بەڕێوەبەرایەتی گشتیی پەروەردەی هەولێر بڕیاری كردنەوەی كۆمەڵگەیەكی پەروەردەیی “خوێندنی ئینگلیزری” دەدات و ڕایدەگەیەنێت، كە پێویستی بە مامۆستای میلاك و وانەبێژ و دەرچووانی دانەمەزراوە و دەشڵێت: تاوەكو 1ی ئاب (سی ڤی) بنێرن.
بەڕێوەبەرایەتی گشتیی پەروەردەی هەولێر لە ڕاگەیەنراوێكدا ئاماژەی بەوەكردووە، کۆمەڵگەیەکی پەروەردەیی حکومی بە سیستمی وەزارەتی پەروەردە (خوێندنی ئینگلیزی) دەکەینەوە، کە پێکدێت لە: باخچەی منداڵان و بنەڕەتی و ئامادەیی.
ڕاشیگەیاندووە، ئەو مامۆستایانەی (میلاک – وانەبێژ) هەروەها ( دەرچووی دانەمەزراو) کە ئارەزووی دەوامکردن و وانەوتنەوە دەکەن لەو کۆمەڵگە پەروەردەییە دەتوانن تا ١ ی ٨ ی ٢٠٢٤، (سی ڤی ) بە شێوەی ( پی دی ئێف ) بنێرن بۆ ژمارە واتس ئاپی (٠٧٥٠٥١٠٦٢٦٢).
ئاماژەی بەوەشكردووە، مەرجە ئاستی زمانی ئینگلیزیان و بڕوانامە و پسپۆڕییەکەیان ئاماژە پێبدەن، لەگەڵ ناونیشانی تەواو، هەروەها ئەگەر ئەزموونی وانە وتنەوەی پێشوتریان هەبێت چاوپێکەوتن و هەڵسەنگاندنیان لەگەڵ ئەنجامدەدرێت.
