ئەنجومەنی شارەوانی سلێمانی هۆشداری دەداتە ئەو وەبەرهێنانەی كە وێڕای تەرخانكردنی زەوی بۆ پرۆژەكانیان هێشتا دەستبەكارنەبوون و لە 16 كۆمپانیا پێكهاتوون.
ئەمڕۆ چوارشەممە ٢٠٢٤/٨/٢١، ’ئەنجومەنی شارەوانیی سلێمانی دانیشتنی ئاسایی خۆی سازدا بەسەرپەرشتیی سەرۆكی ئەنجومەن و ئامادەبونی جێگرو تێكڕای ئەندامانی ئەنجومەن.
لە راگەیەندراوێکدا سەرۆکایەتی شارەوانی سلێمانی بڵاویکردووەتەوە و دەڵێت:”پێویستە بەزوترین كات هۆكاری دەستبەكارنەبونان رونبكرێتەوە بەپێچەوانەوە تەرخانكردنی زەوی پڕۆژەكانیان هەڵدەوەشێنرێتەوە.
دەشڵێت:”ئەنجومەنی شارەوانیی بەدواداچونی بۆ ئەو زەوییانە كرد كە تەرخانكراون بۆ پرۆژەكانی وەبەرهێنان و ئەو وەبەرهێنەرانەی كە تائێستا دەستبەكار نەبون و مۆڵەتیان هەیە، كە بریتین لە (١٦) كۆمپانیا پێویستە بەپەلە ئاگادارمان بكەنەوە لە هۆكاری دەستبەكارنەبوونیان سەرەڕای هەبونی مۆڵەتیان، هەروەها ئەو پابەندییەی كە لەسەریانە بۆ كردنی پرۆژەی خزمەتگوزاریی بۆ شارەوانیی و تاوەکو ئێستا جێبەجێیان نەكردوە، پێویستە بە زوترین كات لەلایەن وەبەرهێن، بەڕێوەبەرایەتی گشتیی وەبەرهێنانەوە ڕونبكرێتەوە، بە پێچەوانەوە هەڵوەشاندنەوەی تەرخانكردن بۆ زەوییەكانیان دەكرێت”.
