سەرۆکایەتی شارەوانی سلێمانی سنوری ٢٨ گوند دیاریدەکات بەمەبەستی رێگەپێدان بە دروستکردنی خانوو.
لەیلا عومەر سەرۆکی شارەوانی سلێمانی لە بلاوکراوەیەدا ڕایگەیاند، بەم نزیکانە سەرۆکایەتی شارەوانی سلێمانی ڕێکارەکانی کردنەوەی ڕێگەپێدانی خانووکردن لە ٢٨ گوند دەخاتە بواری جێبەجێکردنەوەو لە ئێستادا ئامادەکاری بۆ دەکرێت.
ئاماژەی بەوەشکردووە، بڕیارەکە رێگەپێدان بە دروستکردن و نۆژەنکردنەوەی خانوو، ڕووخاندن و دروستکردنەوە یاخود زیادکردن و کەمکردنی ژوور و نھۆم دەگرێتەوە.
بەپێی ئەو نووسراوەی لەیلا عومەر بڵاویکردۆتەوە ناوی گوندەکان دیاریکراوە.
