ئێمە لە تۆرە کۆمەڵایەتیەکان

عێراق

سەدر سێ ڕاسپاردەی بڵاوکردەوە

خەڵک-

موقتەدا سەدر لە بارەی دۆخی سیاسیی ئێستا و داھاتووی عیراق سێ ڕاسپاردەی بڵاوکردەوە دەڵێت، لەگەڵ ئێران و ئەمریکا مەکەونە ھاوپەیمانییەوە.

موقتەدا سەدر، ڕابەری ڕەوتی سەدر لە تویتەری خۆی سێ ڕاسپاردەی بڵاوکردۆتەوە و دەڵێت، “لەبەر خۆشەویستیی عیراق داوای جێبەجێ کردنی ئەم خاڵانە لە خۆم و ئێوەش دەکەم:

یەکەم: وتووێژی خۆتا لەبارەی ھاوپیەمانی بەستن لەگەڵ ئەمریکا و دەوڵەتانی ناوچەکە کۆتایی پێبھێنن، ئەمە کاری ئێمەی عیراقییە نەک ئەوان.

دووەم: داوا لە ھەموو لایەک دەکەم، نەکەونە سەنگەر گرتن لە یەک و دروستکردنی ھاوپەیمانیی لەسەر بنیادی تائیفی و نەتەوەیی، من ھەموو سەنگەر لەیەک گرتنێکی شیعی و سوننی و کوردی ڕەتدەکەمەوە، ئامادەی پێکھێنانی ھاوپەیمانییەکیشم کە حزبایەتی و مەزھەبگەرایی و نەتەوایەتیی تێپەڕێنێت.

سێیەم: خەڵک بەدەست گەرما و بێ کارەبایی و بێ ئاوییەوە دەناڵێنێت، ئەگەر حکومەت توانای دابینکردنی ئەمانەی نییە، داوای ھاوکاریی لە وڵاتانی دراوسێ بکات قەیرانەکانی کەمئاوی و بێ کارەبایی و دۆخی خراپی تەندروستی و پەروەردەی لەگەڵ چارەسەر بکات، نەک ئەوەی داوای ھاوکاریی لێبکات بۆ پێکھێنانی حکومەت.

لە کۆتاییدا دەڵێت: من لای خۆمەوە پشتیوانیی و ھاوسۆزی خۆم بۆ خەڵک دەردەبڕم و داوای بڕینی تەواوی ئەو کارەبا بەردەوامە دەکەم، کە لە ژێر ڕووناکی و فێنکاییەکەیدا گەندەڵەکان دەحەوێنەوە.

عێراق

مەهدی غەڕاوی دەستبەسەركرا

خەڵك- بەشی هەواڵ
سەرچاوەیەكی ئاگادار، ئاماژە بە دەستبەسەركردنی مەهدی غەڕاوی، فەرماندەی پێشووی ئۆپەراسیۆنەكانی نەینەوا دەكات، باس لەو لێكۆڵینەوانەش دەكات، كە سەبارەت بە پرسی كەوتنی موسڵ لەگەڵ ئەو فەرماندە سەربازییەدا دەكرێت.

ئەمڕۆ دوو شەممە، سەرچاوەیەك بە ماڵپەڕی (سۆمەریە نیوز)ی ڕاگەیاندووە، “مەعدی غەڕاوی، فەرماندە پێشووی ئۆپەراسیۆنەكانی نەینەوا دەستگیركراوە و لەسەر پرسی كەوتنی موسڵ و داگیركردنی شارەكە لەلایەن ڕێكخراوی داعشەوە، لێكۆڵینەوەی لەگەڵ دەكرێت”.

پێشتر بەڵگەنامەیەكی سەرۆكایەتی ئەركانی سوپا لەلایەن میدیاكانی عیراقەوە بڵاوكرابۆوە، كە تێیدا ئاماژە بە دەرچوونی حوكمی گوللـەبارانكردنی ئەو پیاوە دەكات، كە لەكاتی كۆنتڕۆڵكردنی شاری موسڵدا فەرماندەی ئۆپەراسیۆنەكانی نەینەوا بوو.

لە 10ی حوزەیرانی ساڵی 2014، بەشێوەیەكی لەناكاو، چەكدارانی ڕێكخراوی داعش لەگەڵ پاشەكشەكردنی ناچاوەڕوانكراوی سوپا و هێزە ئەمنییەكان، شاری موسڵ-یان كۆنتڕۆڵ كردو دوابەدوای ئەوەش، لەسەر پێشڕەوییەكانیان بەردەوام بوون تا ئەو كاتەی زۆرێك لە ناوچەكانی پارێزگاكانی ئەنبار و سەڵاحەدین و دیالە و باشووری كەركوك-یان خستەژێر دەسەڵاتی خۆیانەوە.

بەردەوام بە لە خوێندنەوە

عێراق

ژمارەی هێزە سەربازیەكان ئاشكرادەكات
بەرپرسێكی بەسرە بۆ (خەڵك): دۆخەكە بەرەو هێوربوونەوە دەچێت

خەڵك- بەشی هەواڵ
ئەندامێكی ئەنجومەنی پارێزگای بەسرە ئاماژە بە هێوربوونەوەی دۆخەكە دەكات لە پارێزگاكە و دەڵێت: “حكومەتی عیراق پارەیەكی زۆری بۆ بەسرە تەرخان كردووە و هیوایان وایە لەمەودوا پارێزگای بەسرە پشتگوێ‌ نەخرێت”.

ئەنوار ئەجودی، ئەندامی ئەنجومەنی پارێزگای بەسرە لە لێدوانێكی تایبەتدا بۆ (خەڵك) ڕایگەیاند، بەراورد بە ڕۆژانی ڕابردوو، دۆخی ئەمنی پارێزگای بەسرە بەرەو هێوربوونەوە دەچێت و هەوڵەكانیش بۆ باشتركردنی واقیعی پارێزگاكە و دانیشتوانی بەردەوامن.

ئەو ئەندامەی ئەنجومەنی پارێزگای بەسرە دەڵێت: “حكومەتی عیراق، بەڵێنیداوە 3 ترلیۆن و 500 ملیار دینار بۆ پارێزگای بەسرە دابین بكات و 10 هەزار هەلی كاریش بۆ دانیشتوانی پارێزگاكە فەراهەم بكات، كە دابەش دەكرێن بەسەر وەزارەتی نەوت و وەزارەتی گواستنەوە و وەزارەتەكانی تر”.

سەبارەت بە هاتنی هێزە سەربازییەكانیش بۆ پارێزگاكەیان، ئەنوار ئەجودی ڕایگەیاند، “6 فەوج لە هێزە ئامادەكان و 3 فەوج لە فیرقەی زەهەبی و چەند هێزێكی تر، كە ئێمە زانیاریمان لەبارەیەوە نییە، بەڵام لەگەڵ ئەوەشدا لەكاتی هاتووچۆمان لەنێو شارەكە، بوونێكی سەربازیی بەهێزمان بەدی نەكردووە”.

بە وتەی ئەندامەكەی ئەنجومەنی پارێزگای بەسرە، لەئێستادا دۆخەكە هێوربۆتەوە و هیوایان وایە، “هەوڵەكانی باشتركردنی واقعی پارێزگای بەسرە و دانیشتوانەكەی بەردەوامبن”، ئاماژەی بەو گفتوگۆیانەش كرد، كە ئەنجومەنی پارێزگای بەسرە لەگەڵ حكومەتی ناوەندی لەو ڕووەوە ئەنجامی دەدات و بۆ ئەو مەبەستەش باسی لە سەردانێكی ئەنجومەنی پارێزگاكە كرد بۆ بەغدا لەچەند ڕۆژی داهاتوو.

چەند ڕۆژێكە دانیشتوانی پارێزگای بەسرە، لەبەرانبەر خراپی ڕەوشی ئاو و كارەبا و خزمەتگوزارییەكانی تردا، خۆپیشاندانی ناڕەزایی بەرینیان سازكردووە، ئەمەش وای لە حكومەتی بەغدا كرد، لەبەر مەترسی دۆخەكە بكەوێتەخۆی و هێزی سەربازیی و ئەمنی زیاتر ڕەوانەی پارێزگاكە بكات.

بەردەوام بە لە خوێندنەوە

عێراق

عەبادی پەیامێكی سەبارەت بە خۆپیشاندانەكان بڵاوكردەوە

خەڵك- بەشی هەواڵ
سەرۆك وەزیرانی عیراق پەیامێك سەبارەت بە خۆپیشاندانەكان بڵاودەكاتەوە و ڕایدەگەیەنێت، كە ئەركی حكومەتە وەڵامی داواكاریەكانیان بداتەوە و داواش لە هێزە ئەمنییەكان دەكات پاڵپشتی پڕۆسەی ئاوەدانكردنەوە بكەن.

حەیدەر عەبادی، سەرۆك وەزیرانی عیراق لەمیانەی سەردانی بۆ بارەگای گشتی دەستەی حەشدی شەعبی ڕایگەیاند، كە ئەركی حكومەتە وەڵامی داواكاری ئەو خۆپیشاندەرانە بداتەوە، كە داواكارییەكانیان بە شێوەی ئاشتیانە دەگەیەنن و جیایان بكاتەوە لەخراپەكاران.

بەپێی بەیاننامەیەك، كە نووسینگەكەی بڵاویكردۆتەوە، عەبادی ڕایگەیاندووە، “ئەو شەڕەی دژی داعش كردومانە، كە شارەكانیان داگیركردین و هەڕەشەیان لە عیراق دەكرد، تەنها لەپێناوی دوورخستنەوەی زیان بووە لە گەلەكەمان و دابینكردنی ژیانێكی ئارام و خزمەتگوزاری بووە بۆ هەموو عیراقیەكان”.

جەختیشی كردەوە، كە مافی هاوڵاتیانە داوای مافەكانیان بكەن بۆ ژیانێكی باش و خزمەتگوزاری و پێویستیشە لەسەر حكومەت بۆیان دابین بكات و وەڵامدەرەوەی داواكارییەكانیان بێت، كە بەشێوەیەكی ئاشتیانە دەریدەبڕن.

عەبادی داواشی لە هێزە ئەمنییەكان كرد بەشداری بكەن لە هەڵمەتی ئاوەدانكردنەوە و بنیاتنانەوە و هەماهەنگی نێوان هێزە ئەمنیەكان و هاوڵاتیان بەردەوام بێت.

بەردەوام بە لە خوێندنەوە
ریکلام

کوردستان

دوایین