بەڕێوەبەرایەتی هاتووچۆی سۆران ڕایدەگەیەنێت، بەهۆی هێڵکاریکردنی ڕێگاکە، سبەی ڕێگای هەوینەهەوارەكانی گەلی عەلی بەگ- بێخاڵ دادەخرێت.
بەڕێوەبەرایەتی هاتووچۆی سۆران لە راگەنراوێکدا ئاماژەی بەوە کردووە، شۆفێران ئاگادار دەکەنەوە لەوەی سبەی سێ شەممە، ڕێگای گەلی عەلی بەگ- بێخاڵ لە بازگەی بێخاڵ تا هاوینەهەواری بێخاڵ دادەخرێت.
ڕاشیگەیاندووە، بە هۆكاری هێڵكاریكردنی ڕێگاكە لەلایەن بەشی ئەندازەی بەڕێوەبەرایەتی هاتووچۆی سۆران ڕێگاکە دادەخرێت و سبەی ئێوارەکەی ڕێگاکە بەڕووی شۆفێراندا دەکرێتەوە.
هاتووچۆی سۆران داوا لە شۆفێران دەكات، “پابەندی ڕێنماییەکانی هاتووچۆ بن و بە هۆشیارییەوە شۆفێری بکەن”.
