ئاسایشی هەولێر دەستگیرکردنی تۆمەتبارێکی ڕاگەیاند، کە بڕی 155 ملیۆن دیناری خاوەنی کۆمپانیایەکی لە شاری بەغدا دزیبوو و بۆ هەولێر هەڵاتبوو.
ئاسایشی هەولێر لە ڕاگەیەندراوێکدا بڵاویکردەوە، لەلایەن هاوڵاتییەکی شاری بەغدا کە خاوەنی کۆمپانیای بازرگانیی گشتییە ئاگادارکراینەوە کە بڕی 155 ملیۆن دیناری عێراقی لێدزراوە، دوای بەدواداچوون و کۆکردنەوەی زانیاری ورد و دوای وەرگرتنی فەرمانی دادوەری لێکۆڵینەوەی ئاسایش تیمەکانمان توانیان لەماوەیەکی کورتدا تۆمەتبار بە ناوی (ع، ر،ج) دەستگیر بکەن و دەست بەسەر بڕی پارەی دزراودا بگرن.
ئاماژەی بەوەکرد، تۆمەتبار پەڕاوی لێکۆڵینەوەی بۆ کراوەتەوە و رووبەڕووی یاسا کراوەتەوە، دوای دانپێدانانی تۆمەتبار پارە دزراوەکە رادەستی خاوەنەکی کرایەوە.
