بومەلەرزە Archives - تۆڕی میدیایی خەڵک

سەردێر

خەڵك- هێزەكانی پاراستنی گەل ڕایدەگەیەنێت، كە ١٢ سەربازی توركیا كوژراون و كامێرایەكی حەراری تێكشكێنراوە. ناوەندی راگەیاندن و چاپەمەنی هەپەگە لە ڕاگەیەنراوێكدا ئاماژەی بەوەكردووە، "بۆ سڵاوكردن لە ڕۆژی فیداییبوونی ٣٠ی حوزەیران هێزەكانمان بە گیانی فیدایی ئاپۆیی لە سەر هێڵی زیلان چالاكییان درێژەپێدا. ڕاشیگەیاندووە، لە ئەنجامی چالاكییەكانی هێزەكانماندا كە بە شێوەیەكی قارەمانانە شەڕ دەكەن، ١٢ چەكداری سوپای توركییا كوژران و ٤ چەكداریش برینداربوون و سیستمێكی كامێرای حەراری تێكشكێنرا. ئاماژەی بەوەشكردووە، سوپای تورك بە دەیان جار بە كاتیوشا، هەلیكۆپتەری هێرشبەر و ١٤ جاریش بە فڕۆكەی شەڕكەر هەرێمەكانی پاراستنی مێدیای بۆردومان كردووە.
خەڵك – وەزارەتی تەندروستی عیراق ڕایدەگەیەنێت، 2628 حاڵەتی نوێی تووشبوون بە ڤایرۆسی كۆرۆنا تۆماركراوە، 675 كەسیش چاكبوونەتەوە، دوو حاڵەتی گیان لەدەستدانیش بەهۆی پەتاكەوە تۆماركرا. بەپێی بەیاننامەیەك، كە لەلایەن وەزارەتی تەندروستی عیراقەوە بڵاوكرایەوە” لە 24 كاتژمێری ڕابردوودا 10 هەزار و 46 پشكنینی تایبەت بە كۆرۆنا ئەنجامدراوە و دەركەوتووە 2628 كەس تووشی ڤایرۆسی كۆرۆنا بوون و ئەنجامەكانیان پۆزەتیڤ بوون، ئەمەش بە ژمارەیەكی زۆر زیاتری تووشبوونی ڕۆژانە بە پەتاكە بەراورد بە ڕۆژانی پێشوو دادەنرێت”. هەر لە بەیاننامەكەدا هاتووە، ”زۆربەی تووشبووەكان لە بەغدا و هەولێر و واست تۆماركراون، بەجۆرێك كە لە بەغدا 1350 و لە هەولێر 218 و لە واست 175 حاڵەتی تووشبوون تۆماركراون”. وەزارەتی تەندروستی عیراق ئاماژەی بە چاكبوونەوەی 675 تووشبووی كۆرۆنا كردووە، كە زۆربەیان لە بەغدا و هەولێر و دیالە بوون، دوو حاڵەتی گیان لەدەستدانیش لەماوەی 24 كاتژمێری ڕابردوودا بە پەتاكە تۆماركرا.
خەڵك- بە بیانووی ڕاوەدونانی گەریلاكانی پارتی كرێكتارانی كوردستان، تۆپخانەكانی توركیا بەشێوەیەكی چڕ ناوچەكانی ناحیەی سیدەكانی سەر بە پارێزگای هەولێر بۆردومان دەكەن. ئەمڕۆ چوار شەممە، تۆپخانەكانی توركیا بەشێوەیەكی چر گوندەكانی "ڕوبی، رواڵ، سەرێ‌ زرارا، كوروی كاریشك"یان لە ناحیەی سیدەكانی سەر بە پارێزگای هەولێر بۆردومان كرد". بەپێی زانیارییەكان، بۆردومانەكانی توركیا مەترسی و دڵڕاوكێیان لای دانیشتوانی ئەو ناوچەیە دروستكرد، بە تایبەت خاوەن كێڵگە كشتوماڵییەكان و ئەوانەی ماڵاتیان هەیە.
خەڵك- پارێزگاری سلێمانی كۆنتڕۆڵ كردنی پەتای كۆلێرا لە سنووری ارێزگاكە ڕادەگەیەنێت و داواش لە حكومەتی عێراق دەكات، هاوكارییان بكات لە چارەسەری وشكەساڵی و دابین كردنی خزمەتگوزارییەكان. بەپێی ڕاگەیەنراوێكی پارێزگای سلێمانی، د.هەڤاڵ ئەبوبەکر، پارێزگاری سلێمانی، لە دیوانی پارێزگادا بەئامادەبوونی لیژنەی باڵای بەرەنگاربوونەوەی کۆلێرا لە پارێزگای سلێمانی، پێشوازیکرد لە د.ڕەهێڵ فەرەیدوون، بریکاری وەزارەتی تەندروستیی و د.ئەحمەد ئەبوبەکر، بەرپرسی ڕێکخراوی تەندروستیی جیهانیی لە عێراق و د.وائیل هەتاهیت، بەرپرسی تیمی ئیمێرجنسی لە عێراق و د.نەجمەدین حەسەن، نوێنەری WHO لە پارێزگای سلێمانی. بەپێی ڕاگەیەنراوەكە، شاندەكە سوپاسی پارێزگاری سلێمانی و بەڕێوەبەری گشتی تەندروستی سلێمانی و بەڕێوەبەری ئاوی سلێمانی و حکومەتی خۆجێیی سلێمانی و لیژنەی باڵای بەرەنگاربوونەوەی کۆلێرایان كردووە بۆ هەوڵە کانیان بۆ سنوردارکردن و کۆنتڕۆڵکردنی پەتای کۆلێرا و دەربڕینی پشتیوانی بەردەوامیی خۆیان سەردانیان کردبوو. ئاماژە بەوەشكراوە، لە کۆبوونەوەیەکدا گفتوگۆ لە هۆکار و چارەسەر و ڕێکارەکانی خۆپاراستن لە پەتای کۆلێرا کرا و پارێزگاری سلێمانی نوێنەری WHOی عێراقی ڕاسپارد بە گەیاندنی پەیامی پارێزگای سلێمانی بە حکومەتی ئیتحادی بە مەبەستی پشتیوانیکردنی حکومەتی هەرێمی کوردستان و پارێزگای سلێمانی لە چارەسەرکردنی وشکەساڵی و دابینکردنی پڕۆژە خزمەتگوزارییەکان بەتایبەتی لە بواری ئاوی پاکدا، لەڕێی تەرخانکردنی بودجەی پەرەپێدانی پارێزگاکانەوە بۆ کۆتایی پێهێنان بەم نەخۆشیی و مەترسیانەی هەڕەشە لە تەندروستیی گشتی و ئاسایشی تەندروستیی عێراق و ناوچەکەش دەکەن. لای خۆشیەوە، پارێزگاری سلێمانی لە كۆنگرەیەكی ڕۆژنامەوانیدا ئەوەی خستەڕوو، کە بە هۆیی پابەندیی هاوڵاتیان و بەهەوڵی حکومەتی خۆجێیی پارێزگای سلێمانی و کەرتی تەندروستیی و ئاوی پارێزگاکە و پشتیوانییەکانی حکومەتی هەرێمی کوردستان و وەزارەتەکانی تەندروستی هەرێمی کوردستان و حکومەتی ئیتحادی و WHO، ژمارەی تووشبوان ڕوو لە کەمبوونەوەیە و پەتاکە لەژێر کۆنتڕۆڵدایە. وتیشی، "بە هەستیاری تەواوەوە پێویستە هاووڵاتیان بەردەوامبن لەسەر خۆپارێزی بۆ ئەوەی لە مانگەکانی داهاتوودا سەرهەڵنەداتەوە".
خەڵك- سەرۆكی دیوانی ئەنجومەنی وەزیرانی هەرێمی كوردستان ڕایدەگەیەنێت، حكومەتی هەرێم دەرگای گفتووگۆی لەگەڵ بەغدا دانەخستووە و هەر كاتێك بەغدا وادەيەك دیاریی بكات، ئامادەی گفتووگۆن. ئەمڕۆ چوار شەممە، ئومێد سەباح سەرۆكی دیوانی ئەنجومەنی وەزیرانی هەرێمی كوردستان ڕایگەیاند:" سەرۆكی حكومەت لە كۆبوونەوەی ئەمڕۆی ئەنجومەنی وەزیران جەختی لەوە كردەوە، وەزارەتی ناوخۆ و ئەنجومەنی ئاسایش و هەموو لایەنە پەیوەندیدارەمانی راسپارد، دەبێت دەستبەجێ چەكی بێ مۆڵەت قەدەغە بكرێت و نابێت هیچ كەس لە رێگەی ئەو بۆشاییەی هەیە، ئاسایشی خەڵك تێكبدات. بە وتەی ئومێد سەباح :" لە كۆبوونەوەی ئەمڕۆ دوایین پێشهاتەكان و ئەو هێرشانەی كرانە سەر كێڵگەی كۆرمۆر و دانەگاز، تەوەرێكی سەرەكی كۆبوونەوەی ئەمڕۆی ئەنجومەنی وەزیران بووە و لەوێ بە وردی باس لە پلانی حكومەتی هەرێمی كوردستان و ناردنی هێزێكی وەزارتی پێشمەرگە كرا". لەبارەی دانوستانی نێوان هەرێمی كوردستان و حكومەتی فیدراڵیش، سەرۆكی دیوانی ئەنجومەنی وەزیران ڕایگەیاند:" دەرگای گفتوگۆ دانەخراوە و هەر كاتێك بەغدا وادەیەكی دیاریكرد، حكومەتی هەرێمی ئامادەیەی دانووستانە".
خەڵك- چوارشەممە وەزارەتی ناوخۆی عیراق، پووچەڵكردنەوەی تۆڕەكانی بەقاچاخبردنی نەوت ڕادەگەیەنیبَت، ئاماژە بە كۆتایی هاتنی قەیرانی سوتەمەنیش دەكات لەچەند ڕۆژی داهاتوودا لە بەغدا و بەشێك لە پارێزگاكان. ئەمڕۆ چوار شەممە، لیوا خالید ئەلموحەننا وتەبێژی وەزارەتی ناوخۆی عیراق بە ئاژانسی فەرمی (العراقیە)ی ڕاگەیاند:"دوایین قۆناغ لە بەغدا و هەندێك پارێزگا قەیرانی سووتەمەنی هەبووە چونكە هەندێك كەس وەرگیراوی نەوتیان بە قاچاخ بردووە بۆ هەرێمی كوردستان، وە وەزارەتی نەوتی عێراقیش بە قاچاخ گەیاندووە ناوخۆ ڕۆڵێكی سەرەكی و بەرچاوی هەبوو لە پووچەڵكردنەوەی زۆرێك لە تۆڕەكانی قاچاخچێتی بە هەماهەنگی لەگەڵ خاڵەكانی پشكنین لە ناوچەكانی فەرماندەیی ئۆپەراسیۆنەكان و ئاماژەی بەوەدا : كە فەرماندەی گشتی هێزە چەكدارەكان ڕێنمایی دەركرد بۆ بەشداریكردنی سەركردەكانی ئۆپەراسیۆنەكان لە ئەركی بەرەنگاربوونەوەی قاچاخكردنی وەرگیراوەكانی نەوت و هەماهەنگی لە نێوان پێكهاتەكان و یەكەكاندا بەردەوامە". بە وتەی خالید ئەلموحننا:"هەڵمەتێكی گەورە هەیە بۆ رێگریكردن لە دزەكردنی سووتەمەنی یان بەرهەمە نەوتییەكان بۆ ناو هەرێمی كوردستان و ئاماژەی بەوەشكرد : لە رۆژانی داهاتوودا كۆتایی بە كەمی سووتەمەنی لە بەغدا و هەندێك پارێزگا دێت". ئەلموحەننا دەڵێت:" نزیكەی ڕۆژانە چالاكییەكان لە پێكهاتە جیاوازەكانی بەڕێوەبەرایەتی پۆلیسی وزە و دەزگای هەواڵگری و هێزەكانی وەڵامدانەوەی خێرا هەیە، سەبارەت بە كۆنترۆڵكردنی ئەو شوێنانەی كە بۆ قاچاخكردنی وەرگیراوەكانی نەوت دیاریكراون، هەروەها هەندێك وێستگەی سەرپێچیكار". وتەبێژی وەزارەتی ناوخۆی عیراق پێیوایە:"خاوەن بەنزینخانەكان هەندێك بڕە سووتەمەنی هەڵدەگرن بە مەبەستی دزەكردنی و فرۆشتنی لە بازاڕی ڕەشدا، زۆرێكیش لەو وێستگەیانە دەستیان بەسەردا گیراوە، جگە لە دەستبەسەرداگرتنی ژمارەیەك تانكەر".
خەڵك- بڕیارە 20 هەزار یەكەی نیشتەجێبوون بۆ كرێنشینان و كەمدەرامەتان دروستبكرێن، تائێستا زیاتر لە 90 هەزار كەس فۆڕمی تایبەت بە وەرگرتنی یەكەكانی نیشتەجێبوونیان پڕكردووەتەوە كە. دەستەی وەبەرهێنانی هەرێم لە ڕاگەیانراوێكدا بڵاویكردەوە، 90 هەزار و 162 كەس فۆڕمی تایبەت بە وەرگرتنی یەكەكانی نیشتەجێبوونیان پڕكردووەتەوە كە 80 هەزار و 487 كەسیان خێزانداربوون و 9 هەزار و 675 یان سەڵتن. باس لە ئەوەشكراوە، تێكرا 89%ی ئەو كەسانەی فۆڕمیان پڕكردووەتەوە خێزاندارن و 11%یان سەڵتن.
خەڵك- ئاسایشی حاجیاوا تۆمەتبارێكی مەترسیدار دەستگیر دەكەن كە دەستی هەبووە لە دزیكردن لە ماڵان و بڕینی چەندین شوێن كار و پیشەی خەڵك. ئاسایشی حاجیاوا لە ڕاگەیانراوێكدا بڵاویكردەوە، لەدرێژەی كاروچالاكی وبەدواداچونەكانی یاریدەدەرێتمان ئەمڕۆ چوارشەممە، 29\6\2022 كەسێك كە تۆمەتبارە بەپێی مادەی(٤٤٦)لەیاسای سزادانی عێراقی لەلایەن مەفرەزەكانی یاریدەدەرێتیمان لەچیای ماكۆك دوای هەوڵی تەقەكردن و هەڵاتن توانیمان دەستگیری بكەین. لە ڕاگەیانراوەكەدا هاتووە، تۆمەتبارەكە ناوی (س_ی_ع) ە و دانیشتوی قەزای كۆیەیە، لەدایك بووی(١٩٩٤)ە، پێشتریش لەلایەن دادگای لێكۆڵینەوەی ڕانیە لە ئیدارەی ڕاپەڕین فەرمانی دەستگیركردنی هەبووە، بەڵام خۆی ڕادەست نەكردووە كەتۆمەتبارەبەچەندین كاری دزی كردنی ماڵ ودوكان و شوێنی دیكە.
خەڵك- پەرلەمانی كوردستان بە زۆرینەی دەنگ هەمواری یاسای نەوت و غازی پەسەندكرد. بەپێی زانیارییەكان لە كۆبوونەوەی ئەمڕۆی پەرلەمانی كوردستان بە زۆرینەی دەنگ، هەمواری یاسای نەوت و غازی پەسند كرد. لە كۆبوونەوەكەدا بە دەنگی 79 ئەندامی پەرلەمان هەمواری یاسای نەوت و غاز پەسەند كرا، بەڵام بەشێك لە فراكسیۆن و پەرلەمانتاران دەنگیان پێنەدا.
خەڵك- شایستەی دارایی مانگی پێنجی مامۆستایانی وانەبێژ لە سنووری ڕەواندز دابەشدەكرێت. بەڕێوەبەرایەتیی پەروەردەی ڕواندز لە ڕاگەیانراوێكدا بڵاویكردەوە، ئاگاداری بەڕێوەبەری قوتابخانەكانی سنووری بەڕێوەبەرایەتیی پەروەردەی ڕواندز دەكەینەوە، ئەوانەی مامۆستای وانەبێژی دانەمەزراویان هەیە، هەر ئێستا سەردانی دیوانی پەروەردە ــ بەشی وردبینی بكەن، بۆ مەبەستی وەرگرتنی شایستە داراییەكانی مامۆستایانی وانەبێژ. لە ڕاگەیانراوەكەدا ئەوەش هاتووە، ئەو شایستە داراییەی مامۆستایانی وانەبێژ بۆ مانگی 5 ی 2022 دەبێت.

پسپۆڕێك: بومەلەرزە لە عیراقدا زۆر دەبێت

پسپۆڕێك: بومەلەرزە لە عیراقدا زۆر دەبێت

ئیدریس جەبار

ئایار 11, 2022

خەڵك- عادل موختار، ڕوێژكار و پسپۆڕی كشتوكاڵی پێیوایە، ڕێژەی…

بومەلەرزە ناوچەیەكی هەرێمی هەژاند

بومەلەرزە ناوچەیەكی هەرێمی هەژاند

سەرهەنگ خالید

نیسان 16, 2022

خەڵك- بومەلەرزە ناوچەی گەرمیانی هەژاند و تا ئێستا زیانەكانی…

بومەلەرزە قەزایەكی سەر بە پارێزگای سلێمانی هەژاند

کوردستان

بومەلەرزە قەزایەكی سەر بە پارێزگای سلێمانی هەژاند

ئیدریس جەبار

نیسان 8, 2022

خەڵك- بومەلەرزە قەزایەكی سەر بە پارێزگای سلێمانی دەهەژێنێت،…

لە ناوچەیەكی هەرێم بومەلەرزە ڕوویدا

کوردستان

لە ناوچەیەكی هەرێم بومەلەرزە ڕوویدا

كوردستان جەلال

كانونی دووه‌م 30, 2022

خەڵك لە قەزای مەخمووری باشوری هەولێر، بەرەبەیانی ئەمڕۆ…

بومەلەرزە شارێكی هەرێمی هەژاند

بومەلەرزە شارێكی هەرێمی هەژاند

لاوى محمد

تشرینی یه‌كه‌م 13, 2021

خەڵك بەرێوەبەرایەتی گشتی كەشناسی و بومەلەرزەزانی هەرێمی…

بوومەلەرزەیەكی بەهێز باشووری ئێرانی هەژاند

بوومەلەرزەیەكی بەهێز باشووری ئێرانی هەژاند

لاوى محمد

تشرینی یه‌كه‌م 1, 2021

خەڵك بەرەبەیانی ئەمڕۆ هەینی بومەلەرزەیەك بەهێز باشووری…

بومەلەرزەیەكی بەهێز ناوچەیەكی هەرێمی هەژاند

بومەلەرزەیەكی بەهێز ناوچەیەكی هەرێمی هەژاند

سەرهەنگ خالید

ئه‌یلول 28, 2021

خەڵك- بەڕێوەبەرایەتی گشتی كەشناسی و بومەلەرزەزانی هەرێمی…

بومەلەرزە شارێكی هەرێمی كوردستانی هەژاند

کوردستان

بومەلەرزە شارێكی هەرێمی كوردستانی هەژاند

ئیدریس جەبار

ئه‌یلول 14, 2021

خەڵك- بەڕێوەبەرایەتی گشتی كەشناسی و بومەلەرزەزانی هەرێمی…

ئێران.. بومەلەرزەیەك تاران دەهەژێنێت

ئێران.. بومەلەرزەیەك تاران دەهەژێنێت

کارزان جەرجیس

ئاب 15, 2021

خەڵك بومەلەرزەیەك بە گوڕی 3.9 پلە بە پێوەری ڕێختەر ڕۆژهەڵاتی…

كەشناسی هەرێم: پێشبینی دەكرێت نمەباران و هەورە بروسكە لە هەر شوێنێك دەستپێبكات

كەشناسی هەرێم: پێشبینی دەكرێت نمەباران و هەورە بروسكە لە هەر شوێنێك دەستپێبكات

کارزان جەرجیس

خەڵك بەڕێوەبەرایەتی گشتی كەشناسی و بومەلەرزەزانی هەرێمی…