وەزارەتی ئەوقاف Archives - تۆڕی میدیایی خەڵک

سەردێر

خەڵک - وەرزش ئەستێرەی تۆپی پێی بەڕازیلی و یانەی پاریس سان جێرمانی فەڕەنسی، نەیمار دا سیلڤا، بەبۆنەی رۆژی لە دایکبوونی سەرۆکی حکوومەتی ھەرێمی کوردستان، مەسرور بارزانی پەیامێکی ڤیدیۆیی بڵاوکردووەتەوە و تیایدا پیرۆزبایی رۆژی لەدایکبوون لە مەسرور بارزانی دەکات. نەیمار دا سیلڤا لە ڤیدیۆکەدا دەڵێت ''سڵاو مەسرور بارزانی، رۆژی لە دایکبوونت پیرۆز بێت و ھیوادارم رۆژێکی خۆشت ھەبێت، خودا بتپارێزێت''. سەرۆکی حکوومەتی ھەرێمی کوردستان مەسرور بارزانی، لە دووی ئاداری ساڵی ١٩٦٩ لە گوندی دیلمان لە ناوچەی باڵەکایەتی لە دایک بووە و ئەمڕۆ لە تەمەنی ٥٢ ساڵییدایە. https://www.youtube.com/watch?v=wfhimy_cL-o&feature=emb_title مەسرور بارزانی لە کۆنگرەی ١٣ی پارتی دیموکراتی کوردستان کە لە ساڵی ٢٠١٠ بەڕێوەچوو، زۆرترین دەنگی بەشداربووانی کۆنگرەی بەدەستھێنا و بە ئەندامی مەکتەبی سیاسیی پارتی دیموکراتی کوردستان ھەڵبژێردرا. مەسرور بارزانی خێزاندارە و خاوەن سێ کوڕ و کچێکە بەناوەکانی، یاسەمین، ئارین، بەرزین و ئاران. نەیمار دا سلێڤا لە ماوەی ٢٠١٣ تا ناوەڕاستی ٢٠١٧ بۆ یانەی بارسێلۆنای ئیسپانی یاریی کرد و توانی ١٠٥ گۆڵ بۆ یانەکە تۆماربکات و ١٠ نازناو بەدەست بھێنێت و لە ساڵی ٢٠١٧وە تا ئێستا لە یانەی پاریس سان جێرمانی فەڕەنسی لەیاریکردن بەردەوامە. سەرچاوە؛ ئانادۆڵو
سلێمانی ـ نزار جەزا ئاسایشی سلێمانی لەماوەی 48 کاتژمێردا توانی سێ باندی بازرگانیکردن بەماددەی هۆشبەر دەستگیربکات. پشتیوانی بەهادین بەڕێوەبەری بەشی ماددە هۆشبەرەکانی سلێمانی لەکۆنفڕانسێکی ڕۆژنامەوانیدا ڕایگەیاند، بەهاوکاری هەموو بەشەکانی ئاسایشی سلێمانی توانرا لەماوەی 48 کاتژمێردا سێ باند دەستگیربکەن، کە 23 کەسن. ئاماژەی بەوەشدا، ئەو باندانە چەندین جۆری ماددەی هۆشبەریان پێبوە و ئامێری جۆراوجۆریان بۆ کێشانی ماددە هۆشبەرەکان بەکارهێناوە. باسی لەئەوەشکرد، هەر لەو ماوەیەدا ژمارەیەک کەسیان دەستگیرکرد، کە ویستوویانە جگەرەی قاچاخ لەڕێگەی کوردستانەوە ببەنە دەرەوە. ئەوەشی خستەڕوو، ئەو کەسانەی دەستگیرکراون، کەسیان بەگومان نەبوون، بەڵکو لەکاتی تاوانەکەدا دەستگیرکراون. ئەوەشی باسکرد، هەندێک ماددەی سەرەتایی شلیان پێگرتوون، کە ماددەی خامن بۆ دروستکردنی ماددەی هۆشبەر. ڕوونیشیکردەوە، ئەم ماددە شلەیان ناردووە بۆ پشکنینی تاقیگەیی. ئەمە لەکاتێکدایە لەماوەی سێ مانگی ڕابردوودا 123 کەس لەلایەن ئاسایشی سلێمانییەوە دەستگیرکراون، کە بازرگانی بەماددەی هۆشبەر دەکەن یان بەکارهێنەرن.
خەڵك - یەحیا حبیب ئەمڕۆ سێشەممە، لە هەڵمەتێكدا لە بازگەی دەرەشیش بۆ دووڕێیانی هەورامان لە پارێزگای هەڵەبجە 4,500 نەمام كە لە لایەن پێشمەرگەیەكی دێرینی ناوچەی شارەزوور و هەورامان ئامادەكرابوو چێنران. نەمامەكان لە لایەن جەمیل هەورامی پێشمەرگەی دێرین و لێپرسراوی كۆمەڵەی باڵای پێشمەرگە دێرینەكان ئامادە كرابوون و لە هەڵمەتەكەدا پارێزگاری هەڵەبجە و بەڕێوەبەری گشتی كشتوكاڵی پارێزگاكە و ژمارەیەكی تر لە بەرپرسانی شارەكە بەشداربوون لە چاندنی نەمامەكان. جەمیل هەورامی بەهۆی ئەو خولیایەی هەیەتی بۆ ژینگە و سەوزایی لە ماوەی ڕابردوودا نزیكەی 30هەزار نەمامی تری لە سنوری پارێزگای هەڵەبجە و لە ئاستی هەرێمی كوردستانیش 150 هەزار نەمامی چاندووە.
خەڵک – وەرزش زێدانی ڕاهێنەری یانەی ریاڵ مەدریدی ئیسپانی، دوای یەکسان بوونی لەگەڵ یانەی ریاڵ سۆسیداد، ڕایگەیاند؛ هەموو تیمێک خاڵ بەفیڕۆ دەدات و دەشزانین دەبێت زۆرترین خاڵ بەدەست بێین، بێگومان کۆڵ نادەین. زیندین زێدان، ڕایگەیاند؛ یاری تیپەکەی لەگەڵ سۆسیداد و بەرامبەر بوونی بە ئەنجامی 1 - 1 هەلێک بوو لە دەست چوو، دەبێت بۆ گەڕانەوە بۆ پلەکانی پێشەوە کۆششی زیاتر بکەین و کۆڵ نادەین. وتیشی؛ ئێمە لە ئێستادا پشوویەک بە هزر و جەستەمان دەدەین و ئامادەکاری بۆڕووبەڕووبوونەوەی ئەتلەتیکۆ مەدریدی یەکەمی ریزبەندی دەکەین. زێدان وتی؛ بەرامبەر یانەی سۆسیداد، ئێمە بەباشی یاریمان کرد و 3-4 هەلمان بۆ ڕەخسا، بەڵام چانس یاوەرمان نەبوو، ئێمە شایستەی زیاتر بووین بەهۆی ئەو دەرفەتانەی کە دروستمان کردن ئێمە زاڵ بووین بەسەر یاریەکەدا، یاریش هەبووە بردوومانەتەوە، بەڵام شایەنی نەبووین "ئەمە تۆپی پێ یە". دوای پێنج یاری یەکسان بوونی یەک لەدوای یەک، هێشتا زێدان دەڵێت؛ ئەنجامەکە کاریگەری نابێت لەسەر ئامادەکارییەکان بۆ ڕووبەڕووبونەوەی ئەتلەتیکۆ کە بە 5 خاڵ لەپێش ڕیاڵ مەدریدەو ڕێگامان زۆر ماوە تا بگەینەوە بە لوتکەی خولی ئیسپانی.
خەڵك ئەمڕۆ كاروانی یەكەمی ڤاكسین گەیشتە فڕۆكەخانەی نێودەوڵەتی بەغدا، كە پشكی هەرێمی كوردستانیشی تێدایە. بە وتەی بەرپرسانی تەندروستی سەرەتا ڤاكسین دەدرێتە كارمەندانی تەندروستی و هێزە ئەمنییەكان و نەخۆشانی قورس و بە تەمەنەكان، بەڵام باس لە مامۆستایان و خوێندكاران نەكراوە، كە لە دوای بواری تەندروستی مەترسیدارترین شوێنی بڵاوبوونەوەی كۆرۆنان. دوێنێ‌ هەڤاڵ ئەبووبەكر پارێزگاری سلێمانی ڕایگەیاند، ڤاكسین دەگاتە هەرێمی كوردستان كە بڕی 110 هەزار ژەمە و جێگری بەڕێوەبەری تەندروستی سلێمانیش دەڵێت پێشبینی دەكەین پشكی پارێزگای سلێمانی لە سەروو هەزار دانەبێت. هێرش سەید سەلیم جێگری بەڕێوەبەری تەندروستی سلێمانی بە (خەڵك)ی ڕاگەیاند، ئەو ڤاكسینەی دوێنێ‌ هاتووە بۆ هەرێمی كوردستان لە وڵاتی چینەوە دێت و هێشتا بڕەكەی بۆ پارێزگاكان دانەنراوە، بەڵام پێشبینی دەكەین لە سەروو هەزار دانەوە بێت بۆ پارێزگای سلێمانی، بەڵام كە دەڵێین هەزار واتە 500 كەس ڤاكسینەكە وەردەگرێت و دیار نییە كەی دەگاتە پارێزگاكە. سەبارەت بە شێوازی دابەشكردنی ڤاكسینەكە هێرش سەید سەلیم وتی: یەكەم كەس بۆ ئەو كارمەندە تەندروستیانە دەبێت كە لە كۆرۆنا كار دەكەن دواتر بەپێی تەمەن دابەش دەكرێت و ئەوانەی نەخۆشی درێژخایەنیان هەیە، دواتر كەسانی تۆڕی كۆمەڵایەتی و كارمەندانی دەزگا ئەمنییەكان و بەندیخانەكان و ئەو كەسانەی نەخۆشی شێرپەنجەیان هەیە. ئاماژەی بەوەشكرد، دۆخی كۆرۆنا لە پارێزگای سلێمانی باشترە بەراورد بە شوێنەكانی دیكەی هەرێمی كوردستان حاڵەتی پۆزەتیف هەر بوونی هەیەو بەردەوام توشبوو هەیە، بەڵام كەمتر پێویستیان بە مانەوە لە نەخۆشخانەكان هەیە. سەبارەت بە كۆرۆنای گۆڕاو لە پارێزگای سلێمانی وتی "تا ئێستا پشكنینەكان لە پارێزگای سلێمانی كۆرۆنای گۆڕاویان پشتڕاست نەكردووەتەوە، بەڵام بە دڵنیاییەوە حاڵەت هەیە". ئاماژەی بەوەشكرد، دۆخی نەخۆشخانەكان لە ئاستێكی باشدایەو تاك پارێزی گرنگترین شتەو پێویستە جێبەجێبكرێن بەتایبەتی لە ناوەندەكانی خوێندن و مامۆستاو خوێندكاران ماسك ببەستن و ماوەی كۆمەڵایەتی نێوانیان بپارێزن.
خەڵك بەڕێوەبەری جێبەجێكاری خزمەتگوزارییە خێراكانی رێكخراوی تەندروستی جیهانی مایك رایان رایگەیاند سەرەڕای كەمبوونەوەی ئامارەكانی كۆرۆنا لە هەندێك وڵات بەهۆی ڤاكسین و داخستنەوە، بەڵام جارێ زووە باس لە ئەوە بكرێت كە ئەمساڵ كۆرۆنا كۆتایی دێت. رایان لە كۆنفرانسێكی رۆژنامەوانیدا لە ژنێڤ راشگەیاند پێدانی ڤاكسین بۆ ئەو كەسانەی زۆرتر مەترسی توشبوونیان لەسەرە و كارمەندانی چاودێری تەندروستی كارئاسانی دەكات بۆ كەمكردنەوەی ترس و كارەسات و كەمكردنەوەی فشار لەسەر نەخۆشخانەكان و ڤایرۆسەكە لە ژێر كۆنترۆڵدا دەهێڵێتەوە. راشیگەیاند، ڤاكسین دانانی كاریگەری نییە لە سەر مەترسی مردن یان چاكبوونەوە، بەڵكو كاریگەرییە لەسەر بڵاوبوونەوە و گواستنەوە، ئەنجامی خێرای دەبێت لەسەر نەهێشتنی نەخۆشییەكە. ژمارەی توشبووانی كۆرۆنا بەرزبووەوە لە هەفتەی رابردوو بۆ یەكەمجار لە ماوەی دوو مانگدا لە 4 بۆ 6 ناوچەی ئەمریكا، ئەوروپا، باشوری خۆرهەڵاتی ئاسیا، خۆرهەڵاتی دەریای نێوەڕاست بەپێی رۆژنامەی گاردیان. بەڕێوەبەری گشتی رێكخراوی تەندروستی جیهانی تیدروس ئەدهانوم دەڵێت: ئەمە جێگای بێهیواییە، بەڵام كتوپڕ نییە، ئێمە هەوڵ دەدەین لە هۆكارەكانی گواستنەوەی تێبگەین. رونیشیكردەوە هۆكارەكانی بڵاوبوونەوە پەیوەندی هەیە بە سوككردنی رێكارەكانی روبەروبونەوەی كۆرۆنا، بەردەوامی دەركەوتنی نەوە و جۆری نوێی كۆرۆنا و پابەندنەبوونی خەڵك بە خۆپارێزی.
خەڵك راپۆرتی هەواڵگری ئەمریكا لەسەر كوشتنی رۆژنامەوانی سعودی جەمال خاشقچی مەترسی دروستكردووە، داوا دەكرێت لە ئیدارەی جۆ بایدن بۆ دانانی سیاسەتێكی نوێ بۆ مامەڵەكردن لەگەڵ هەڕەشەكانی بەرنامەی سیخوڕی و هۆكارەكانی چاودێری كە بۆ سیخوڕی بەسەر چالاكانی ئۆپۆزسیۆن و نەیارەكانەوە بەكاردەهێندرێت. بەپێی رۆژنامەی واشنتن پۆست، جێگری سەرۆكی لیژنەی كاروباری دەرەوە لە ئەنجومەنی نوێنەرانی ئەمریكا توم مالینوفسكی رایگەیاندووە، لەسەر ئیدارەی بایدن پێویستە پارێزگاری ئەمریكاییەكان لە ئەو چادێرییە كارا بكات كە پێشتر خاشقچی پێ كوژرا. داواشیكردووە ئیدارەی بایدن پەرە بە ستراتیژی تەواو بدات بۆ بەرەوڕوبونەوەی ئەو هەڕەشانەی سنوری نیشتمانی و دیموكراسی و مافەكانی مرۆڤ دەبڕن، كە كۆمپانیاكان ئەم كەرەستە و ئامڕازانە پێشكەش دەكەن بۆ سەركوتكردنی بەهێز. جەمال خاشقچی رۆژنامەوانی رەخنەگری سعودی لە ئیستەنبوڵ لە نێو كونسوڵخانەی عەرەبستان لە 2018 كوژرا و پارچەپارچە كرا، راپۆرتی هەواڵگری ئەمریكا لە ئەم هەفتەیەدا محەمەد بن سەلمان جێنشینی عەرەبستانی بە ئەم تاوانە تۆمەتبار كرد. ئەو ئەندامەی ئەنجومەنی نوێنەرانی ئەمریكا ئاشكرایكردووە بەپێی لێكۆڵینەوەكان دەركەوتووە كە فەرمانڕەوایانی عەرەبستان بەرنامەی تایبەتی كۆمپانیای ئەمنی ئیسرائیلیان بەكارهێناوە بۆ سیخوڕی كردن بە سەر پەیوەندییەكانی كەسایەتی ئۆپۆزسیۆنی سعودی عومەر عەبدولعەزیز لەگەڵ خاشقچی. ئەو كۆمپانیا ئیسرائیلە ئامێر و ئامڕاز بە بازاڕ دەكات وەك رێگایەك بۆ حكومەتەكان بۆ ئەنجامدانی تاوان و چالاكی تیرۆرستی، بەڵام رێكخراوەكانی مرۆڤ شەرمەزاری ئەم سیستمە سەركوتكارییە و ئامڕازانە دەكەن بۆ سیخوڕیكردن بە سەر چالاكانی ئۆپۆزسیۆن و رۆژنامەوانانەوە.
محەمەد عەلی لە كۆتا سەردانی باڵیۆزی ئەمەریكا (ماسیۆ تۆلەر) بۆ ھەولێر، لە ڕاگەیاندراوێكدا پاڵپشتی بۆ حكوومەتێكی یەكگرتوو لە كوردستان و ھەرێمێكی كوردستانی بەھێز دووپات كردەوە، كورتكردنەوەی دیدارەكانیشی تەنھا لە ھەولێر، بە مانای ئەوەی، ئەمەریكا تەنھا ھەولێر بە پایتەخت و ھاوكات سەنتەری بڕیاردان لە ھەرێم ھەژمار دەكات. لە ڕابردوودا كاتێك داعش چەندین پارێزگای عێراقی كۆنترۆڵ كرد و پاشان بە ئاراستەی بەغدا جوڵەی كرد، كاردانەوەكان بەو جۆرە نەبوون، بەڵام كاتێك ئاراستەی بەرەو ھەولێر وەرگێڕا، وڵاتان بە سەركردایەتیی ئەمەریكا بەھێزترین كاردانەوەیان نواند و فڕۆكەكان بە ئاراستەی ھەولێر بەڕێ كران و ھەماھەنگی لەڕووی ھەواڵگری و سەربازییەوە لەگەڵ ھێزی پێشمەرگەی كوردستان چووە قۆناغێكی نوێوە، سەرباری ڕێگرییەكانی بەغداش، ئەمە لە كاتێكدایە لە دوای ڕووداوەكانی (١٦)ی ئۆكتۆبەر، ئەمەریكا و ھاوپەیمانان بۆیان دەركەوت كە كوردستانێكی بەھێز و بە تایبەتی ھەولێر، چەندە پێویستە بۆ دروستكردنی ھاوسەنگی لە عێراق و ڕێگریكردن لە فراوانبوونی پێگەی وڵاتانی ھەرێمی لە عێراقدا. لە چەند ڕۆژی ڕابردوودا، جارێكی تر پێگەی ھەولێر بۆ ھەمووان دەركەوت، بە شێوەیەك رۆژانە ھێرشی مووشەكی بۆ سەر ناوچەی سەوز و بارەگای باڵیۆزخانەی ئەمەریكا لە بەغدا بوونی ھەیە، كەچی كاردانەوەكان زۆر لاواز بوون، بەڵام كاتێك مووشەكەكان ئاراستەی ھەولێر كران، ھەمووان پاڵپشتیی خۆیان بۆ ھەولێر و حكوومەتی ھەرێم دووپات كردووە، بە جۆرێك تیرۆریستان مەبەستیان بوو بڵێن، ھەولێر ناسەقامگیرە، بەڵام كاردانەوەكان پێچەوانەكەیان سەلماند، ئەوەتا چەند ڕۆژێك دوای ئەم ھێرشانە، ئەرمینییا كۆنسووڵلخانە لە ھەولێر دەكاتەوە و سەرۆكی حكوومەتیش پڕۆژەی شەقامی (١٥٠) مەتری دەخاتە خزمەت ھاووڵاتیانی پایتەخت، ئەمەش وەڵامێكی ڕوونە كە ھەولێر لە كاروانی ئاوەدانی ناوەستێت و وڵاتانیش باوەڕی تەواویان بە سەقامگیریی پایتەخت و سەركردایەتییە سیاسییەكەی ھەیە. لە دوای كۆڕەوە ملیۆنییەكەی ساڵی ١٩٩١ كە ئەوكات ئەنجومەنی ئاسایشی نێودەوڵەتی كۆبوونەوەیەكی تایبەت كرد بە بارۆدۆخی كورد لە باشوور، ئەمجارەیان زۆر خێرا و ڕاستەوخۆ كۆدەبێتەوە بۆ لێكۆڵینەوە لە مەترسییەكانی سەر پایتەختی ھەرێمی كوردستان، ھاوكات (ناتۆ) ھێزەكانی لە عێراق زیاد دەكات و ھۆڵەندا ژمارەی ڕاوێژكارە سەربازییەكانی بە ڕێژەیەكی دیاریكراو بەرز دەكاتەوە، لە ھەمان كاتدا ئۆپەراسیۆنی تۆڵە، كە بنكەكانی میلیشیاكانی نزیك لە ئێرانی كردووەتە ئامانج لە سووریا، كە بەرپرسیارن لە ھێرشەكەی سەر ھەولێر، راستەوخۆ لەلایەن سەرۆك (جۆو بایدن)ـەوە سەرپەرشتی كراوە، ئەم ھەنگاوەش دەرخەری ئەو ڕاستییەیە، ئیدی ھەولێر لە ھاوكێشە ھەرێمی و نێودەوڵەتییەكان خاوەن پێگەی تایبەتە. لە ماوەی كورتی داھاتوودا، بۆ یەكەم جار كەسایەتییەكی دیاری وەك پاپای فاتیكان (پاپا فرانسیس) سەردانی ھەولێر دەكات، بە دڵنییایەوە ئەمەش لە بۆشاییەوە نەھاتووە، بەڵكو ئەو ڕاستییە ڕوون دەكاتەوە، كە ھەرێمی كوردستان و سەركردایەتییەكەی چەندە سەركەوتوو بوون لە ڕەخساندنی كەشێكی ئارام بۆ پێكەوەژیانی گشت پێكھاتە ئایینی و نەتەوەییەكانی كوردستان، ھاوكات وەك سوپاسگوزارییەكی ئەم كەسایەتییە دێت، كە كوردستان توانی ئەم ھەموو ئاوارە و پەنابەرە لەخۆ بگرێت، كە لە ترسی داعش و شەڕی تائیفی، ناوچەكانیان جێبھێڵن و كوردستان بكەن بە شوێنی نیشتەجێبوونیان، ئەمە بە دڵنیاییەوە لە داھاتوودا كاریگەریی زیاتری دەبێت لە بەرەوپێشچوونی پەیوەندییەكانی نێوان ھەولێر و وڵاتانی ڕۆژئاوا و پاڵپشتیی زیاتر بۆ ھەولێر فەراھەم دەكات.
خەڵك نرخی سەعاتێك ئەمپێری كارەبای موەلیدە ئەهلییەكان لە ناو شاری سلێمانی بۆ مانگی شوبات بە (38) دینار دیاری دەكرێت و هاوكات خشتەی كارپێكردنی موەلیدەكان بۆ مانگی سێ وەك خۆی دەمێنێتەوە. ئەمڕۆ سێشەممە (2 ئازار 2021) لیژنەی دیاریكردنی نرخی موەلیدە ئەهلییەكان كۆبوەوە، بۆ دیاریكردنی نرخی كارەبای موەلیدە ئەهلییەكان بۆ مانگی 2‌ بەپێی نرخی سوتەمەنی لەبازاڕەكانی هەرێمی كوردستان نرخی یەك سەعات كارەبای موەلیدە بۆ یەك ئەمپێڕ‌ (38) دینار دەبێت. كاركردن و تەرخانكردنی كارەبا لەلایەن موەلیدە ئەهلییەكانەوە بۆ هاوڵاتیان لەنێوان (170) بۆ (210) سەعاتە بەمەش نرخی یەك ئەمپێڕ كارەبای موەلیدەی ئەهلی بۆ ئەو مانگە لە نێوان شەش هەزار و 500 دینار بۆ هەشت هەزار دینار دەبێت. خشتەی كارپێكردن و دابینكردنی كارەبا لەلایەن موەلیدە ئەهلییەكانەوە بۆ مانگی سێ وەك خۆی دەمێنێتەوە‌‌، بەیانیان لەسەعات 7 بۆ 8 و نیوەڕوان لە سەعات 12 بۆ سەعات 1ی شەو، لەو ماوەی دیاریكراوە هەركاتێك كارەبای نیشتمانی كوژایەوە پێویستە مۆلدە ئەهلییەكان كارەبا بۆ هاوڵاتیان دابین بكەن، جگە لە رۆژانی هەینی كە بەیانیان كارناكەن.
خەڵك ئەندامێكی لیژنەی دارایی پەڕلەمانی كوردستان دەڵێت، ئەگەر یاسای بودجە بابەتی و زانستی و پیشەییانە بێت و هەموو داهات و خەرجییەكانی هەرێمی تیادا دەر بكەوێت بەشێكی گەورەی كێشەكانی هەرێم چارەسەر دەبێت و بە پێچەوانەوە ناتوانێت كێشەكان چارەسەر بكات. عومەر گوڵپی ئەندامی لیژنەی دارایی لە پەڕلەمانی كوردستان بە (خەڵك) ی ڕاگەیاند، هەموو كێشە داراییەكانی هەرێمی كوردستان پەیوەستە بە نەوتەوە كە پرۆسەیەكی نا شەفاف و ئاڵۆزە گەڵاڵە نەكردنی یاسای بودجە و نەناردنی بۆ پەڕلەمان بەشێكی گەورەی بەهۆی ئەوەوەیە كە تا ئێستا وەزارەتی سامانە سروشتییەكان داتا و زانیارییەكانی خۆی نەداوەتە وەزارەتی دارایی. دەشڵێت، هەموو وڵاتێك بەرنامەو پلانە ستراتیجە داراییەكانی لەسەر بنەمای یاسای بودجە دادەنێت، مووچە خۆرێك لەسەر بنەمای بودجە دەزانێت مووچەكەی چەندەو كەی دەگات بەدەستی، وەزارەتی شارەوانی دڵنیا دەبێتەوە لەوەی بودجەكەی چەندەو بۆ چ بوارێك خەرجی دەكات كەرتی تایبەت دەزانێت هاوكاری دەكرێت یان نا گەنجە بێكارەكان تێدەگەن لەوەی هەلی كار دەڕەخسێندرێت یان نا. وتیشی: سەرجەم بوارەكانی ژیان لە هەر وڵاتێكدا ڕاستەوخۆ كاریگەری یاسای بودجەیان لەسەرە، چونكە یاسای بودجە پلان و بەرنامەی دارایی و ئابوری و كۆمەڵایەتی سیاسی ئیداری هەر حكومەتێكە لە ڕوانگەی یاسای بودجەوە دەزانرێت سیاسەتی حكومەت بۆ ژیانی خەڵك چییە لەسەرجەم بوارەكان. ئەو ئەندامەی پەرلەمانی كوردستان دەڵێت، ئەوە نزیكەی 6 ساڵە مووچەی هەژارەكان بڕدراوە حكومەت بەم جۆرە بەردەوام دەبێت؟ دەكرێت ئەو بودجە زەبەلاحە بۆ هەموو بوارەكان خەرج بكرێت تەنها هەژارەكان هیچ پشكێكیان تیایدا نەبێت؟ لە رێگەی بودجەوە دەزانرێت حكومەت پشتگیری كۆمەڵایەتی كۆمەڵگەكەت دەكات یان نا. وتیشی، دواكەوتنی بودجە دەبێتە هۆی نا شەفافیەت و زیاد بوونی گەندەڵی و دەبێتە هۆی ئەوەی پەرلەمان نەتوانێت بە ئەركی خۆی هەستێت ، ئەگەر یاسای بودجە بابەتی و زانستی و پیشەییانە بێت و هەموو داهات و خەرجییەكانی هەرێمی تیادا دەر بكەوێت بەشێكی گەورەی كێشەكانی هەرێم چارەسەر دەبێت و بە پێچەوانەوە ناتوانێت كێشەكان چارەسەر بكات.

ئەندامێكی ئەنجومەنی پارێزگای هەولێر؛ بەپاساوی كۆرۆنا نزیكەی 70 مزگەوت نوێژی هەینی تێدا ناكرێت

کوردستان

ئەندامێكی ئەنجومەنی پارێزگای هەولێر؛ بەپاساوی كۆرۆنا نزیكەی 70 مزگەوت نوێژی هەینی تێدا ناكرێت

لاوی چالاك

ئازار 1, 2021

خەڵك- ئەندامێكی ئەنجومەنی پارێزگای هەولێر ڕایدەگەیەنێت…

گەشتەكانی عومرە دەست پێدەكاتەوە

کوردستان

گەشتەكانی عومرە دەست پێدەكاتەوە

ئەحمەد سیوەیلی

شوبات 7, 2021

خەڵك- وەزارەتی ئەوقافی هەرێم ئاشكرای دەكات، بەپێی ڕێنمایی…

باڵەخانەیەك بۆ كتێبخانەی ئەوقافی سلێمانی مەركەزی دروست دەكرێت

کوردستان

باڵەخانەیەك بۆ كتێبخانەی ئەوقافی سلێمانی مەركەزی دروست دەكرێت

ئەحمەد سیوەیلی

شوبات 2, 2021

خەڵك- وەزیری ئەوقافی هەرێم چەند بڕیارێك دەربارەی كتێبخانەی…

گەشتی عومرە دەستپێدەكاتەوە و مەرجی نوێ‌ دیاریكرا

کوردستان

گەشتی عومرە دەستپێدەكاتەوە و مەرجی نوێ‌ دیاریكرا

ئەحمەد سیوەیلی

كانونی دووه‌م 26, 2021

خەڵك- وڵاتی سعودیە بە مەرج و ڕێكاری نوێ‌ ڕێگای بۆ ئەنجامدانی…

ئەوقافی هەولێر هەڕەشە لە وتارخوێنانی هەینی دەكات

کوردستان

ئەوقافی هەولێر هەڕەشە لە وتارخوێنانی هەینی دەكات

ئیدریس جەبار

كانونی دووه‌م 26, 2021

خەڵك- بەڕێوبەرایەتی ئەوقافی هەولێر، داوای یەكخستنی وتارەكانی…