ئەمساڵ سعودیە بۆ وەرزی حەج بە زیرەکی دەستکرد و تەکنەلۆژیای پێشکەوتوو جیهانی سەرسام کردووە.
بە هاتنی زیاتر لە ملیۆنێک حاجی بۆ خاکی سعودیە، خۆی بۆ وەرزێکی نوێ ئامادە دەکات کە ڕەنگە لە ڕووی ژمارەی حاجیان، ئامێرەکان، یان قەبارەی پڕۆژە خزمەتگوزارییەکان لە وەرزی حەجی ٢٠٢٤دا ژمارەیەکی پێوانەیی تۆمار بکات.
سعودیە لە وەرزی حەجی ئەمساڵدا کۆمەڵێک ئامادەکاری بێوێنەی پێشکەشکردووە، کە گەشەسەندنێکی گەورەی بەخۆیەوە بینیوە، بە بەکارهێنانی تەکنەلۆژیای مۆدێرن و بەتایبەتی زیرەکی دەستکرد بە ئامانجی باشترکردنی ئەزموونی حاجیان و دڵنیابوون لە سەلامەتی و ئاسانکاری ئەنجامدانی ڕێوڕەسمەکان.
لەم دواییانەدا سعودیە سەرکەوتوو بووە لە بەکارهێنانی کۆمەڵێک تەکنەلۆژیا و بەرنامەی داهێنەرانە، کە گۆڕانکارییەکی چۆنایەتی لە بەڕێوەبردنی ئەم بۆنە ئاینییە جیهانییەدا هێناوەتە ئاراوە، کە لەم ماوەیەدا ملیۆنان موسڵمان لە هەموو جیهانەوە ڕوو لە وڵاتەکە دەکەن.
نوێترین ئامراز کە بۆ ئاسانکاری حەج بەکاردێت
وەرزی حەجی ئەمساڵ نوێنەرایەتی هەنگاوێکی گەورە دەکات بۆ تێکەڵکردنی تەکنەلۆژیای سەردەمیانە بۆ ڕێوڕەسمەکانی حەج، تیشک دەخاتە سەر توانای بەکارهێنانی زیرەکی دەستکرد بۆ باشترکردنی ئەزموونی حاجیان و دڵنیابوون لە سەلامەتی و ئاسوودەیییان.
دیارترین شێوازەکانی زیرەکی دەستکرد کە لە وەرزی حەجی ئەمساڵدا بەکارهێنراون:
ڕۆبۆتە زیرەکەکان:
ڕۆبۆتی زیرەک لە پەناگە و ناوچەکانی دەوروبەری جێگیر دەکرێن بۆ ڕێنماییکردنی حاجیان و وەڵامدانەوەی پرسیارەکانیان و پێشکەشکردنی ڕێنمایی پێویست بە چەند زمانێک.
شیکاری داتا گەورەکان:
داتاکانی قەرەباڵغی لە ڕێگەی زیرەکی دەستکردەوە شیکاری دەکرێن بۆ ڕێنماییکردنی گەشتی حاجیان و ڕێگریکردن لە قەرەباڵغی لە هەندێک خاڵدا، ئەمەش بەشدارە لە کەمکردنەوەی مەترسییەکان.
سیستەمی ناسینەوەی دەموچاو:
کامێرای زیرەک لەسەر بنەمای تەکنەلۆژیای ناسینەوەی دەموچاو دادەنرێت بۆ بەرزکردنەوەی ئاسایش و چاودێریکردنی شوێنە گشتیەکان و ڕێگریکردن لە هەر چالاکیەکی گوماناوی.
تەکسی فڕیو:
ئۆتۆمبێلە کارەباییەکان پشت بە تەکنەلۆژیای بەرزبوونەوە و نیشتنەوەی ڕاست دەبەستن و بەشدارن لە کەمکردنەوەی قەرەباڵغی هاتووچۆ و باشترکردنی ئەزموونی گواستنەوە.
فڕۆکەی بێفڕۆکەوان:
بۆ مەبەستی پزیشکی بەکاردەهێنرێت، وەک گواستنەوەی یەکەکانی خوێن و نمونەی تاقیگە لە نێوان نەخۆشخانەکاندا، ئەمەش خێرایی و کارایی وەڵامدانەوەی پزیشکی بەرز دەکاتەوە.
