مامۆستای ئایینی – تۆڕی میدیایی خەڵک

سەردێر

ئەمەی خوارەوە چەند مەتەڵێکە کە توانای بینین و کەسایەتیشت ئاشکرا دەكەن، بۆ بینینی وەڵامەکان کلیک لە وێنەکە بکە: ١- چەند ئاژەڵ دەبینیت؟ ٢- یەکەمجار چیت بینی؟ ٣- یەکەمجار چیت بینی؟ وەڵامەکان: ١ ١ بۆ ٣ ئاژەڵ: پێویستت بەوەیە وردەکاریەکان زیاتر ببینیت ٤ بۆ ٦ ئاژەڵ : باشتر دەبینیت، بەڵام پێویستت بەوردبونەوەی زیاترە ٧ بۆ ٩ : کەسێکی وریایت و زۆر باش دەتوانیت شتەکانی دەوروبەر ببینیت. ١٠ بۆ ١٣ : تۆ ڕەنگە لە FBI کاربکەیت؟ چونکە زۆر ورد شتەکان دەبینیت ٢ ٣
خەڵك بەیانی ئەمڕۆ دوو شەممە هاووڵاتیانی گوندی لهێبان دوای ئەوەی شەوی رابردوو گوندەكەیان چۆڵكردبوو گەڕانەوە. بەپێی زانیارییەكان شەوی رابردوو هاووڵاتیانی گوندی لهێبان لە سنووری مەخموور لە ترسی هێرشەكانی داعش گوندەكەیان چۆڵكرد و چەكداری داعش چوونە ناوی، دواتر هێزی دژەتیرۆری چوونە نێو گوندەكەوە. بەیانی ئەمڕۆ هێزێكی پێشمەرگە و سووپای عێراق چوونە نێو گوندەكەوە و هاووڵاتیانیش دەستیان بە گەڕانەوە كرد. شەوی پێشتر چەكدارەكانی داعش چوونە سەر گوندی لهێبان لەوێ لەلایەن هاووڵاتیانی گوندەكەوە هێرشەكەیان تێشكێندرابوو، برینداریشیان هەببوو. هاووڵاتیانی گوندەكە داوای هاوكاری سەربازییان لە سووپای عێراق و هێزی پێشمەرگە كردبوو، بەڵام نەچووبوون بە هانایانەوە.
خەڵك- بەڕێوەبەرایەتی نەوت و كانزاكانی سلێمانی ڕایدەگەیەنێت، ئەمڕۆ لە چەند بەنزینخانەیەك بەنزینی عێراقی دابەش دەكرێت. بەڕێوەبەرایەتی نەوت و كانزاكانی سلێمانی لە ڕِاگەیەنراوێكدا ئاماژە بۆ ئەوە دەكات، ئەمڕۆ دوو شەممە ٦ـ۱۲ـ۲٠۲۱ بەنزینی عێراقی لەناوشار لە وێستگەكانی (هەڵەبجە، تانجەرۆ، ڕۆژ، هەڵەبجە گروپ، بەكرەجۆ، كۆكار) دابەش دەكرێت. بەنزینی عێراقی بە نرخی 690 دینار دابەش دەكرێت.
خەڵك ئەمڕۆ دوو شەممە جارێكی دیكە خۆپێشاندانی خوێندكاران لە سلێمانی و ڕاپەڕین و چەند شوێنێكی دیكە دەستیپێكردەوە. خۆپێشاندەران داوای خەرجكردنی دەرماڵە و گەڕاندنەوەی دەرماڵەی خوێندكاران دەكەن نزیكەی بە 8 ساڵە لەلایەن حكومەتی هەرێمەوە بە پاساوی تەنگەژەی دارایی راگیراوە. خۆپێشاندانی خوێندكاران لە ماوەی رابردوودا توندوتیژی تێكەوتووە و بەهۆیەوە ژمارەیەك بارەگای حیزبی و حكومی سووتێندراون. حكومەتی هەرێمی كوردستان تا ئێستا جگە لە بڕەپارەیەك بۆ هاوكاری خوێندكارانی كەمدەرامەت و پێویستیی بەشەنێوخۆییەكان رازی نەبووە بە گەڕاندنەوەی دەرماڵە. مەسرور بارزانی سەرۆك وەزیرانی هەرێمی كوردستان لە لێدوانێكدا رایگەیاندبوو كە لە دنیادا نییە خوێندن بە خۆڕایی بێت و داوای دەرماڵەش بكرێت.
خەڵك- جێگری سەرۆكی هەرێم ڕایدەگەیەنێت، داعش نەك هەر مەترسییەكانی بەردەوامە، بەڵكو ئێستا داعش زیاتر مەترسیدارترە تا كاتی هاتنیان. شێخ جەعفەر شێخ مستەفا جێگری سەرۆكی هەرێمی كوردستان بە دەنگی ئەمریكای ڕاگەیاند، لە عێراقدا سەرۆك كۆمارمان هەیە، وەزیر و پەڕلەمانتارمان هەیە كەچی هاتوون هێڵی بەرگری بەرامبەر پێشمەرگە دروست دەكەن لەبری ئەوەی بەرامبەر داعش دروستی بكەن. سەبارەت بە تۆمەتەكانی پەڕلەمانتارانی پارتی و یەكێتی كە هەریەكەیان ئاڕاستەی حیزبەكانی بەرامبەریان دەكەن، شێخ جەعفەردەڵێت: ئەوانە نوێنەری خەڵك و هەرێمی كوردستانن، ئەوانە یاسا دەردەكەن و پارێزەری مافی تاكەكەسن و بەرگری لە مافەكانی خەڵكی كوردستان دەكەن، ئەوانە هاتوونەتە ناو ئەو پەڕلەمانەوە كە ئەسڵەن مرۆڤ نازانێت چۆن باسی بكات. دەشڵێت "لەم ڕۆژانەی دوایدا بە هاووڵاتیانەوە نۆزدە كەس شەهید بوون داعشێك نەیپرسی كامە پارتی، یان یەكێتی و حیزبێكی دیكەیە، بەداخەوە بۆ ئەو منداڵ و مەزن و نەفامانە كە ئەوانە وەك ندی و بدی ئەم قسانە دەكەن و بەهەوەسی خۆیان لێدوان دەدەن". ئاشكراشیكرد، ئێستا داعش شەڕی پارتیزانی دەكەن تەنها بۆ شەهیدكردنی پێشمەرگە یان برینداركردن یاخود زیانگەیاندنە نەك شوێنگرتن. ڕوونیشیكردەوە، كەمتەرخەمی یەكەم دەگەڕێتەوە بۆ عێراق كە ناتوانێت ئەمنیەت بۆ خەڵكی ئەو ناوچانەی ژێر دەسەڵاتی خۆی دابینبكات. سەبارەت بە دابینكردنی پێداویستییەكانی هێزەكانی پێشمەرگە، شێخ جەعفەر ڕایگەیاند، چ هێزەكانی هاوپەیمانان، چ وڵاتانی دیكە ڕاستەوخۆ مامەڵە لەگەڵ هەرێم ناكەن، ئەوان دەڵێن كوردستان بەشێكە لە عێراق دەبێت لەسەر ڕەزامەندی عێراق بێت، عێراقیش ڕەزامەندی دەرنابڕێت بۆ ئەوەی خۆمان ئەو پێداویستییانە بهێنین بۆ هێزەكانی پێشمەرگە. ئاماژەی بۆ ئەوەش كرد، مەترسی زۆرە، هەرخۆی كە باسی داعش دەكەین بۆ خۆی گەورەترین مەترسییە، لە دوای داعش چ مەترسییەكی دیكە دێتەئاراوە ئەوە بۆخۆی چاوەڕوانكراوە، چونكە ناوچەكە بۆ خۆی هەمووی شەڕە.
خەڵك نیوە شەوی رابردوو هێزەكانی دژەتیرۆری عێراق چوونە نێو گوندی لهێبانی كوردنشین لە ناوچەی سەرگەڕانی سەر بە پارێزگەی كەركوك دوای داگیركردنی گوندەكە لەلایەن تیرۆرستانی داعشەوە. بەپێی زانیارییەكان شەوی رابردوو دوای چۆڵكردنی گوندی لهێبان لە لایەن دانیشتووانەكەیەوە لە ترسی هێرشەكانی داعش، چەكدارانی داعش چوونە نێو گوندەكەوە و ئاگریان تێپەردا. دواتر هێزەكانی دژەتیرۆری عێراق چوونە نێو گوندەكەوە و چەكدارەكانی داعش هەڵهاتن. بەپێی زانیارییەكان هێزەكانی سووپای عێراق و هێزەكانی كوردستان نەچوون بە دەم داواكاری هاووڵاتیانی لهێبانەوە بۆ رێگری لە هێرشی داعش و چۆڵكردنی گوندەكە، بۆیە ناچاربوون گوندەكە چۆڵ بكەن. گوندی لهێبان شەوی پێشتریش لەلایەن تیرۆرستانی داعشەوە هێرشیكرابووە سەر و لەلایەن دانیشتوانی گوندەكەوە هێرشەكەیان تێكشكێندرابوو. لە ماوەی نزیك بە 10 رۆژی رابردوودا نزیكەی 20 پێشمەرگە و هاووڵاتی لە سنوورەكانی ناوچە كێشەلەسەرەكان شەهید و بریندار بوون لە هێرشەكانی چەكدارانی داعشدا. بەشێك لە چاودێران ئەمە پلانێك دادەنێن بۆ چۆڵكردنی گوندە كوردنشینەكان بە بەكارهێنانی گرووپە چەكدارەكانی داعش لە سنوورەكە و دواتر هاتنی دژەتیرۆر و هێزەكانی دیكەی عێراق.
خەڵك وەزارەتی پێشمەرگەی هەرێمی كوردستان رایگەیاند هێرشێكی داعش لە شەوی رابردوو لە ناوچەی پردێ تێكشكێندراوە. وەزارەتی پێشمەرگەی حكومەتی هەرێمی كوردستان لە ڕاگەیەندراوێكی دەڵێت: شەوی ٥/٦ی ۱۲ی ۲۰۲۱ تیرۆریستانی داعش پەلامارێكی تری دڕندانەیان بۆ سەر خاڵێكی سەنگەرەكانی لیوای 126ـی هێزی پێشمەرگە لەنزیك ی گوندی " قەڕە سالم" دا. رونیشیكردەوە، لەم پەلامارە ترسنۆكانەیەدا، شەهید و بریندار لەریزەكانی هێزی پێشمەرگە هەیە، تیرۆریستان راوەدوونران و بارودۆخەكە لەژێر كۆنتڕۆڵدایە. وەزارەتی پێشمەرگە ئاماژەی بە ژمارەی شەهید و بریندارەكانی پێشمەرگە و كوژراو و بریندارەكانی چەكدارانی داعش نەكردووە.
خەڵك- دەسەڵاتی فڕۆكەوانی مەدەنی عێراق ئاشكرایدەكات، لەمەودوا عومرەكارانی عێراق، بەبێ كارتی ڤاكسینی كۆرۆنا دەتوانن بچنە وڵاتی سعودیە. دەسەڵاتی فڕۆكەوانی مەدەنی عێراق لە ڕاگەیەنراوێكدا ئاماژە بۆ ئەوە دەكات، دوای ڕەزامەندی موستەفا كازمی سەرۆك وەزیرانی عێراق، عومرەكارانی عێراق بەبێ كارتی ڤاكسینی كۆرۆنا دەتوانن بچنە سعودیە و گەشتی عومرەی خۆیان ئەنجام بدەن. پێشتر وەزارەتی حەج و عومرەی سعودیە ئاشكرایكرد، بە كۆمەڵێك مەرجەوە، ڕێگا بە حاجیان و عومرەكاران دەدات بچنە ئەو وڵاتەوە و هاوكات حكومەتی عێراقیش مەرجی وەرگرتنی كارتی ڤاكسینی بۆ گەشتكردنی دەرەوەی وڵات بە مەرج داناوە.
خەڵك- نرخی‌ نەوت لەبازاڕەكانی‌ جیهان بەراورد بە ڕۆژانی ڕابردوو بەرز بووەوە. ئاژانسەكانی جیهان بڵاویانكردەوە، نرخی نەوت بۆ ئەمڕۆ دوو شەممە، 5-12-2021، بەشێوەیەك بووە كە نرخی‌ نەوتی برێنت بە 71 دۆلار و 37 سەنت لە بازاڕەكانی جیهان مامەڵەی پێوەكراوە. هاوكات نرخی بەرمیلێك نەوتی خاوی ئەمریكیش بە 67 دۆلار و 82 سەنت مامەڵەی پێوەكراوە.
خەڵك كەمێك لەمەوبەر تیرۆریستانی داعش لە سنووری شارەدێی شوان پەلاماری سەنگەری هێزەكانی پێشمەرگەی دا بەڵام هێزەاكنی پێشمەرگە بەرپەرچی پەلامارەكەیان دایەوە و تێكیان شكاند. بەپێی زانیارییەكانی (تۆڕی میدیایی خەڵك) كەمێك لەمەوبەر تیرۆریستانی داعش لەسەر كەلی قەرەسالم لە ناوچەی شێخ بزێنی سەر بە شارەدێی شوان لە سنووری پارێزگای كەركوك پەلاماری سەنگەرێكی پێشمەرگەیان داوە، بەڵام هێزەكانی پێشمەرگە بەرپەرچییان دانەوە و پەلامارەكەیان تێكشكاند. هەر بەپێی زانیارییەكان، لەم ڕووبەڕووبوونەوەیەدا شەهید و بریندار لە ڕیزی هێزەكانی پێشمەرگە هەیە و زیانی تیرۆریستانیش نەزانراوە.

نامەی مامۆستایەكی ئایینی بۆ مەسرور بارزانی

کوردستان

نامەی مامۆستایەكی ئایینی بۆ مەسرور بارزانی

ئومێد سیوەیلی

تشرینی یه‌كه‌م 2, 2021

خەڵك- مامۆستایەكی ئایینی نامەیەكی كراوە ئاڕاستەی سەرۆك…

مامۆستایەكی ئایینی: ناكرێت دوای ڕیفراندۆم كورد دەستەوستان بێت

کوردستان

مامۆستایەكی ئایینی: ناكرێت دوای ڕیفراندۆم كورد دەستەوستان بێت

ئومێد سیوەیلی

ئه‌یلول 25, 2021

خەڵك- مامۆستایەكی ئایینی شاری هەولێر ڕایدەگەیەنێت، كە…

ئەمشەو مانگ گیرانە … نوێژی مانگ گیران چیە و چۆن دەكرێت؟

کوردستان

ئەمشەو مانگ گیرانە … نوێژی مانگ گیران چیە و چۆن دەكرێت؟

ئومێد سیوەیلی

ئایار 26, 2021

خەڵك- بەپێی ڕاپۆرتە گەردونی و كەشناسییەكان، ئەمشەو لە دوای…

شەوانی قەدر دەست پێدەكەن و ئەوقاف بڕیاری نوێی دەركرد

کوردستان

شەوانی قەدر دەست پێدەكەن و ئەوقاف بڕیاری نوێی دەركرد

ئومێد سیوەیلی

ئایار 2, 2021

خەڵك – مامۆستایەكی ئایینی لە سلێمانی ئاشكرای دەكات، ئەمشەو…

ڕای لیژنەی فەتوای هەرێم لەسەر گرانكردنی نرخی شمەك و خۆراك لەڕەمەزاندا

کوردستان

ڕای لیژنەی فەتوای هەرێم لەسەر گرانكردنی نرخی شمەك و خۆراك لەڕەمەزاندا

ئومێد سیوەیلی

نیسان 30, 2021

خەڵك- هەموو ساڵێك لەگەڵ هاتنەوەی مانگی ڕەمەزاندا بازرگان…