

بەپێی راگەیەندراوەكە، دیجلە ئاواز شەڕڤانی مەلەكەپە/كەی كەی ئۆ (MLKP/KKO ) ڕایگەیاندووە “وەك گەریلاكانی مەلەكەپە، لە دژی هێرشە داگیركەرییەكانی سووپای توركیا بۆ سەر باشووری كوردستان دەبنەوە. لەگەڵ هاوڕێكانماندا ئێمەش جێگەی خۆمان لە سەنگەرەكانی شەڕدا دەگرین”.

ئاشكراشیكرد “شوێنپێی شەهیدەكانمان لە زۆربەی ناوچە ئازادەكاندا هەیە. ئۆزگیور ڕێناس خوێنی خۆی تێدا ڕژاندووە. ڕۆزا ڕێناسیش گیانی خۆی تێدا فیدا كردووە. لەبەرئەوە ئێمە ناهێڵین سووپای داگیركەر و فاشیستی توركیا ناوچە ئازادەكان پیس و گڵاو بكات. ئێمە ناهێڵین هێزە داگیركەرەكان و نۆكەرەكانیان دەربازی ناو ئەو ناوچانە ببن كە بە خوێنی هەزاران شەهید ئازاد كراون”.

دیجلە ئاواز یەكێكی لە ئەندامەكانی گرووپە چەكدارەكە دەڵێـت “گەریلا ژنەكانی مەلەكەپە هەر وەك چۆن جێگەی خۆیان لەناو بەرخۆدانی خۆبەڕێوەبەریدا گرت و شۆڕشی ژنیان لە ڕۆژئاوا پاراست، ئاوەهاش بەشێكن لە پاراستنی هەرێمەكانی پاراستنی مەدیا”.

وتیشی “ئێمە ڕۆحی فیدایی ئارین و ساریا لە كۆبانێ و ئاڵای هاوڕێیان بەرچەم و ئەكین-ین كە لە ئەستەمبوڵ لە پاراستنی بارەگادا، یەكینەی گیانبەختكردوانیان ئافراند. ئەمڕۆش لە هەرێمەكانی پاراستنی مەدیا ئاڵای ئەو هەڤاڵانە بەرز دەكەینەوە. ئێمە هەر بستێكی خاكی هەرێمەكانی پاراستنی مەدیا، هەتا دواین دڵۆپی خوێنی خۆمان، هەتا دواین فیشەكی چەكەكانمان، دەپارێزین. ئێمە ناهێڵین شۆڕشی ژن لە ڕۆژئاوا و ناوچە ئازادەكانمان لەلایەن داگیركەرانی فاشیستەوە دەستیان بەسەردا بگیرێت. ئێمە ناهێڵین كە شۆڕشەكەمان شكست بهێنێت”.

لە ماوەی 27ی ساڵی رابردوودا لە ناوچە سنورییەكانی باشوری كوردستان لەگەڵ باكور و رۆژهەڵاتی كوردستان بەردەوام لە نێوان گرووپە چەكدارە جیاوازەكان و دەوڵەتانی ئێران و توركیادا شەڕ و ئاڵۆزی هەبووە.

بەهۆی ئەو شەڕ و ئاڵۆزییانەوە ناوچەیەكی زۆری سنوری باشوری كوردستان چۆڵكراوە و وێران بووە و خەڵكەكەی ئاوارەبوون، جیا لە كوژران و برینداربوونی سەدان هاووڵاتی.

بەردەوام بە لە خوێندنەوە

کوردستان

یەپەگە كوژرانی دوازدە سەرباز و چەكداری توركیای راگەیاند

خەڵك- بەشی هەواڵ
ناوەندی راگەیاندنی یەكینەكانی پاراستنی گەل (یەپەگە) كوژرانی دوازدە سەرباز و چەكداری سەر بە توركیاى لە شەڕ و پێكدادانەكانی ناوچەی عەفرین راگەیاند.

پەیەگە رایگەیاند “هێزەكانمان لە رۆژانی ١١ تاوەكو ١٥ی تەمووز لە عەفرین لە دژی سوپای توركیای داگیركەر و گروپە چەتەكانی، چالاكییان ئەنجامدا. لە چالاكییەكاندا ٩ سەرباز و ٣ چەتە كوژراون”.

راشیگەیاندووە “هێزەكانمان رۆژی ١١ی تەمووز لەسەر رێگای گوندی باسل لە ناوچەی شەرای عەفرین لە دژی ئۆتۆمبێلێكی سەربازیی سوپای توركیا چالاكییەكیان ئەنجامدا. لەو چالاكییەدا ٣ ئەفسەری سوپای توركیا و ٥ سەرباز كوژران”.

ئاماژەی بەوەشكردووە “هێزەكانمان رۆژی ١٣ی تەمووز لە دژی ئۆتۆمبێلێكی سەربازیی توركیا كە چەتەكانی فیرقەی حەمزەی تیادا بوو، چالاكییەكیان ئەنجامدا. ئەو چالاكییە لە نزیك گوندی كیمارێ ئەنجامدرا و لە ئەنجامدا سەربازێك و ٢ چەتە كوژران و سەربازێكی تریش بریندار بوو”.

ئەوەشی خستەڕوو “هێزەكانمان رۆژی ١٤ی تەمووز گورزیان لە ئۆتۆمبێلێكی سەربازی وەشاند، كە چەتەكانی گروپی بەسراویی تیدا بوو. لەو چالاكییەدا ٤ چەتە بە قورسی برینداربوون”.

دەشڵێت “هێزەكانمان رۆژی ١٥ی تەمووز بۆسەیەكیان لەسەر رێگای ئۆتۆمبێلێكی چەتەكانی فەیلەقی شام دانا، كە سەرچەتەیەك بە ناوی محەمەد ئەحمەد – ی تیادا بوو. چالاكییەكە لە نێوان ناوەندی شاری عەفرین و گوندی قتمە ئەنجامدرا. لە چالاكییەكەدا، كە بە قەناس ئەنجامدرا، ئەو سەرچەتەیە كرایە ئامانج و كوژرا”.

بەردەوام بە لە خوێندنەوە
ریکلام

کوردستان

دوایین