بەڕێوەبەرێتی خۆسەری باکوور و خۆرهەڵاتی سووریا “ڕۆژئاوای كوردستان” لێبوردنی گشتی دەكرد، بەڵام چەند مەرجێكی بۆ داناوە.
بەڕێوەبەرێتی خۆسەری باکوور و خۆرهەڵاتی سووریا بڕیاری لێبووردنی گشتی دەرکرد و بەگوێرەی بڕیارەکە “لێبووردنە گشتییەکە تۆمەتبارانی دۆسیەی تیرۆر و تاوانەکانی دیکەش دەگرێتەوە بەمەرجێک سووری بن”.
لە بڕیارەکەی خۆسەردا هاتووە، “لێبوردنی گشتی ئەو زیندانیانە دەگرێتەوە، کە نیوەی سزای زیندانییەکەیان بەسەربردووە و هەموو ئەو زیندانیانەی نەخۆشی درێژخایەن و چارەسەرنەکراویان هەیە ئازاد دەکرێن”.
جەختیشكراوەتەوە، هەر زیندانییەک تەمەنی 75 ساڵ یان زیاتر بێت ئازاد دەکرێت و ئەو کەسانەی سزای زیندانی هەتاهەتاییان هەبووە سزاکەیان دەگۆڕێت بۆ 15 ساڵ بەندکردن.
هەر لە بڕیارەكەدا هاتووە، “لێبووردنەکە بەرپرسانی ڕێکخراوە تیرۆریستییەکان و چەکدارانی تیرۆر ناگرێتەوە”.
