دوای سێ ڕۆژ لە گەڕان، ئەمڕۆ تەرمی مامۆستا سامان ئەحمەد لە دەریاچەی دەربەندیخان دۆزرایەوە.
شەوی هەینی ڕابردوو، مامۆستایەك بەناوی (سامان ئەحمەد)، لە كاتی مەلەكردندا لە دەریاچەی دەربەندیخان خنكا، ماوەی سێ ڕۆژە تیمەکانی بەرگری شارستانی و هاووڵاتییانی ناوچەکە سەرقاڵی گەڕانن بە دوای دۆزینەوەی تەرمەکەی، دواجار بەیانی ئەمڕۆ لە ڕێگەی درۆنەوە دۆزرایەوە.
ئەمەش لە کاتێکدایە، وێڕای هۆشداری و ئاگادارکردنەوەکانی بەرگری شارستانی بۆ هاووڵاتییان، بەڵام ڕۆژانە خنکان و گیان لەدەستدانی خەڵکی لە دەریاچە و ڕووبارەکان بەردەوامە.
