بافڵ تاڵەبانی پەیامێکی پیرۆزبایی ئاڕاستەی سەرۆک کۆماری نوێی ئێران دەکات و دەڵێت، “برایەتیی لەمێژینەی نێوان گەلی کورد و کۆماری ئیسلامیی ئێران دووپاتدەکەینەوە”.
بافڵ تاڵەبانی، سەرۆکی یەکێتیی نیشتمانیی کوردستان پەیامێکی پیرۆزبایی ئاڕاستەی سەرۆک کۆماری نوێی ئێران دەکات و دەڵێت، بەڕێز دکتۆر مەسعود پزیشکیان، سەرۆک کۆمارى نوێى ئێران بە بۆنەی هەڵبژاردنتان وەک سەرۆک کۆماری نوێی کۆماری ئیسلامیی ئێران، پیرۆزباییەکی گەرمتان ئاراستە دەکەم و هیوای سەرکەوتنتان بۆ دەخوازم .
ئاماژەی بەوەشکرد، لەم دەرفەتەدا پەرەپێدانی پەیوەندییەکان و برایەتیی لەمێژینەی نێوان گەلی کورد و کۆماری ئیسلامیی ئێران لە چوارچێوەی پاراستنی بەرژەوەندی و بەها باڵاکانی نێوانمان دووپاتدەکەینەوە.
جەختی لەوەشکردەوە، یەکێتیی نیشتمانیی کوردستان بە پەرۆشەوە چاوەڕێی هاریکاری و کاری پێکەوەییە لە بوارە جیاوازەکان و گەشەپێدانی هەماهەنگییەکان.
ئەوەشی خستەڕوو، دڵنیاین کۆماری ئیسلامیی ئێران بە سەرکردایەتیی بەڕێزتان رۆڵێکی گرنگ دەگێڕێت لەپێناو پاراستنی سەقامگیریی ناوچەکە و پتەوکردنی پەیوەندییەکان لەگەڵ وڵاتانی دراوسێ و دۆست.
