بڕیارە ئەمڕۆ مووچەی دوو مانگی بەشێکی دیکەی پێشمەرگە و هێزە ئەمنییەکانی هەرێمی کوردستان دابەش بکرێت.
بە پێی خشتەی وەزارەتی دارایی و ئابووری، ئەمڕۆ پێنجشەممە، 18 تەمووز، وەزارەتی پێشمەرگە، یەکەکانی 70 و 80، هێزەکانی زێرەڤانی لەگەڵ بەرگری و فریاکەوتن مووچەی مانگی ئایار و حوزەیران وەردەگرن.
هەر ئەمڕۆش ئەو هاوکارییە داراییە بەسەر هێزەکانی پێشمەرگەدا دابەش دەکرێت کە هاوپەیمانان دابینی دەکەن.
دوێنێش ئەنجومەنی ئاسایش و دەزگای ئاسایش و بەڕێوەبەرایەتی پۆلیسی پاراستنی دامودەزگا نەوتییەکان مووچەیان وەرگرت.
