داهاتی هەفتەی رابردووی سلێمانی لە ڕۆژی 24 تاوەکو 30ی ئابی 2024 نزیکەی 15 ملیار دینار بووە.
ماڵپەڕی شەفافیەت بۆ چاودێری و ڕێكخستنی داهاتە نانەوتییەكانی سلێمانی، هەڵەبجە، هەردوو ئیدارەی ڕاپەڕین و گەرمیان داهاتی هەفتەی ڕابردووی بڵاوکردەوە، کە بڕی 14 ملیار و 911 ملیۆن و 389 هەزار و 843 دینار بووە، بەجۆرێك كە 84%ی داهاتەکە بەشێوەی نەختینەیە، هەروەها 2%ی بەشێوەی چەکە و 14%یشی بەشێوەی (مقاصە) بووە.
ئێستا ڕۆژانە دەتوانیت سەرجەم داهاتە نانەوتییەكانی پارێزگاكانی سلێمانی و هەڵەبجە و هەردوو ئیدارەی سەربەخۆی گەرمیان و راپەڕین لە سایتی شەفافییەتەوە بزانیت.
