وەزارەتی تەندروستی پاکستان ئەمڕۆ هەینی ڕایگەیاند، حاڵەتێکی تووشبوون بە ڤایرۆسی mpox لە نەخۆشێکدا پشتڕاستکردەوە، کە لە وڵاتێکی کەنداو گەڕابووەوە.
وتەبێژی وەزارەتی تەندروستی وتی: ئەو حاڵەتە پشتڕاستکراوەتەوە و پشکنین بەردەوامە، هێشتا ڕوون نییە کە نەخۆشەکە کام جۆری mpox ی هەیە تاوەکو پرۆسەکە تەواو دەبێت.
فۆرمێکی نوێی ڤایرۆسەکە نیگەرانی جیهانی لێکەوتووەتەوە، چونکە پێدەچێت بە ئاسانی بڵاوبێتەوە ئەگەرچی پەیوەندی نزیک بە شێوەیەکی ڕۆتینی بێت. دوێنێ پێنجشەممە حاڵەتێکی ئەم جۆرە نوێیە لە سوید پشتڕاستکرایەوە، کە پەیوەندی بە بڵاوبوونەوەی ڤایرۆسەکەوە هەیە لە ئەفریقا، ئەمەش یەکەم نیشانەیە بۆ بڵاوبوونەوەی لە دەرەوەی کیشوەرەکە.
ئەمە لەکاتێکدایە ڕێکخراوی تەندروستی جیهانی هۆشداری لە بڵاوبوونەوە و تەشەنەسەندنی ڤایرۆسەکە داوە، و داوایکردووە ڕێکاری زیاتر بگیرێتە بەر.
