ئەمڕۆ دوو شەممە (٢٢ی تەمموزی ٢٠٢٤)، سەرۆکی هاوپەیمانی هێزە نیشتمانییەکانی دەوڵەت، جەخت لە پێویستی چارەسەرکردنی پرسی حکومەتە خۆجێیەکان و ڕەچاوکردنی هاوسەنگی نێوان پێکهاتەکان دەكاتەوە.
عەممار حەكیم، سەرۆکی هاوپەیمانی هێزە نیشتمانییەکانی دەوڵەت لە بەیاننامەیەکدا ڕایگەیاندووە، “لەگەڵ شاندێکی یەکێتی نیشتمانی کوردستان كۆبووینەوە و پێشهاتەکانی گۆڕەپانی سیاسی و پەیوەندیی نێوانمان لەگەڵ یەکێتی و ئەو وێستگانەمان تاوتوێ کردووە، کە ئێمەیان لەگەڵ ئەوان کۆکردۆتەوە لە مێژووی هاوچەرخی عێراقدا.
حەكیم جەختی لەسەر “گرنگی چارەسەرکردنی فایلی حکومەتە خۆجێیەکان و پێویستی هەماهەنگی پۆستەکان بۆ پێشکەشکردنی خزمەتگوزارییەکان و بەردەوامبوون لە هەڵمەتی ئاوەدانکردنەوە” كردۆتەوە.
داواشی کرد “حکومەتی خۆجێی بۆ پارێزگاری کەرکوک پێکبهێنرێت، بە لەبەرچاوگرتنی هاوسەنگی پێکهاتەکانی، هەروەها پاڵپشتیکردنی ڕێبازی خزمەتگوزاری و گەشەپێدانی حکومەتی فیدڕاڵی”.
عەممار حەكیم وتویەتی، “پێویستە لەئاست ئەو متمانە جەماوەرییە بوەستین، كە بەدەستهاتووە بە پاڵپشتی حكومەت و هێزە سیاسییە پاڵپشتەكان و كرابكەن بۆ بەهێزکردن و بەردەوامبوونی”.
