لەم ڕۆژانەدا فەیسبووک لە نوێکردنەوەی وەشاندی خۆیدا ڕەنگی لۆگۆکەی لە شین و سپی گۆڕی بۆ ڕەش و شین.
دەرکەوتنی لۆگۆی نوێی تۆڕی کۆمەڵایەتی “فەیسبووک” بە ڕەنگی ڕەش و شین لەبری شین و سپی تەقلیدی، شەپۆلێک قسە و باسی لەبارەی گۆڕانکاری ڕیشەیی لە ناسنامەی ئەپلیکەیشنەکەدا لێکەوتەوە.
لە ڕوونکردنەوەیەکدا کۆمپانیای مێتا پشتڕاستی کردەوە، کە ئەو گۆڕانکارییەی بەکارهێنەران تێبینیان کردووە لەسەر ئامێرەکانیان تەنها هەڵەیەکی تەکنیکی نەخوازراو بووە و چارەسەر کراوە.
کۆمپانیاکە پشتڕاستی کردەوە کە تا ئێستاش پابەندە بە دیزاینە تەقلیدییەکەیەوە، و ئەوەی ڕوویدا لە هەڵەیەکی تەکنیکی زیاتر نەبووە کە بە خێرایی مامەڵەی لەگەڵدا کراوە.
وتەبێژی مێتا بە فۆکسی وتووە، کە هۆکاری ئەم کارە “کێشەیەکی تەکنیکی بووە و چارەسەر کراوە خەڵک چاککردنەوەکە دەبینن کاتێک ئەپەکەیان نوێ دەکەنەوە.”
لۆگۆی فەیسبووک بەزۆری پیتی F ی سپییە لەسەر باکگراوندێکی شین، بەڵام لەبری ئەوە بەهۆی کەموکوڕییەکی تەکنیکییەوە گۆڕدرا بۆ پیتی F شین لەسەر باکگراوندێکی ڕەش.
