وەزارەتی ئەوقاف رایگەیاند، بڕیارماندا مانگانە مینحەیەک (شایستەی دارایی) بدرێتە مامۆستایانی ئایینیی خۆبەخش (کەھیچ داھاتی تریان نییە) لەسەر بوودجەی وەزارەت، تاکۆتایی ساڵی 2024 ئامادەکردنی پڕۆژە بودجەی حکومەتی ھەرێمی کوردستان رێکاری کارگێری و یاسایی بۆیان دەگرینەبەر، بۆئەوەی بەمافەکانیان بگەن.”
وەزارەتی ئەوقاف کاروباری ئاینی لە راگەیەندراوێکدا بڵاویکردووەتەوە و دەڵێت:”مامۆستایانی ئاینی خۆبەخش لەماوەی ڕابردودا ڕۆڵی گەورەیان ھەبووە لەپڕکردنەوەی بەشێکی میلاکی مزگەوتەکان وخزمەتکردنی نوێژخوێنان ھەروەھا جێبەجێکردنی ئەرکە ئاینی و نیشتمانی و مرۆیبەکان، وێڕای برەودان بە پرەنسیپەکانی پێکەوە ژیان و لێبوردەیی”
دەشڵێت:”وەک ئەرکی سەرشانمان، بڕیارماندا کەمانگانە منحەیەک بدرێتە مامۆستایانی ئاینی خۆبەخش (کەھیچ داھاتی تریان نیە ) لەسەر بوودجەی وەزارەت، تاکۆتایی ساڵی (٢٠٢٤) ئامادەکردنی پڕۆژە بودجەی حکومەتی ھەرێمی کوردستان ڕێکاری کارگێری و یاسایی بۆیان دەگرینەبەر، بۆئەوەی بەمافەکانیان بگەن “.
